https://www.facebook.com/329256970264907/

Cosmo Vention LAB

Home
Egypt
Cairo
Cosmo Vention LAB

Call Directions Contact the practice

COSMO VENTION LAB: Your Cosmetic Formulation Partner! We empower beauty startups with consultations, branding, & top-notch formula creation.

Train your cosmetic factory staff or pharmacy students with our expert programs. ‍‍

02/11/2026

بتشتغل بروتين فرد للشعر ؟
اعرف الفرق اللي ممكن يكون السبب إن الشعر مش بيتفرد.. أو إنه بيتحرق

خلي بالك
50% مش معناها 50%.
الإجابة في الفيديو 👆

02/11/2026

من أهم القرارات في تطوير مستحضرات التجميل اختيار نظام الحفظ المناسب للمنتج
لكن هل كل التركيبات محتاجة نفس الـ Preservative ؟
وهل مجرد إضافة مادة حافظة معناه إن المنتج بقى آمن ؟
الإجابة لأ
اختيار نظام الحفظ بيعتمد على عوامل مختلفة منها

طبيعة التركيبة / وجود المياه ونسبتها من العوامل المهمة في تقييم قابلية المنتج لنمو الميكروبات
المكونات المستخدمة / لازم نظام الحفظ يكون متوافق مع باقي مكونات التركيبة وظروفها
ال pH / بعض المواد الحافظة بتتأثر بمدى حموضة أو قلوية المنتج
التغليف وطريقة الاستخدام / لأنهم ممكن يأثروا على احتمالات التلوث أثناء الاستخدام

الاختبارات / اختيار المادة الحافظة مش بديل عن التحقق من كفاءة نظام الحفظ وسلامة المنتج حسب طبيعة التركيبة

و حتى المنتجات الخالية من المياه ، ما ينفعش نفترض إنها آمنة تلقائيًا من التلوث؛ لازم تتقيّم كل تركيبة حسب خصائصها
في الفورميوليشن ، الحفظ مش مجرد مكون ده نظام لازم يتصمم ويتقيم صح

إيه أكتر مفهوم علمي في Cosmetics حابب نشـرحه في البوست الجاي؟

01/11/2026

الفيديو ده هيتمسح بعد فتره صغيره
لان دي التركيبه الكامله لتساقط الشعر
ورقه و قلم و انت بتتفرج
موجوده في الفيديو
بالكابكسيل و الريدنسيل
هديه مننا ليكم
من كورس R&D

01/11/2026

عاوزين ضيوف للبودكاست
عندك موقف في شغلك في الكوزمتكس خسّرك فلوس… وطلعت منه بدرس محدش بيقوله؟

ده بالظبط اللي بندوّر عليه في الموسم الجديد من CVL Talks.

مش عايزين حد يحكي عن نجاحه وبس.
عايزين اللي حصل فعلًا:
– تشغيلة كانت هتبوظ واتلحقت في آخر لحظة
– خامة جت بنفس الـINCI وأداها مختلف تمامًا
– سوق محدش صدّق فيه… واتفتح
– براند خسر قبل ما يكسب

الموسم ده مفتوح لـ:
صاحب براند | مورد خامات | مصنع أو Private Label | موزع
بشرط إن النشاط قائم ومرخّص.

اللي هتاخده: حلقة كاملة بتعرّفك على أصحاب براندات ومصانع وناس شغالة في الصناعة، وبتقدّمك كخبرة… مش كإعلان.

الفورم في أول كومنت، دقيقتين بالكتير.
ولو تعرف حد قصته تستاهل تتحكي — منشنه هنا 👇

31/10/2026

العلبة الفخمة بتخليك تجرب.
بس اللي بيخليك ترجع تشتري… حاجة تانية خالص.

لما بتدفع في منتج غالي، جزء كبير من السعر رايح في اسم البراند والإعلانات والبلوجر والعبوة، مش في التركيبة اللي بتحطها على بشرتك.

ده مش معناه إن الغالي وحش. معناه إن السعر لوحده مش دليل.

المنتج الحلو بجد بيعدي من 3 أسئلة:
بيعمل اللي وعد بيه؟
بعد شهرين، لونه وريحته وقوامه زي ما هما؟
وهترجع تشتريه تاني؟

آخر منتج غالي اشتريته… رجعت اشتريته؟

31/10/2026

الـ pH مش رقم ثابت ينفع لكل منتجات العناية بالبشرة !
ممكن تلاقي منتجين للعناية بالبشرة ، وكل واحد فيهم ليه pH مختلف فهل ده معناه إن واحد صح والتاني غلط ؟
مش بالضرورة !
ال pH مقياس بيعبر عن مدى حموضة أو قلوية المحلول، وبيكون عامل مهم في تطوير أنواع كتير من مستحضرات التجميل
ليه ؟
- لأنه ممكن يأثر على ثبات بعض المكونات الفعالة
- لأنه ممكن يؤثر على كفاءة بعض أنظمة الحفظ
- لأنه بيساهم في تحديد مدى ملاءمة التركيبة للاستخدام المقصود
- لأنه ممكن يؤثر على خواص المنتج وأدائه
لكن مفيش رقم واحد نقدر نقول إنه مناسب لكل المنتجات؛ لأن الاختيار بيعتمد على نوع التركيبة ومكوناتها والاختبارات المطلوبة.
والأهم إن قياس الـ pH لوحده مش كفاية للحكم على سلامة المنتج أو جودته
الخلاصة في الفورميوليشن ، إحنا مش بندوّر على رقم محفوظ، إحنا بندور على قيمة مناسبة ومدروسة للتركيبة
اعمل save للبوست ده ، وارجع له لما تراجع أساسيات الـ Formulation.

