Dr.Hadeer shawky

24/04/2026

في وقت بقى فيه الضغط النفسي جزء من يومنا، قررنا نقف جنب بعض… ونمد إيدنا لكل حد محتاج 💙

مبادرة “انت مش لوحدك” مش مجرد فكرة… دي رسالة حقيقية إنك مهما حسيت بالوحدة أو الثقل، في دايمًا مساحة آمنة تسمعك وتفهمك بدون حكم.

فخورة إني أكون جزء من المبادرة دي تحت إشراف حبيبتي و اختي د. رشا العناني، ومع فريق مؤمن إن الدعم النفسي مش رفاهية… ده حق لكل إنسان.

لو أنت محتاج تتكلم، أو حتى تسمع حد يفهمك… إحنا هنا علشانك.





@

22/04/2026

"هل ممكن الإنسان يكون شايف النهاية… ومع ذلك يكمل؟"

فيه جمل بنسمعها أحيانًا:
"أنا عارف إن السلوك ده هيأذيني… بس مش قادر أوقف"

مش المشكلة في المعرفة…
المشكلة في الاستمرار رغم المعرفة

لما الإنسان يبقى شايف إن فيه سلوك غلط بيضرّه،
زي إهمال الصحة، أو التدخين، أو أي عادة مؤذية…
وبيفضل يكمل فيها وهو مستوعب العواقب☹️

اللي بيحصل هنا مش “قدر بيتكتب بالكلام”
لكن سلسلة تدريجية من الضرر

العقل أحيانًا بيعمل حاجة خطيرة:
يبرر الاستمرار بدل ما يوقف

"لسه بدري"
"مش هحصل دلوقتي"
"مرة مش هتفرق"

لحد ما التكرار يحوّل الخطر لواقع

مش لأن حد تنبأ بنهايته…
لكن لأن الإصرار على نفس السلوك بيكبر النتيجة مع الوقت

وفي النهاية الفكرة أبسط من أي تفسير غامض 👇
مش كل حاجة بنقولها بتتحقق
لكن كل سلوك بنكررّه بيبني نتيجة

وعيّنا بسلوكنا النهارده… هو اللي بيحدد بكرة أكتر من أي كلام قلناه 🙏🏻

ونحتسب عند الله الدكتور
ونسأل الله أن يرحمه ويغفر له ويجعل مثواه الجنة،
وأن يجعل موته عبرة لنا كلنا إننا نراجع نفسنا ونحافظ على صحتنا وحياتنا 🙏🏻

ورسالته لنا تكون واضحة:
ما تستهونش بأي سلوك بيأذيك… ابدأ تغيّره قبل ما يبقى عادة تسيطر عليك 🤍
#صحتك #امانه #ربنايرحمك 🙏🏻 #الوعي
Hadeer Shawky

20/04/2026

20/04/2026

18/04/2026

بكل فخر وامتنان،
أتقدم بخالص الشكر والتقدير لجامعة الأمم المتحدة على دعوتي الكريمة للمشاركة في جائزة الملتقى الدولي للكفاءات 🌍✨

سعيدة جدًا بكوني جزء من هذا الحدث المميز، واللي بيجمع نخبة من الكفاءات والخبرات من مختلف المجالات، في تجربة ثرية ومُلهمة.

إن شاء الله أكون على قدر هذه الثقة، وأقدر أقدم إضافة حقيقية تليق بهذا الحدث الكبير.

في انتظاركم يوم الجمعة بإذن الله 🤍
كما اتقدم بشكر خاص لي معالي السفير رضا عبد اللطيف علي دعمه و تقديره الكريم 🙏🏻
Reda Abd Allatif
#مصر

16/04/2026

اللي حاصل حوالين قصة بسنت بقى كله أحكام…
وكل واحد بيتكلم كأنه فاهم كل حاجة.؟!

بس الحقيقة؟
محدش عارف اللي كان جواها.😞

علشان كده…
مهم جدًا نوقف لحظة، ونبطل نحكم،
ونبطل نتكلم بلسان حد.

بكرة هطلع لايف 🔈🔈📣📣
مش علشان أقول مين صح ومين غلط…
لكن علشان نجاوب على الأسئلة اللي بجد مهمة:

إيه اللي بيوصل إنسان للنقطة دي؟
إزاي بنأذي بعض من غير ما ناخد بالنا؟
وإيه الصح اللي لازم نعمله بدل الهجوم واللوم؟

اللايف ده مهم…
لكل حد بيتكلم…
ولكل حد ساكت.
معادنا بكره الجمعه

📅 بكرة
⏰ الساعة 7 مساءً

اسمعوا الأول…
وبعدين احكموا.
#بسنت #لايف #الجمعه #7 #مصر #الوعي #الرحمه

15/04/2026

بسنت ما ماتتش فجأة…
بسنت كانت بتقع حتة حتة… وإحنا مش شايفين 💔

في علم النفس، أغلب الحالات دي ما بتكونش “قرار لحظي”…
دي بتكون تراكم طويل جدًا من الضغط النفسي غير المُحتوى.

