18/05/2026
وانتي بتغیري لطفلك 👶 لازم تاخدي بالك من لون البراز, لأنه ممكن یكون دلیل على مرض لا قدر الله.
علشان كده معمل مكة للتحاليل الطبية - الخصوص هيوضحلك كل لون معناه ايه ؟ عشان تطمني على صحة ابنك ..👩🏫..
👈 اللون الأسود
🔸️ ده براز الموالید الجداد, وده بیبقى بسبب المخاط وباقي السائل الأمنیوسي من الولادة وممكن یستمر لمدة یومین بالكتیر ومفيش منه قلق خالص.
👈 لون اصفر مسطردة 🟡
🔸️ ده اللون الطبیعي بعد كده للطفل اللي بیرضع طبیعي فقط,يعنى معتمد على الرضاعة الطبيعى من غير صناعى, و بیبقى البراز لين شویة ولونه اصفر زي المسطردة.
👈 لون بني
🔸️ الطفل اللي بیرضع صناعي بیبقى اللون اصفر في بني كده, والقوام متماسك نسبیا عن اللى بيرضع طبيعى.
👈 لون اخضر
🔸️ ده بيحصل غالبا لما الطفل بیاخد حدید, أو بنبدأ ندخل الأكل عموما, مع وجود قطع للأكل.
👈 اللون البرتقالي 🍊
🔸️ لون طبیعي برضه في الطفل اللي بیرضع طبیعي. 🤱
===========================
كل اللي فات ده طبیعي ومیقلقناش فى أى حاجة 😅, ناخد بالنا من اللي جاي بقى ..👩🏫..
👈 لون احمر
🔸️ اللون ده هنا لیه احتمالین, لو طفلك بدأ یأكل واكل حاجات حمراء زى البطیخ والبنجر مثلا, ساعتها يبقى عادي لكن لو مأكلش ولقینا لون احمر ممكن یكون فيه دم في البراز ولازم كشف لأنه بیدل على كذا حاجة منها التهابات المستقيم والشرج اللى ممكن تسببها حساسية الألبان مثلا, أو الشروخ الشرجية فالافضل تطمني علیه, انما لو كان اكل حاجة حمراء استنى للمرة اللى بعدها للتأكد.
👈 براز ابیض أو أبيض مصفر
🔸️ دي حالة خطیرة ولازملها دكتور, لأنه دلیل على أن العصارة الصفراوية للكبد مش بتوصل للأمعاء, إما لأنه مبيفرزهاش أصلا, أو فيه إنسداد فى القنوات المرارية مانع خروجها, فلازم تاخدى الطفل للطبيب يتأكد بنفسه إيه السبب.
👈 براز رمادي
🔸️ نفس الابیض برضه لازم دكتور حالا یطمن علیه ‼
🔴 طیب ده اللون ناخد بالنا من ایه تاني⁉️
القوام برضه لیه دلالة مهمة لیكي كأم ..👩🏫..
● القوام اللي زي الميه ومرات كتیر وممكن یكون اللون اخضر او اصفر ده اسهال لازم نعوض السوائل المفقودة بسرعة جدا بمحلول معالجة الجفاف, لإن الطفل مبیستحملش طالما عدد المرات اكتر من طبیعته بكتیر.
● وجود مخاط كتیر دلیل على التهاب في الجیوب الأنفیة أو الصدر وساعات مجرد الترییل والتسنین بیعمل كده بس لو زیادة أوي نكشف أفضل.
● لو القوام متماسك جدا وناشف , وعدد مرات تبرز الطفل قلت عن الطبيعى, فده دلیل على الإمساك وكمان الجفاف لو الطفل بیشرب سوائل نزودها ویأكل حاجات تقلل الإمساك زي الخوخ والكوسة والخيار, لكن لو لسه مدخلتش أكل ممكن ماء فقط 🍶 والام اللي بترضع طبيعى ممكن تأكل هي حاجات ملينة تساعد الطفل ولواستمر الإمساك لازم نروح لدكتور یشوف السبب ويوصفله علاج, لأنه أوقات الإمساك بيكونله مسببات مرضية عند الطفل زى خمول الدرقية مثلا, مش مجرد إمساك.
🔴 ده بالنسبة للون البراز
لون البول كمان ممكن یبقى دلیل یساعدك في الاطمئنان على ابنك
من غیر تفاصیل كتیر الطبیعي أن لون البول اصفر بدرجاته , لو اصفر فاتح یبقى طفلك بیاخد كفایته من الرضاعة ایا كان نوعها, اللون الغامق دلیل على الجفاف فخدي بالك كویس من النقطة دى.
اى لون بقى مش طبیعي اسود او احمر او بنى كل ده لازم لازم دكتور یشوفه لان كلهم أعراض لأمراض مختلفة وخطیرة مینفعش تعديها.
طیب لو لقیت نقطة دم واحدة وللا اتنين في الحفاض⁉️
لو في تسلخات جامدة ممكن یكون بسبب جرح التسلخات لكن لو متكرر برضه لازم كشف. 👩⚕️
🔴 في نقطة تانیة مهمة جدا وهي أثر الأدویة على تغیر لون البول عشان كده لو ابنك بدأ أي دواء جدید ولقیتي بعده تغیر في لون البول لازم تسألي الدكتور عشان ممكن یكون السبب بس الدواء الجدید مش أكتر. 🤷♀️
دي كانت أهم الحاجات اللي لازم كل أم تعرفها عن تغیر لون البول والبراز ودلالته, علشان كل أم تبقى متطمنة على طفلها, وربنا يمتع كل الأطفال بالصحة والعافية. ❤🙏
