El Qanater Kids Clinic عيادة أطفال القناطر

  • Home
  • Egypt
  • Cairo
  • El Qanater Kids Clinic عيادة أطفال القناطر

El Qanater Kids Clinic عيادة أطفال القناطر صحة صغيرك… أولويتنا الكبيرة

29/08/2026

سلسلة حرارة الأطفال
الحلقة الخامسة: إبرة الحرارة السحرية… الحقيقة الصادمة!

24/08/2026

⏳ 5️⃣ تطعيم الجديري المائي – Varicella Vaccine

23/08/2026

⚠️ ابنك ظهر عليه حبوب فيها مَيّه؟

قبل ما تقولي:
“ده جديري مائي… وهيروح لوحده”

استني… لأن فيه تفاصيل مهمة جدًا كل أم لازم تعرفها 👇

في الحلقة الجايه باذن الله هنتكلم عن:
🦠 إزاي تعرفي الجديري المائي؟
⏳ إمتى الطفل يكون مُعدي؟
⚠️ إمتى يكون خطر؟
🤰 ليه الجديري مهم جدًا لو فيه حامل في البيت؟
💉 وهل تطعيم الجديري يستاهل فعلًا؟
📅 وما هو جدول التطعيم الصحيح؟

الجديري غالبًا بيعدي بسلام…
لكن المعرفة الصح تحمي طفلك وتخليك تتصرفي في الوقت المناسب ❤️

انتظروا الحلقة القادمة، وشاركوها مع كل أم وأب عندهم أطفال ❤.

22/08/2026

الصحة: «فاكسيرا» توفر أكثر من 300 ألف جرعة من لقاح الإنفلونزا استعدادًا لفصل الشتاء وموسم المدارس

أعلنت وزارة الصحة والسكان، قرب توفير تطعيم الإنفلونزا الموسمية من خلال شركة المصل واللقاح «فاكسيرا» وذلك مع اقتراب فصل الشتاء وموسم المدارس، للحفاظ على الصحة العامة، وحماية المواطنين والحد من انتشار فيروسات الأنفلونزا.

‎وأوضحت الوزارة أن فيروس الإنفلونزا يُعد من أكثر الفيروسات التنفسية انتشارًا، خاصةً بين الأطفال في المدارس وفي التجمعات، مما يستدعي التأكيد على أهمية التطعيم كوسيلة وقائية فعّالة لتقليل الإصابة والمضاعفات.

‎وأكدت الوزارة حرصها على توفير جميع أنواع تطعيمات الإنفلونزا المسجلة بهيئة الدواء المصرية، سواء الثلاثي أو الرباعي، ومن جميع الشركات المصنعة، عبر شركة «فاكسيرا» بما يشمل المستحضرات الكورية وسانوفي الفرنسية، وأبوت الأمريكية، وذلك لتلبية احتياجات الجمهور بإجمالي كميات تفوق 300 ألف جرعة.

ونوهت وزارة الصحة والسكان، إلى أن شركة «فاكسيرا» ستعمل على توفير هذه الأنواع تباعًا بدءًا من 1 سبتمبر، وتوزيعها من خلال 28 مركزًا تابعًا للمصل واللقاح، منتشرة في معظم محافظات الجمهورية، لتقديم الخدمة للمواطنين في مختلف أنحاء البلاد.

ولفتت الوزارة إلى أن هذه اللقاحات تتميز بفاعلية تزيد عن ستة أشهر، مما يوفر حماية موسمية مناسبة خلال فترة انتشار فيروسات الأنفلونزا.

‎وتهيب وزارة الصحة والسكان بجميع المواطنين، وخاصةً الأطفال وأصحاب الأمراض المزمنة وكبار السن، الإسراع بالحصول على اللقاح من المراكز المعتمدة، حفاظًا على صحتهم وصحة أسرهم وتعزيزًا للمناعة المجتمعية.

