20/07/2025
👿 اعترافات خطيرة من نرجسي وقت الخناق
(ما لا يقوله النرجسي)
1️⃣ أول ما نتخانق، هشتغلك gaslighting على أصوله…
هشككك في نفسك، وقولك "إنتي اللي فهمتي غلط"
وأقعد ألمّح إنك حساسة أو مجنونة شوية…
(مشكلتك مش فيا، مشكلتك في دماغك).
2️⃣ لو رفضتي تنفذي اللي أنا عايزه؟
عادي جدًا، صمت عقابي محترم
هسيبك تتكلمي، تتصلي، تحاولي… وأنا ولا هنا
لحد ما تتهدي وتتنازلي… عن كل حاجة، حتى حقك.
3️⃣ هاقعد أستفزك بهدوء…
كلمة هنا ولمزة هناك،
لحد ما تنفجري…
وساعتها؟ هقول للناس: "شايفين؟ أنا ساكت وهي اللي مجنونة!"
4️⃣ هقرب من ناس من أهلك…
وأكسبهم لصفّي
عشان لو فكرتي تشتكي مني،
يبقوا هما أول ناس يشكّوا فيك.
5️⃣ في وقت الخناق، هتلاقيني شخص تاني خالص
ولا كإني عرفتك، ولا كإني حبيتِك
برود، قسوة، جحود… مفيش إحساس، ولا تقدير.
6️⃣ برّه بيتنا؟
أنا أحسن واحد… كريم، جدع، دمي خفيف
علشان لو اشتكيتي، الناس تقول: "معقول؟ ده كان لسه بيهزر معانا!"
7️⃣ لو فتّحتي بقك؟
تشويه سمعة على طول
هقلّب الدنيا عليك، وأطلع الضحية…
كل الناس هتشوفك إنتِ المشكلة.
8️⃣ لو قعدنا مع دكتور نفسي؟
عادي، همثّل…
هطلّع نفسي الملاك،
وإنتِ اللي عندك انهيار وعصبية
وأول ما نخرج؟ أحكيلهم كلهم إن حتى الدكتور قال إنك غلطانة.
9️⃣ طب لو قلتي نروح لشيخ؟
ماشي…
بس أختار واحد دماغه كلها "حقوق الراجل"
ويقولك: "الست اللي تعصي جوزها، تغضب ربنا!"
وأنا؟ أقولك بعدها: "شوفتِ؟ حتى الشيخ قال!"
🔟 بعد ما أطلع عينك في الخناق،
أرجعلك ملاك… أحبّك وأدلّعك
وأديكي جرعة حب ترجعك تحسي إنك طايرة
ده اسمه: رابطة الصدمة…
خليكي دايمًا تايهة، مش عارفة أنا ملاك ولا شيطان.
1️⃣1️⃣ عمري ما هقول "أنا آسف"
ولو حصل؟
هيكون بعد ما أخليكي تحسي إنك السبب
وإنك تستاهلي اللي حصلك.
1️⃣2️⃣ هربّيك نفسيًا إنك تتعلقي بالخناقات
عشان اللحظة اللي بعدها… لحظة الهدنة والهزار
تبقى هي الحاجة الوحيدة اللي بتعيشي عشانها.
وفي الآخر؟
أنا مستمتع إنك متعلقة بيا
ومتمنى ما تصحيش، ولا تدوري على علاج، ولا تفكي التعلق ده أبدًا.
🎭 اعترافات من النرجسي اللي عمره ما هيقولها بصوته... بس أنا قلتها بالنيابة عنه!
