خالة العيال

29/04/2026

23/04/2026

Copied
لما ربنا ينعم عليك بطفل " طبيعي"، والطفل ده
يجيب درجات كويسة بتبقى مبسوط. لما يبقى مؤدب، بتبقى مبسوط.
لكن كونه "طبيعي" دي حاجة تبسط لوحدها لانها هبة.
لكن لو ربنا كرمك بطفل عنده حدود معينة، التعلم، ولو بأبسط درجاته بيحصل ببطء وممكن ميحصلش خالص.
عايزة اطلب منكم خدمة بخصوص موضوع التعليم الخاص للناس اللي عندها توحد، أو عسر قراءة، أو فرط في الحركة، أو صعوبة تركيز، وغيرهم.
لكل الاطفال اللي بيكافحوا كل يوم علشان ينجحوا، ولكل اللي بيساعدوهم، علموا الاطفال اللطف وتقبل كل زملائه‍م في الفصل.
الاطفال اللي عندهم احتياجات إضافية، زي كل الناس، محتاجين يبقوا مقبولين من اللي حواليهم.
لو القضية تهمك، انسخ الكلمات، من فضلك متعملش share. احنا محتاجين ننشر الفكر ده.
كل طفل مميز ومختلف، وده جزء من جمال العالم.
❤💙💚💛💜
هذه الكلمات منسوخة ومترجمة.
الكلمة الحلوة بتفرق
علموا ولادكم يكونوا رحيمين بنفسهم علي أصحابهم
مش عارفين قد ايه اهاليهم بتعاني و بتبذل مجهود مضاعف عشان تحافظ علي نفسية ولادها
متخليش إبنك او بنتك بكلمة سخيفة يهدوا كل المجهود ده

10/04/2026

وجود طفل أنت مسؤول عنه في مجتمع غير أمن ' مهلك نفسيا .

02/04/2026

اليوم نضيء باللون الأزرق 💙 دعمًا لأطفال التوحد، ونؤكد أن لكل شخص مكانه وقيمته في هذا العالم.

07/03/2026

المشهد ده بيتكرر كل يوم…
بس مش في المسلسلات… في الحقيقة.
👩‍👦 أم بتقول:
– ممكن حضرتك تشرحيلي عن حالة حمزة؟
الأم:
حمزة اتشخص طيف توحد درجة تانية
بيعرف يتكلم… بس مش بيرفكت
بيعتمد على نفسه في دخول الحمام
وبعت كل التقارير على الإيميل.
المدرسة:
– طيب ممكن يعمل موقف جوه الكلاس والمدرسة متعرفش تتعامل؟
الأم:
المفروض المدرسة تكون عارفة تتعامل…
هو أنتم هنا مش بتتعاملوا مع حالات التوحد؟
المدرسة:
– الحقيقة لا…
مافيش عندنا أي حالة توحد في المدرسة.
فإحنا هنقعد ونقرر هنوافق عليه ولا لأ.
الأم:
– يعني حضرتك مستنية تقعدي وتقرري إذا كان ابني ينفع يدخل المدرسة… ولا لأ؟!
💔 المشكلة مش في حمزة…
المشكلة إن كتير من المدارس لسه مش فاهمة يعني إيه دمج.
طفل التوحد:
ممكن يتعلم
ممكن يندمج
ممكن يبقى شاطر جداً
لكن ده محتاج:
مدرسة فاهمة
ومدرسين مؤهلين وعارفين يتعاملوا
مش محتاج حد يقعد يقرر إذا كان يستحق فرصة… ولا لأ.
✋ لأن ببساطة…
التعليم مش ميزة… التعليم حق.

24/02/2026

🧸 عمر وعدي واللعبة الحديدة 🚗

في بيت جميل فيه ضحك ولعب طول اليوم،
كان عايش أخين… عمر الكبير، وعدي الصغير.
عمر عنده ٧ سنين،
وعدي عنده ٥ سنين،
ودايمًا بيلعبوا سوا… بس أحيانًا بيتخانقوا 😅
في يوم، بابا رجع من الشغل شايل علبة كبيرة.
الأولاد جريوا عليه:
"إيه ده يا بابا؟!" 😍
فتحوا العلبة…
ولقوا عربية لعبة حديدة كبيرة، لونها أحمر، وصوتها عالي، وبتمشي بسرعة جدًا! 🚗✨
عمر مسكها بسرعة وقال:
"دي بتاعتي! أنا الكبير!"
عدي اتضايق وقال:
"لا! أنا شوفتها الأول!"
وفي لحظة،
الزعيق علي…
والشد بدأ…
وفجأة عمر زقّ عدي!
عدي وقع على الأرض وبدأ يعيط 😢
وقلب ماما اتوجع لما شافتهم.
ماما قعدتهم جنب بعض وقالت بهدوء:
"اللعبة دي جت عشان تفرّحكم… مش عشان تبعدكم عن بعض."
عمر كان متضايق، بس جواه إحساس صغير بالذنب.
عدي كان ماسك دموعه، بس قلبه زعلان أكتر من جسمه.
ماما قالت:
"تفتكروا لو اللعبة اتكسرت دلوقتي… مين هيكسب؟"
الاتنين سكتوا.
بابا قال:
"الأخ مش خصم… الأخ سند."
الكلمة دي فضلت ترن في دماغ عمر.
بصّ لعدي… افتكر لما كان بيحضنه لما يخاف من الضلمة.
وافتكر لما عدي بيستناه يرجع من المدرسة عشان يلعبوا.
عمر قرب وقال بصوت واطي:
"أنا آسف يا عدي."
عدي مسح دموعه وقال:
"نلعب بيها سوا؟"
ماما ابتسمت وقالت:
"هنعمل قانون…
١٠ دقايق لعمر، و١٠ دقايق لعدي،
ولو حد ضرب التاني… اللعبة هتتركن يوم كامل."
الأولاد وافقوا.
في الأول كان صعب يستنوا دورهم…
بس بعد شوية اكتشفوا إن اللعب مع بعض أحلى من اللعب لوحدهم.
كانوا يعملوا سباق،
ويبنوا طريق بالمخدات،
ويضحكوا لما العربية تخبط في رجل الكرسي 😄
وفي يوم،
عدي كان ماسك العربية، ووقعت منه واتخبطت جامد.
عمر جري عليه وقال:
"متعيطش… أنا هصلحها."
في اللحظة دي، عدي حضنه وقال:
"إنت أحسن أخ."
ماما بصّت عليهم وقالت:
"اللعبة الحديدة قوية…
بس علاقتكم أقوى."
ومن يومها،
كل ما حد فيهم يغضب،
يفتكر إن الضرب بيكسر القلوب…
لكن الحب بيصلّح كل حاجة 🤍✨..

منقول

18/02/2026

كل عام وانتم بخير وسعاده 🤍

10/02/2026

" لا تتأففوا من بيوت تملؤها الفوضى..صخب الأطفال … أكوام الملابس المتسخة ..شجار السباق على الحمام …فتات البسكويت المتناثر …صراخ أحدهم لفقد حذائه ..و أخرى لم تمشط شعرها ..
استمتعوا بلحظاتكم.. فغدا يكبر الصغار و تكبر الهموم و تتمنون عودة تلك اللحظات بكل ما فيها ✨"

10/02/2026

لما الطفل ميرضاش يشتغل معايا فالجلسة😂😂