03/07/2026
يا ريت نخلي بالنا ونفوق بقي👇👌👌👌👌
النقص العنيف لفيتامين ب ١٢ دي حاله مرضيه كانت متتشره زمان في البحاره اللي بيركبوا مراكب بحر مسافات طويله
ليه بقا
لان فيتامين ب ١٢ مصدره البروتين الحيواني والبحاره دول كانوا بيسافروا شهور وسنين ميشوفوش لحمه... لان مكنش في وسائل حفظ للحوم لوقت طويل... فكان عادي البحاره دول يجليهم انيميا حاده واعراض التهابات والام شديده في الاطراف ناجمه عن التهابات الاعصاب الطرفيه والمصيبه الاكبر كان بيجيلهم التهاب و تحلل في الحبل الشوكي يودي بيهم للشلل وصعوبه في المشي و التهاب في خلايا المخ يؤدي لتاخر عقلي وذهني واعراض نفسيه شديده مع ضعف الذاكره..
طبعا مع العلم الحديث اتعرف ان سبب الحاجات دي نقص الفيتامين و تجنبها بقى سهل مع تواجد الثلاجات و وتحسن وسائل النقل وان بقى النقل البحري اسرع..
المشكله الكبيره. ان الاعراض دي لو حصلت مش هترجع تتحسن مع اخذ الفيتامين لان الاعصاب اللي بتتدمر مش بتتعوض..
فلما يجيلك واحد يقولك كل عيش و سكر و بطل بروتينات لانه مجنون و مدعي ونصاب ... وكل الاطباء تقولك انه كذاب ونصاب ..
مينفعش حضرتك تصدقه وتجيلك مصايب وامراض عضال اختفت من الدنيا كلها ... لان ببساطه العلم الحديث ده اتعمل عشان ينقذ الناس ... ومينفعش نقعد نجادل واحد نصاب في ثوابت... لان جدال النصاب والكذاب مضيعه للوقت واهدار للطاقه ومش هينوبك غير اذى من الجهلاء.
وكما قال الإمام علي بن أبي طالب: "لا تجادل الجاهل كي لا يغلبك بجهله".
دي صوره اشعه من حساب د محمد قائد استشاري الاشعه المخضرم لشخص وثق في كلام النصاب وبطل بيض وفراخ وزود عليهم كمان لحمه وجاله للاسف التهاب وتحلل في الحبل الشوكي ... ربنا يشفيه ويعافيه..
مش هنبطل نحذر من كلام الدرويش المؤذي لانه كل يوم الناس تتأذي من جنونه
