Dr.Shimaa Abuelala

07/05/2026

في #اضطراب #مابعد #الصدمة ( )، المشكلة مش إن الحدث عدى… المشكلة إن المخ لسه عايش فى #الصدمة كأنها بتحصل دلوقتي.
ممكن تلاقي الشخص فجأة بيجيله “فلاش باك” كأنه رجع لنفس الموقف، أو يتوتر من حاجات بسيطة جدًا من غير تفسير واضح.
أحيانًا كمان يبعد عن أماكن أو ناس بتفكره باللي حصل، أو يفضل متوتر طول الوقت كأنه مستني حاجة وحشة تحصل.
#والعلاج #النفسي هنا هدفه يفك ربط المخ بين الماضي والحاضر، ويعلّمه إن الخطر انتهى ، ومهم جداً إنك تطلب مساعدة متخصصة بدل ما تفضل عايش لوحدك مع الأعراض دي.
لحجزة جلسة علاجية فى العياده او اونلاين يرجى ارسال رسالة على الصفحة او على واتساب العياده 👇
010 02870810

24/04/2026

"عارف قلق الطالب بيبدأ إمتى ومستواه يقع؟
مش ليلة الامتحان…
ده من يوم ما حس إن حبه في البيت مشروط بدرجته.

لما يسمع:
(لو منجحتش هتعمل إيه في حياتك؟)
(فلان أحسن منك)
(تعبنا عليك ومفيش نتيجة)

ساعتها مش بيذاكر بعقل هادي…
بيذاكر بقلب خايف."

13/02/2026

#اضطراب #الهوية #الجنسية
لحجزة جلسة علاجية فى العياده او اونلاين يرجى ارسال رسالة على الصفحة او على واتساب العياده 👇
010 02870810

07/02/2026

إزاي ممكن إنسان ماكانش عبقري، ولا عالم، ولا حتى صاحب إنجاز استثنائي… يبقى قادر يجمع حواليه رؤساء دول، مليارديرات، وأشهر شخصيات في العالم؟

السؤال الأهم مش: #إبستين عمل إيه؟
السؤال الأعمق: هو فهم إيه عن النفس البشرية خلّاه خطير بالشكل ده؟
#جيفري #إبستين ماكانش مجرد #منحرف #جنسي… النوع ده موجود عبر التاريخ.
لكن المختلف فيه إنه فهم نقطة ضعف خطيرة عند البشر:
معظم الناس بتثق في القوة قبل ما تدقق في الأخلاق.

كان عارف إن الثراء بيصنع صورة براقة.
وإن العلاقات القوية بتدي إحساس زائف بالأمان.
وإن الإنسان لما يشوف حد الكل بيقرب منه… نادرًا ما يسأل: "هو ليه؟"

تخيل المشهد:

طيارة خاصة…
حفلات مليانة نفوذ…
تبرعات لمؤسسات علمية…

الصورة الخارجية محسوبة بدقة، مش علشان يبان طيب —لكن علشان يبان فوق الشك.

وهنا ندخل للتركيب النفسي الأخطر في شخصيته:

إبستين ماكانش #سادي بالمعنى الاندفاعي.
السادي الاندفاعي بيأذي وخلاص.

إبستين كان أقرب لـ #السادية الباردة —
النوع اللي يستمتع مش بس بالأذى…
لكن بفكرة إنه يقدر يتحكم في البشر، يحركهم، ويسكتهم.

#السيطرة عنده ما كانتش مجرد وسيلة.كانت هي المتعة نفسها.

أما #النرجسية عنده فمش من النوع الصاخب اللي عايز إعجاب مباشر…
دي نرجسية أكثر هدوءًا وخطورة:

إحساس داخلي إنه أذكى من النظام نفسه،
وإن القواعد معمولة للناس العادية فقط.

و #السيكوباتية ظهرت في قدرته المرعبة على الفصل:

يقعد يضحك في اجتماع رسمي…
وبعده بساعات يدير شبكة استغلال #جنسى بدون أي ارتباك نفسي.

مفيش صراع داخلي ظاهر.
مفيش ذنب يعطّل السلوك.

كأن الآخرين مجرد أدوات في تجربة شخصية.

لكن أخطر ما في شخصية زي دي مش الانحراف…

الأخطر هو القدرة على تطبيع الشر.

لدرجة إن اللي حواليه ممكن يشوفوا إشارات مقلقة…
بس يقنعوا نفسهم إنها "مش منطقية".

إزاي واحد ناجح كده ممكن يعمل حاجة زي دي؟

الحقيقة المزعجة؟

الشخصيات الأخطر مش اللي شكلها مرعب…
الشخصيات الأخطر هي اللي تعرف تطمّنك كويس جدًا.

إبستين ماكانش خطير لأنه سادى او نرجسي…
كان خطير لأنه كان يبدو مثال للنجاح.

وده يخلينا ناخد بالنا من حاجة نفسية مهمة جدًا:
مش كل شخص غني، قوي، ودايرته مليانة ناس مؤثرة يبقى شخص يستحق الانبهار.

أحيانًا الصورة اللامعة بتكون جزء من البناء…
مش علشان تعكس الحقيقة، لكن علشان تمنعك تشوفها.

الهالة الاجتماعية ممكن تخدع العين،
والنجاح الظاهري ساعات بيخلّي الناس توقف التفكير النقدي تلقائيًا.