🚨 ابنك عنده صديد على اللوز؟ متجريش على المضاد الحيوي على طول!وجود صديد على اللوز مش معناه تلقائيًا إن السبب بكتيريا، ومش...
21/08/2026

🚨 ابنك عنده صديد على اللوز؟ متجريش على المضاد الحيوي على طول!

وجود صديد على اللوز مش معناه تلقائيًا إن السبب بكتيريا، ومش معناه إن الطفل لازم ياخد مضاد حيوي.

صديد اللوز عند الأطفال ممكن يكون له 3 مجموعات مهمة من الأسباب:

🦠 1️⃣ أسباب فيروسية

زي:
• Adenovirus
• EBV
• وفيروسات أخرى

والـ EBV بالذات ممكن يعمل التهاب شديد في اللوز مع صديد واضح جدًا، لدرجة إن شكله أحيانًا يشبه التهاب الـStrep.

🧫 2️⃣ أسباب بكتيرية

وأشهرها Group A Streptococcus (GAS).

وممكن يصاحبه:
🌡️ حرارة
😣 ألم في الحلق
🔴 صديد على اللوز
🔹 تضخم وألم في غدد الرقبة

⚠️ لكن حتى هنا…

شكل اللوز والصديد لوحدهم مش دايمًا كفاية عشان نقول إن السبب بكتيري.

وحسب سن الطفل والأعراض، ممكن نحتاج Rapid Strep Test أو مزرعة حلق لتأكيد التشخيص.

🧬 3️⃣ أسباب التهابية / مناعية

ودي مجموعة ناس كتير مش بتفكر فيها.

ومن أشهر الأمثلة عند الأطفال:

PFAPA

وفيها ممكن الطفل يجيله نوبات متكررة من:
🌡️ حرارة
👄 قرح بالفم
🔴 التهاب الحلق أو اللوز
🔹 تضخم غدد الرقبة

ومن العلامات المهمة إن الطفل بين النوبات ممكن يرجع طبيعي تمامًا.

وفي أسباب أقل شيوعًا ممكن تدخل في التشخيص التفريقي، زي Cyclic Neutropenia وغيرها، حسب نمط الحالة والفحص.

━━━━━━━━━━━━

💡 الخلاصة المهمة:

الصديد على اللوز… علامة، مش تشخيص.

❌ مش كل صديد = بكتيريا
❌ ومش كل صديد = مضاد حيوي

التشخيص الصح بيعتمد على سن الطفل + الأعراض المصاحبة + تكرار الحالة + الفحص السريري، وأحيانًا بنحتاج تحاليل أو مسحة/مزرعة للحلق.

⚠️ ولو الصديد بيتكرر كل فترة، خصوصًا مع حرارة متكررة وقرح بالفم، يبقى لازم نفكر أبعد من مجرد «التهاب لوز بكتيري متكرر».

💙 علاج السبب الصح… يبدأ بالتشخيص الصح.

د/ محمود عبدالحليم
أخصائي طب الأطفال وحديثي الولادة
وحساسية صدر الأطفال

19/08/2026

سلسلة حرارة الأطفال

الحلقة الرابعة:

5 أخطاء بتعمليها وقت سخونية طفلك… وانتِ فاكره إنك بتساعديه!

⚠️ ابنك تعبان؟ الواتساب مش عيادة.صورة للحلق…رسالة فيها الأعراض…وفويس نوت تقول:“يا دكتور أديه إيه؟”ممكن يبان الموضوع بسيط...
18/08/2026

⚠️ ابنك تعبان؟ الواتساب مش عيادة.

صورة للحلق…

رسالة فيها الأعراض…

وفويس نوت تقول:
“يا دكتور أديه إيه؟”

ممكن يبان الموضوع بسيط…

لكن أحيانًا الاستهانة دي بتأخر تشخيص حالة محتاجة كشف وفحص فعلي.

لأن نفس العرض ممكن يكون سببه أكتر من حاجة…

والفرق بينهم ممكن مايبانش غير لما الطفل يتفحص.