في حد في حياتك ممكن يكون بيضحك قدامك…
وبينه وبين نفسه بيحارب ألف فكرة مؤلمة.

المشكلة مش في لحظة النهاية…
المشكلة في كل مرة حد احتاج فيها يتفهم…
واتقال له:
"إنت مكبر الموضوع"
"عدّيها"
"كلنا كده"

دي اسمها نفسيًا: Invalidation of feelings (إبطال المشاعر)
وهي من أخطر الحاجات اللي بتخلي الإنسان يقفل على نفسه من جوا.

كمان في عامل مهم جدًا…
وهو الضغط المستمر بدون مساحة أمان
بيت، علاقات، أو مجتمع مش بيدّي مساحة للتعب…
فالشخص بيبدأ ينهك نفسيًا من غير ما يلاقي منفذ.

وفي لحظة ما…
الإنسان مش بيبقى عايز يموت…
هو بس بيبقى عايز يوقف الألم.

علشان كده مهم جدًا:
نسمع بجد… مش رد وخلاص
نلاحظ التغيرات الصغيرة
ونبطل نقلل من وجع أي حد

ولو إنت تعبان…
سكوتك مش حل
ومش لازم تشيل كل ده لوحدك 💛

اطلب مساعدة… واتكلم
لأن الدعم النفسي مش رفاهية… ده إنقاذ حياة.

#وعي

09/04/2026

✨ مش كل الناس محتاجة تفضل في ثيرابي طول عمرها…
بس كل الناس محتاجة مهارات تعيش بيها صح ✨
كتير مننا بيدخل رحلة العلاج النفسي عشان يتعافى…
بس بعد التعافي، السؤال الأهم بيبقى:
أكمل إزاي؟ أتعامل مع الحياة لوحدي؟
علشان كده عملت كورس
💡 Life Skills
الكورس ده مش بديل عن الثيرابي…
لكن هو المرحلة اللي بعده 👇
✔️ هتتعلم إزاي تفهم نفسك ومشاعرك
✔️ إزاي تدير التوتر والضغط بدون ما تنهار
✔️ إزاي تحط حدود صح في علاقاتك
✔️ إزاي تاخد قرارات صح لحياتك
✔️ وإزاي تعتمد على نفسك نفسيًا مش كل مرة تحتاج دعم خارجي
أنا هدفي مش إنك تفضل محتاجني…
هدفي إنك تقف على رجلك وتكمل طريقك بثقة 💪
📌 الكورس ده معمول ليك لو:
– تعبت من نفس الدواير
– مش عارف تتحكم في مشاعرك
– أو حاسس إنك محتاج أدوات تساعدك تعيش بشكل أهدى وأقوى
🎯 استثمر في نفسك… لأنك تستاهل تعيش مرتاح مش بس “تعدّي اليوم”
📩 للحجز والتفاصيل ابعتلي رسالة
٠١١١٤٤٤١١٦٧

07/04/2026

"مش كل وجع بيبان… بس كل وجع محتاج يتشاف."
الصحة النفسية مش رفاهية…
دي أساس حياتك، قراراتك، علاقتك بنفسك وباللي حواليك.
لو سايب نفسك للتفكير الزايد، للضغط، للحزن اللي بيتراكم من غير ما يتفهم…
فأنت كده بتأذي نفسك من غير ما تاخد بالك.
مش لازم تستنى لما توصل لمرحلة الانهيار
عشان تبدأ تهتم بنفسك!
💭 جلسة واحدة ممكن تفرق
💭 كلمة واحدة ممكن تغير طريقة تفكيرك
💭 خطوة بسيطة ممكن تنقذك من تعب كبير

01/04/2026

"مش كل أم بتحب… بتربي صح!" ⚠️

يمكن الجملة صادمة…
بس الحقيقة إن في نوع من الأمهات بيأثر على أولاده بشكل عميق جداً من غير ما يحسوا…
وهو نمط الأم النرجسية 💔

في ظهوري التليفزيوني الأخير، اتكلمت بصراحة عن الموضوع ده،
وكشفت تفاصيل ناس كتير بتعيشها ومش قادرة تفهمها…

الحلقة دي مش مجرد كلام…
دي حلقة فيها وعي حقيقي ممكن يغيّر طريقة فهمك لنفسك وللي حواليك 👇

لو أنت/ي:
✔️ أب أو أم وعايز/ة تربي بشكل صحي
✔️ حاسس/ة إن في جرح قديم مش مفهوم
✔️ أو عايز/ة تفهم علاقاتك بشكل أعمق

يبقى لازم تتفرج على الحلقة دي للنهاية 👇
لأن فيها معلومات مهمة وقوية جداً… وهتفرق معاك/ي بجد 💛

الوعي مش رفاهية… الوعي حماية

مستنياكوا تشوفوا الحلقة وتقوليلي رأيكم ✨
#دكتوره-هدير-شوقي


#التربية
#العلاقات

صفحة الاعلامية داليا حسن على الفيس بوك :https://www.facebook.com/DaliaHassan.Fansصفحة الاعلامية على تويتر:https://twitter.com/daliahassan1