سكن - Omnia Ayman

سكن - Omnia Ayman سكن | مساحة آمنة للقبول والتراحم والأمانة
🔸جلسات دعم نفسي فردية
🔹 علاج معرفي سلوكي (CBT)
01017039947📞

فيه شعور مفيش حاجة بتعوضه...إنك تعرف إن فيه حد يسمعك من غير حكم، ويسندك من غير شروط، ويطمنك بمجرد وجوده.لأن الإنسان بطبي...
06/08/2026

فيه شعور مفيش حاجة بتعوضه...
إنك تعرف إن فيه حد يسمعك من غير حكم، ويسندك من غير شروط، ويطمنك بمجرد وجوده.

لأن الإنسان بطبيعته بيحتاج يحس إنه مش لوحده.
ولما يلاقي ناس تحتويه، تتفهمه، وتحترم مشاعره، بيقدر يواجه ضغوط الحياة بقلب أهدى ونفس مطمنة.

وجود الأشخاص الصح حوالينا مش بيرفع كل الصعوبات...
لكنه بيخلينا أقوى في مواجهتها.

ولو لقيت الشخص ده في حياتك، حافظ عليه.
ولو أنت الشخص ده لحد، فاعرف إن وجودك ممكن يكون سبب في راحة كبيرة هو محتاجها.

ليس كل ما تراه عينك حقيقة..!عقلك ممكن يضللك خاصة في أوقات المشاعر العالية.سواء كانت المشاعر إيجابية جدًا أو سلبية جدًا ف...
03/08/2026

ليس كل ما تراه عينك حقيقة..!

عقلك ممكن يضللك خاصة في أوقات المشاعر العالية.

سواء كانت المشاعر إيجابية جدًا أو سلبية جدًا فإن طريقة تفكيرك قد تتغير دون أن تشعر.

ففي لحظات الغضب هتشوف وتفسر أنهم كانوا يقصدوا إيذاءك وده مكنش حقيقي

وفي لحظات الخوف هتتوقع أسوأ السيناريوهات رغم عدم وجود دليل كافي.

وفي لحظات الحب أو الحماس الشديد ممكن تتجاهل إشارات واضحة لأن مشاعرك هتحدد نظرتك في ركن معين وقتها أنت مركز فيه بالتالي مش هتكون شايف بوضوح

📌 لذلك بلاش تاخد قرارات مصيرية في قمة انفعالك.

وقف لحظة واسأل:

🔹 أنا متأكد إن ده اللي حصل فعلًا ولا ده اللي أنا فهمته؟
🔹 إيه الدليل اللي معايا؟
🔹 لو كنت أهدى شوية كنت هفسر الموقف بنفس الطريقة؟

اسمع مشاعرك، لكن ما تخليهاش هي اللي تقود قراراتك.
استنى لحد ما تهدى وبعدها شوف الموقف بعين أهدى وغالبًا هتشوف تفاصيل مكانتش واضحة من قبل. 🤍

31/07/2026

الذكاء صفة مطلوبة في تعاملاتك...
لكن مش كل موقف يستحق إنك تثبت إنك أذكى واحد فيه.

أوقات كتير، التغافل بيكون أذكى من الرد.
وأوقات تانية، إنك تتعامل كأنك "مش واخد بالك" بيحميك أكتر من إنك تدخل في كل نقاش أو تكشف كل اللي فاهمه.

وده مش ضعف...
ومش غباء.

ده اختيار واعي.

لأن مش كل خطأ يستحق تصحيح.
ومش كل استفزاز يستحق رد.
ومش كل شخص يستحق تبرير.

فيه مواقف بتكسبها بالكلام...
وفيه مواقف بتكسبها لما تعرف إمتى تسكت، وإمتى تتغافل، وإمتى تمشي.

الذكاء الحقيقي مش إنك ترد على كل شيء...
الذكاء الحقيقي إنك تعرف إيه اللي يستحق طاقتك، وإيه اللي لا يستحقها 🤍.