سخونية؟

كحة؟

ترجيع؟

طفح جلدي؟

وجع بطن؟

كل واحدة من دول ممكن تكون حاجة بسيطة…

وممكن تكون بداية حالة محتاجة تدخل أسرع.

والواتساب مش هيقدر:

يقيس التنفس…

يسمع الصدر…

يفحص الأذن والحلق…

يقيّم الجفاف…

أو يشوف حالة الطفل العامة بالشكل الكافي.

وعشان كده…

مينفعش التشخيص أو كتابة علاج كامل لطفل عن طريق الواتساب.

المشكلة مش بس إن العلاج ممكن مايكونش مناسب…

المشكلة إننا ممكن نطمن على حالة مينفعش نطمن عليها من غير كشف.

📌 الواتساب ينفع للاستفسارات البسيطة والمتابعة بعد الكشف.

لكن لو ابنك تعبان…

ماتستنيش رسالة تطمّنك.
خليه يتفحص.

لأن أحيانًا…

ساعة تأخير في عيادة أهم بكتير من سرعة الرد على الواتساب.

🚨 “بلاش الكولشيسين… عشان ممكن يوقع الشعر!”جملة اتقالت لمريضة شخصناها حمى البحر المتوسط العائلية – FMF وهي بتصرف علاجها.و...
17/08/2026

🚨 “بلاش الكولشيسين… عشان ممكن يوقع الشعر!”

جملة اتقالت لمريضة شخصناها حمى البحر المتوسط العائلية – FMF وهي بتصرف علاجها.

والحقيقة إن المشكلة مش في إننا ننبه المريض لآثار الدواء الجانبية…

المشكلة في إننا نقوله:

❌ وقف العلاج.

لأن الكولشيسين مش مجرد دواء للنوبات…

ده العلاج الأساسي في حمى البحر المتوسط، وهدفه:

✅ يقلل تكرار وشدة النوبات
✅ يسيطر على الالتهاب المستمر
✅ والأهم: يقلل خطر حدوث AA Amyloidosis

وده من أخطر مضاعفات المرض، وممكن مع الوقت يؤثر على الكلى وقد يؤدي إلى قصور كلوي.

طيب…

هل الكولشيسين ممكن يسبب تساقط شعر؟

نعم، تساقط الشعر ممكن يحدث كأثر جانبي، لكنه مش سبب كافي إن المريض يوقف العلاج من نفسه.

لأن تساقط الشعر له أسباب كتير جدًا…

ولو ظهر أثناء العلاج، الصح إن الطبيب يراجع:

🔹 هل السبب فعلًا من الكولشيسين؟
🔹 هل الجرعة مناسبة؟
🔹 هل فيه أدوية تانية بتتداخل معاه؟
🔹 هل وظائف الكلى والكبد طبيعية؟
🔹 وهل محتاجين تعديل جرعة أو خطة العلاج؟

لكن إن مريض FMF يوقف الكولشيسين فجأة من غير الرجوع للطبيب…

⚠️ ده ممكن يعرضه لرجوع النوبات وزيادة الالتهاب ومضاعفات على المدى البعيد.

📌 الخلاصة:

من حق أي صيدلي ينبه المريض لآثار الدواء الجانبية والتداخلات الدوائية…

لكن قرار إيقاف علاج أساسي لمرض مزمن لازم يكون بالتنسيق مع الطبيب المعالج.

مش كل أثر جانبي معناه إننا نوقف الدواء.

أحيانًا…

خطر ترك العلاج يكون أكبر بكتير من الأثر الجانبي نفسه.




#كولشيسين

16/08/2026

تطعيم الإنفلونزا الموسمية – Influenza Vaccine

Address

Cairo

Opening Hours

Monday 3pm - 6pm
Tuesday 3pm - 6pm
Wednesday 3pm - 6pm
Thursday 3pm - 6pm
Saturday 3pm - 6pm
Sunday 3pm - 6pm

Telephone

+201022161946

Website

Alerts

Be the first to know and let us send you an email when El Qanater Kids Clinic عيادة أطفال القناطر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category