عضمولوجى مع د. يوسف عازر

05/01/2025

23/04/2022

#فسيولوجية الألم

ما تجمد كدا أنت فافى!!
جالى عيان بيشتكيلى من أن رجلة ماشى فيها نار و تعبان و هو واقف أو قاعد و طبعا أول حاجة جائت فى دماغى هو سؤال عن السكر و أنة عالى و رغم كدا العيان مطنش و عاوز حل عندى لمشكلتة لأنة معندوش أستعداد يغير أسلوب حياتة علشان شوية سكر!!

و دا بيقودنا للسؤال الفلسفى

لما تجى تقرأ تعريف الألم فى أى أكاديمة علمية، هيكون الوصف كالتالى:

الألم هو إحساس حسي معقد غير مريح ناتج عن مستقبلات الألم في الجهاز العصبي الطرفى، يتم معالجتها وتفسيرها في الجهاز العصبي المركزي، و هناك تفاعلات وثيقة بين إدراك الألم و الحالة النفسية.

بس علشان أنا بتعامل مع الألم كشكوى أولى فى العيادة، ففى نسبة من العيانين بيبقى عندهم غيظ من الوجع !! لأنهم مش فاهميين لية؟
و دول الأغلبية فى معظم الأحيان.
و بيبقوا عاوزين يفهموا، و يمكن التفسير بيكون عندة الأولوية أكتر من العلاج فى بعض الأحيان،
و بيكون التفسير الأبسط فى معظم الأحيان هو أن الجسم عاوز ينبهك أن فى حاجة غلط، فى مشكلة، لو سمحت أهتم!

يعنى لو أنت بتصحى بالليل من تنميل فى أيدك، أكيد مش رخامة من الجسم،
مش عاوز يقلق منام سعاتك لكن التكوين الشبكى(منطقة فى المخ) بتنبهك لأن فى مشكلة فى الأعصاب و هى مش قادرة تحلها و لازم البوص الى هو أنت تصحى و تشوف المشكلة !!

لكن فى نوع تانى هو فاهم المشكلة كويس لكن بيتجاهلها زى
مثلا مريض السكر فى أول البوست تجاهل ظبط السكر فى جسمة و دا بيسبب ألتهاب الأعصاب الطرفية و بيعمل أحساس الشكشكة و الوجع و الألم لكنة مكمل.

طيب تفتكروا أية الحل و لا أعمل أية معاة؟؟

الصورة من Karikatur Vektor erstellt von brgfx - de.freepik.com

31/03/2022

تحمل المسئولية تعنى القدرة على الرد و ليس لوم الظروف.

25/03/2022

#الألم ليس سيئا،

الألم هو رسول يحمل رسالة من الجسم، إلى عقلنا ليساعدنا فى التعرف على المشكلة و البحث عن حل لها.

23/03/2022

1

من كام يوم قريت بوست على أن مبرمج، كان محتاج يخلص شغل على الكومبيوتر و كان بيقعد 23 ساعة كل يوم لمدة أسبوع علشان يخلصة.

و بعض النظر أنى عارف أن فى ناس ربنا أنعم عليها أنها لو نامت ساعة ممكن تبقى صاحية فايقة و مركزة و مش محتاجة نوم أكتر، و بغض النظر على أنى مش مقتنع بساعات الشغل الكتير لأن أى مخ ميقدرش أنة يشتغل بصورة مستمرة لمدة 23ساعة بدون راحة و أن دا شغل كمى و ليس كيفى!


و لكن أنا هتكلم على الجزء الى يخصنى فى شغلى و هو أن أى، حد يقعد 23 ساعة أو 10 أو حتى 8 بدون حركة، دى حاجة قاتلة للجسم و الجهاز الحركى و العضلات و المفاصل و الأربطة.

أنا فاكر أن من 10سنين قريت دراسة (للأسف مش متذكر أسمها ) كانت مهتمة بسؤال هل لو أنا عندى شغل مكتبى 8-10 ساعات يوميا و لكن أنا بمارس الرياضه 2-3 مرات أسبوعيا هل هذا كافى لصحة العمود الفقرى بتاعى ؟

و كانت الأجابة هى لاء !! و لية لاء لأن الجسم محتاج الحركة دايما زى الهوا كدة للرئتين! هل ينفع تقول أنا هكتم نفسى 8ساعات و بعدين هبقى أتنفس بعدالشغل ؟

و رغم أن القاعدة بسيطة و سهلة و منطقية الا أن ناس كتير بيتجهلوها، و للأسف الجسم ممكن يفوت و يعدى لكن فى وقت ما لازم هيبعتلك الفاتورة الغالية علشان تندفع.

فيا ترى هتقدر تسددها ؟

01/03/2022

صباح الفل 😀

21/02/2022

القوة لا تنشأ من القوة الجسدية ، بل من إرادة لا تقهر.

Mahatma Gandhi

17/02/2022

الأسبوع إلى فات كان عندى #شغل مكتبى و تحضير و أضطريت أقعد على المكتب كتير وبعد ٤ أو ٥ ساعات أبتديت أحس أن كتفى الشمال واجعنى ،

و رغم أنى معنديش #مشاكل فى الكتف عموما ، أنما الموقف كان مبرر لأن من غير عاداتى أنى أقعد فترة طويلة كدا و بدون حركة تماما.

و دا بيبين أن الصحة مش بس خلو الجسم من #الأمراض ،

لا هو أكتر فهم المشاكل الصغير إلى بتؤدى للامراض علشان نتجنبها و نحاول ندور على حلول ليها لمنعها من الأنتشار و التطور السئ.

المشكلة فى الشغل على المكاتب لفترات طويلة ، هو حاجتين

١_ الدورة الدموية لا تمشى بطريقة منتظمة و أنسيابية.

٢_ التخشب على #الكمبيوتر أو المكتب وحديثا الموبايل بيرهق العضلات لأنها مش مخلوقة للتخشب بدون حركة و خصوصا لفترات طويلة ، أسمة الجهاز الحركى العضلى مش الجهاز الساكن العضلى.

و علشان كدة بفكر نفسى و أفكركم أننا على الأقل بعد كل ساعة على المكتب لازم نقوم نتحرك حركة فيها جودة و تؤدى إلى تحريك الدورة الدموية مع التنفس الفعال ، لتغذية #العضلات بالأكسجين و منع تخشب المفاصل و ألامها ، و طبعا الكلام دا ينطبق على الناس إلى بتسوق عربيات لفترات طويلة ، لازم يعملوا راحة كل #ساعة حتى لو كام دقيقة.

صباح الفل

12/02/2022

تمنى للأخرين الخير ، فسوف يعود كل ما تفعلة إليك مرة أخرى 😀💪