فيه حقيقة صغيرة... لكنها بتفرق جدًا في حياتنا.. "مش الموقف هو اللي بيحدد إحساسك لكن الطريقة اللي فسرت بيها الموقف."الجمل...
28/07/2026

فيه حقيقة صغيرة... لكنها بتفرق جدًا في حياتنا..
"مش الموقف هو اللي بيحدد إحساسك لكن الطريقة اللي فسرت بيها الموقف."

الجملة دي تعتبر من أهم المبادئ في العلاج المعرفي السلوكي (CBT).

يعني إيه؟
📩بعت رسالة لحد، والرد اتأخر.
شخص قال "أكيد زعلان مني أو مبقاش مهتم بيا، اتغير عليا ."
فيحس بالحزن والقلق، ويمكن يبدأ يراجع➜ كل كلمة قالها.
وشخص تاني قال "يمكن مشغول، أو شاف الرسالة ولسه ملحقش يرد ."
فيكمل ➜ يومه بشكل طبيعي، من غير توتر.

نفس الموقف لكن المشاعر مختلفة، لأن التفسير مختلف.

💼 مديرك قالك
"محتاج أكلمك."
شخص يفسرها: أكيد عملت حاجة غلط.
➜ يشعر بالقلق والخوف.
شخص آخر يفسرها: ممكن يكون عنده شغل جديد أو ملاحظة عادية.
➜ يشعر بالهدوء أو الفضول.

📌 إيه اللي حصل؟
في العلاج المعرفي السلوكي (CBT) بنقول إن مشاعرنا لا تنتج مباشرة من الأحداث، وإنما من الأفكار والتفسيرات التي نعطيها لهذه الأحداث.

يعني التسلسل بيكون:
حدث → فكرة (تفسير) → شعور → سلوك.

لذلك، قبل ما تصدّق أول فكرة جت في دماغك، اسأل نفسك:

▪️- هل دي حقيقة ولا مجرد تفسير؟
▪️- إيه الدليل اللي عندي؟
▪️- هل فيه تفسير تاني منطقي للموقف؟

لأن تغيير الفكرة لا يغيّر الماضي، لكنه قد يغيّر شعورك تجاهه، وبالتالي يغيّر طريقة تعاملك معه 🤍

اللهماكتب لنا من الخير كله ما نعلم منه وما لا نعلم، وارزقنا فرجًا قريبًا يزيل همومنا، واشفِ كل مريض، وطمئن كل قلبٍ أثقله...
24/07/2026

اللهم
اكتب لنا من الخير كله ما نعلم منه وما لا نعلم، وارزقنا فرجًا قريبًا يزيل همومنا، واشفِ كل مريض، وطمئن كل قلبٍ أثقله التعب.
اللهم تقبّل دعواتنا، واستجب لنا ما نرجوه منك، وأصلح لنا أحوالنا، واجعل لنا في هذه الساعة نصيبًا من كل خير.
إنك على كل شيءٍ قدير.
آمين 🤍
#سكن

21/07/2026

مش كل مرة تحس فيها إنك تايه، تبقى محتاج إجابة
🦋 أوقات كل اللي محتاجه... نفس هادئ.

كتير من مشاعرنا وتصرفاتنا مش بتكون بسبب المواقف نفسها، لكن بسبب الطريقة اللي فسرنا بيها الموقف.في العلاج المعرفي السلوكي...
19/07/2026

كتير من مشاعرنا وتصرفاتنا مش بتكون بسبب المواقف نفسها، لكن بسبب الطريقة اللي فسرنا بيها الموقف.

في العلاج المعرفي السلوكي (CBT)، بنقول إن فيه مثلث بيأثر في بعضه باستمرار:
الفكرة ➜ الشعور ➜ السلوك.

أي تغيير في واحد منهم بينعكس على الاتنين التانيين ومع تكرار نفس الأفكار، بتتحول لمعتقدات راسخة بتأثر على نظرتنا لأنفسنا، وللناس، وللحياة.