30/10/2026

براند من غير منتج = فنكوش. 🎯

ناس كتير بتبدأ بالعكس: لوجو وألوان وصفحة وكامبين، والمنتج نفسه لسه مش موجود.

وأول ما يروح للمعمل أو المصنع يكتشف إن:
❌ الميزانية مش سامحة
❌ الكمية اللي طالبها أقل من الحد الأدنى للتصنيع
❌ عدد العبوات مش منطقي
❌ الـClaims اللي بنى عليها البراند كله مش هتعدّي في الترخيص
❌ والمادة الفعالة اللي بيحلم بيها ممكن تكون مرفوضة قانونًا أصلًا

ساعتها يا يغيّر الوعد اللي باعه للناس، يا يرمي فلوس البراندنج.

علشان تفهم الحل، لازم الأول تفهم المشكلة:
البراند وعد، والمنتج هو اللي بيوفّي بالوعد ده.

فقبل ما تصرف جنيه على اللوجو والكامبين، اعرف:
✔️ إمكانياتك إيه
✔️ حدودك إيه
✔️ وحدودك القانونية إيه

ابنِ المنتج الأول، وبعدين ابنِ حواليه البراند.

💬 إنت بدأت براندك بأنهي واحد فيهم؟ المنتج ولا البراندنج؟

—
Cosmo Vention Lab | Cosmetics – Innovation – Science

30/10/2026

من مجرد معرفة بالتركيبات التجميلية، إلى فهم أعمق وقدرة أكبر على التطبيق والتطوير.

التطور الحقيقي مش في كمية المعلومات اللي بتعرفها، لكن في قدرتك على توظيفها وتحويلها لخطوات عملية تفرق في شغلك

وده هدفنا في كورس التركيبات التجميلية مع د.
كيرولس : تجربة تعليمية تساعدك تطوّر طريقة تفكيرك، وتوسّع خبرتك، وتبني أساس أقوى لمستقبلك في المجال

Your next level starts with the right knowledge✅

29/10/2026

صور الـ Before & After اللي بتسرقها… بتهدّ البيزنس اللي لسه بتبنيه.

انت لسه بادئ. معندكش نتايج، ومعندكش عميل يقول "المنتج غيّر حياتي".
فبتعمل إيه؟
بتاخد صورة من براند تاني، أو من بينترست، وتقول "دي نتيجتنا".

علشان تفهم الحل، لازم الأول تفهم المشكلة.

المشكلة مش إن معندكش Proof.
المشكلة إنك بتبني البيزنس كله على حاجة مش بتاعتك.
وأول عميل يكتشف، أو أول صاحب صورة يشوفها، بيمسح في ثانية واحدة كل الثقة اللي كنت بتحاول تبنيها.
والـ Credibility لما تقع… مبتتصلحش بإعلان.

طب أبيع إيه وأنا لسه معنديش Result؟

بيع الحاجة الوحيدة اللي محدش يقدر يسرقها منك: الحدوتة.

▪️ ورّي الناس انت بدأت إزاي، وليه.
▪️ قابلك إيه وانت بتتعلم؟ ورّيهم التحدي.
▪️ وعملت إيه لما التركيبة فشلت؟ وأنهي خامة غيّرتها؟
▪️ واستفدت إيه من الغلطة دي، وأثرها إيه على المنتج اللي بيوصل للعميل؟

الناس مش بتشتري منتج بس، الناس بتشتري حد صدّقوه.
وخلّي عميلك يحس إنه جزء من الرحلة دي، مش مجرد متفرج على صور مش حقيقية.

النتايج هتيجي.
بس لما تيجي، لازم تلاقي اسم يستاهل يتحط جنبها.

🎥 الفيديو كامل اول كومنت 👆

#براند

29/10/2026

مستحضر التجميل اللي على الرف ده… وراه سلسلة كاملة محدش بيشوفها.

مورد عرف يفرّق بين خامة أصلية وخامة مضروبة بنفس الـINCI.
مصنع شال تشغيلة كانت هتبوظ في آخر لحظة.
موزع فتح سوق محدش كان مصدّق فيه.
وصاحب براند خسر قبل ما يكسب.

القصص دي هي اللي بندوّر عليها في الموسم الجاي من CVL Talks.

لو إنت أو حد تعرفه:
✔️ صاحب براند
✔️ مورد خامات أو شركة كيماويات
✔️ مصنع أو Private Label
✔️ موزع أو تاجر

وكل ده بشرط إن النشاط قائم ومرخص، وعندك تجربة حقيقية تستاهل تتحكي.

قدّم أو رشّح حد تعرفه من خلال الـGoogle Form في أول كومنت 👇

كل قصصكم جميله و حلوه بس احنا بننقي اللي شبه الموسم

بنراجع كل الطلبات بسريه كامله وبنتواصل مع الأنسب لمحاور الموسم الحالي او التواصل المستقبلي للموسم المقبل

Address

Cairo
02

Telephone

+201010589098

Website

facebook.com

Alerts

Be the first to know and let us send you an email when Cosmo Vention LAB posts news and promotions. Your email address will not be used for any other purpose, and you can unsubscribe at any time.