علشان كده… قبل ما تنبهر بأي قوة ظاهرة، اسأل نفسك:
هل أنا شايف الإنسان فعلًا؟
ولا شايف الصورة اللي هو اختار يعرضها؟

05/02/2026

لحجزة جلسة علاجية فى العياده او اونلاين يرجى ارسال رسالة على الصفحة او على واتساب العياده 👇
01002870810

05/02/2026

ليه بننجذب لشخص معيّن… ونتجاهل غيره؟
ليه نتحمس لحد، ونحس إن في “كهربا” بينا،
وفي نفس الوقت شخص تاني كويس ومريح… بس ما يحركش جوانا حاجة؟
الإجابة مش دايمًا حب حقيقي.
أحيانًا هي #جروح قديمة لسه ما خفّتش.
احنا مابنختارش علاقاتنا عشوائيًا،إحنا غالبًا بننجذب للي يلمس وجع مألوف جوانا،
مش لأنّه صحي،لكن لأن النفس بتدور على اللي تعرفه… حتى لو مؤلم.
#الجروح #الخمسة وليها تأثير مباشر على اختياراتنا:
1️⃣ #جرح #الرفض
لو جرحك هو الرفض،
تنجذب لشخص يتجاهلك، بارد، أو دايمًا مش متاح.
وتفضل تحاول تثبت إنك تستاهل الحب.
2️⃣ #جرح #الهجر
تتعلق بناس يقربوا فجأة ويختفوا فجأة.
كل ما العلاقة تقرب، تحس بخوف:“هو هيمشي إمتى؟”
3️⃣ #جرح #الخيانة
تدخل علاقات مليانة شك وعدم أمان.تخاف تثق، أو تختار شخص من البداية غير ثابت.
4️⃣ #جرح #الظلم
تدخل علاقات فيها صراع قوة.مين المسيطر؟ مين الصح؟
وتحس إنك لازم تدافع عن نفسك طول الوقت.
5️⃣ #جرح #الإذلال
تقبل قلة تقدير أو إهانة بسيطة،
بس تكمل…علشان الخوف من الرفض أقوى من وجعك.

خلّي بالك:
الشريك مش هو المشكلة.
هو مجرد زرّ ضغط،بيكشف مكان الجرح… مش بيخلقه.
العلاقة مش ساحة عقاب،هي مرآة.
وكل وجع بيتكرر كأنه رسالة:
“الجرح لسه ماسك القيادة، مش وعيك.”
أكبر غلطة إننا نحاول نغيّر الشخص،بدل ما نسأل نفسنا:
ليه النوع ده بالذات بيشدّني؟
الشفاء الحقيقي ما بيبدأش بس بترك العلاقة،بيبدأ بسؤال صادق:
أنا حسّيت بإيه؟
وإيه كنت محتاجه زمان وما أخدتوش؟
لما الجرح يخفّ،اختياراتك بتتغيّر لوحدها.
اللي كان جذاب يبقى منفّر،والحب الصحي اللي كنت شايفه ممل… يبقى أمان.
السؤال ليك دلوقتي:
أنهي جرح من الخمسة هو اللي بيحرّك اختياراتك العاطفية؟

لأن أول خطوة للشفاء هي المواجهة، مش الهروب 🌱
لحجز جلسه اونلاين او فالعيادة يرجى التواصل عبر الواتس اب 👇
010 02870810

25/01/2026

مقالى فى جريدة الوفد عن #التنويم #بالإيحاء👇

قالت الدكتورة شيماء أبو العلا ماجستير اكلينكى فى علاج الاضطرابات الجنسيه واضطرابات الهوية الجنسية و دكتوراه في علاج الادمان بالتنويم بالايحاء والعلاج المعرفى الس....

17/01/2026

#اضطراب #التحويل ( )
عباره عن ضغط نفسي شديد بيطلع في شكل أعراض جسدية حقيقية زي شلل مؤقت، فقدان إحساس، رعشة، العمى أو فقدان مؤقت للصوت.
الجسم هنا بيتكلم بدل النفس،
والعلاج النفسي بيفك الرسالة اللي الجسد اضطر يقولها.
لحجزة جلسة علاجية فى العياده او اونلاين يرجى ارسال رسالة على الصفحة او على واتساب العياده 👇
010 02870810

13/01/2026

مثلما يحتاج #الطفل عند ولادته إلى الطعام والشراب والملابس والحماية من الحرارة والبرودة ، فإنه يحتاج أيضا إلى الحب والاحترام والاهتمام والتقدير. إذا لم تكن قادرا على تلبية هذه الاحتياجات، فمن الأفضل أن تعيد النظر في قرار الإنجاب.

07/01/2026

بعض مرضى #البوردرلاين
بيحبّوا ويكرهوا المعالج في نفس الجلسة…
وده مش تناقض، ده إسقاط لمشاعر قديمة لسه ما اتعالجتش.
العلاج النفسي هنا مش تصحيح مشاعر،
لكن مساحة آمنة نفهم فيها الإسقاط،
ونرجّع كل إحساس لمصدره الحقيقي…
وساعتها يبدأ الشفاء.
لحجزة جلسة علاجية فى العياده او اونلاين يرجى ارسال رسالة على الصفحة او على واتساب العياده 👇
010 02870810