وعلشان كده، أول خطوة في التغيير هي إننا نعرف الأفكار اللي بتدور في دماغنا، ونكتشف إذا كانت واقعية ولا مجرد أخطاء في التفكير.

وقبل ما نبدأ...
أحب أقولك إن كلنا بنقع في أخطاء التفكير بدرجات مختلفة، وده شيء طبيعي الفرق الحقيقي هو إنك تلاحظها، وتتعلم تتعامل معاها بدل ما تسيبها تتحكم في حياتك.

من أشهر أخطاء التفكير:

🔸 ١- التعميم المفرط
إنك تعمم تجربة أو موقف على كل الناس.
مثلًا:
"كل الرجالة خائنة."
"كل الستات نكدية."

بينما الحقيقة إن تجربة واحدة أو حتى عدة تجارب، عمرها ما تمثل الجميع، وغالبًا بيكون الحكم ده متأثر بخبرات أو صدمات سابقة.

🔸 ٢- الشخصنة
إنك تفسر كل حاجة على إنها موجهة ليك.
"أكيد كانوا بيتكلموا عليا."
"أنا السبب في كل اللي حصل."

وده غالبًا بيكون مرتبط بانخفاض تقدير الذات أو الشعور بالذنب.

🔸 ٣- التفكير الكارثي
توقع أسوأ الاحتمالات دائمًا.
"أكيد هفشل."
"الموضوع انتهى."
"مفيش حاجة بتكمل."

وده بيخلي الشخص يعيش في قلق مستمر.

🔸 ٤- التوقع السلبي
استمرار انتظار الأسوأ بحجة الاستعداد له، فيعيش الإنسان الخوف قبل ما يحصل أي شيء.

🔸 ٥- الإلزامات
استخدام كلمة "لازم" بشكل مبالغ فيه.
"لازم كل حاجة تبقى كاملة."
"لازم الناس تتصرف زي ما أنا شايف."

وده بيولد ضغط على الشخص وعلى اللي حواليه.

🔸 ٦- التفكير بالأبيض والأسود
إما نجاح كامل أو فشل كامل، من غير مساحة للحلول الوسط أو التطور التدريجي.

🔸 ٧- انتظار العقاب الفوري للآخرين
الاعتقاد إن أي شخص أخطأ لازم ياخد جزاءه فورًا وبالطريقة اللي إحنا شايفينها، مع إن العدالة ليها صور وأوقات مختلفة.

تذكر دائمًا ..
الوعي بأخطاء التفكير مش معناه إنك ضعيف، لكنه أول خطوة حقيقية نحو فهم نفسك، وتغيير الطريقة اللي بتشوف بيها الحياة🌹⭐.

#أمينةـأيمن

17/07/2026

نسأل الله أن يملأ قلوبكم سكينة ويمنحكم هدوءًا يطمئن أرواحكم وتقبّلًا يخفف عنكم ورحمةً تُطمئن قلوبكم وقوةً تعينكم على تجاوز ما أثقل أرواحكم ونورًا يبدّد حيرتكم وطمأنينةً تملأ أيامكم؛اللهم آمين 🍀🌷✨

#سـكن

في ناس شكلهم من بره ثابت وقوي… لكن من جوه شايلين حمل أكبر بكتير من اللي الناس متخيلاه.لو فاتك البوست ده، ارجع تابع، يمكن...
16/07/2026

في ناس شكلهم من بره ثابت وقوي… لكن من جوه شايلين حمل أكبر بكتير من اللي الناس متخيلاه.
لو فاتك البوست ده، ارجع تابع، يمكن تلاقي فيه تفسير لحاجات كنت فاكرها مجرد "طبع". 🤎💌
https://www.facebook.com/share/p/1HNSfpnA6d/

01017039947

Address

Cairo

Website

Alerts

Be the first to know and let us send you an email when سكن - Omnia Ayman posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to سكن - Omnia Ayman:

Shortcuts

Share

Category