Reem mohamed live light

23/09/2026

مين ال قال اكل الدايت ممل وحرمان
دي مكرونه وايت صوص بدقيق الشوفان ولبن خالي الدسم
وجبنه موتزاريلا طبيعيه
طعمها تجنن
كفته مشويه ايرفراير
تتبيلتها: بصل وملح وفلفل وتوابل كفته وبحطيلها فحمه
السلطه طبعا اساسي

17/09/2026

🥗 جدول وجبات الغداء الأسبوعية للدايت والتنشيف! 🥩🍗
تجهيز الوجبات مسبقاً (Meal Prep) هو السر الحقيقي للالتزام بنظام غذائي صحي ومتوازن بدون حيرة كل يوم. جمعت لكم وجبات الأسبوع: 1️⃣ الأحد: كباب حلة / قطع لحم بقر مسلوق مع مكرونة وسلطة خضراء طازجة.
2️⃣ الإثنين: صدر دجاج متبل بالمقلاة/الشواية مع خضار مشوي (كوسة وجزر).
3️⃣ الثلاثاء: كفتة/بيف ستيك مع مكرونة بصلصة الطماطم وسلطة.
4️⃣ الأربعاء: دجاج مشوي بالفرن مع سلطة مشكلة وخضار.
5️⃣ الخميس: شرائح كبدة مشوية مع بطاطس مهروسة وسلطة.
6️⃣ الجمعة: ستيك دجاج/لحم مشوي مع بطاطا حلوة وسلطة.شاركوني: إيه أكتر وجبة بتحبوها في الجدول؟ وهل بتفضلوا تجهيز الأكل أسبوعياً ولا يوم بيومه؟

05/09/2026

وصفه شاورما البيت ومبتاخديش وقت
هتبل فراخ بباريكا ليمون وريحان ملح فلفل معلقه زبادي وفصين توم
هرش الطاسه زيت زيتون
هشوحها لحد متستوي
احضر صوص بتاعي
٤ ملاعق زبادي يوناني ملح وفلفل بابريكا ليمون زيت زبتون وفصين توم مفروم
هدهن عيش توريتيلا من دريسنج بتاعي أحشي شاورما ال عملتها
أضعها في اير فراير وبس هتاكلو احلي شاورما بيتي سعرات قليله
الف هنا😍😍😍😍

29/08/2026

دي وجبه الغدا بتاعتي ال دايما بعتمدها في نظامي وخسيت ١٥ ك لسه مكمله
تتبيله الفراخ: معلقه زبادي
ليمون
خل ريحان
ثوم مفروم
ديس رمان
بسيبها في التلاجه ٣ اًو ٤ ساعات
بعدين بنزلها في طاسه تكون سخنه برشه زيت زيتون وبقطع معاها حلقات بصل وفصين توم
طعمها وريحتها تجنن
سلطه طبعا دي عشقي
وبس كده😍😍

19/08/2026

سنيكرز صحي :
سريع سعراته قليله
باخد واخده مع القهوه قبل الجم
المكونات:
بلح طري واضعه في قالب الكاب كيك واضيف عليه زبده فول سوداني وعليه اي مكسرات او فول سوداني وبزينو بشوكلاته دارك تركيز ٧٠ وبسيبو في التلاجه
😍😍😍

14/08/2026

� الفطار الغني بالبروتين مش مجرد وجبة… هو بداية صح ليوم مليان نشاط.

فوائد الفطار عالي البروتين:
✔️ يساعد على الشعور بالشبع لفترة أطول.
✔️ يقلل الرغبة في تناول الوجبات الخفيفة.
✔️ يدعم الحفاظ على الكتلة العضلية.
✔️ يساهم في استقرار مستويات الطاقة خلال اليوم.

اختيار فطار متوازن يحتوي على مصدر بروتين مناسب من أفضل العادات التي يمكن البدء بها كل صباح.

ما رأيكم؟ ما هو الفطار البروتيني المفضل لديكم؟ 👇

✨ تابعوا الصفحة للمزيد من الوصفات الصحية ونصائح التغذية.

#تغذية #بروتين #صحة

01/08/2026

28/07/2026

الاكل الصحي اسلوب حياه مش دايت موقت😍😍

24/07/2026

دي سلطه التونه بالمكرونه ال بعتمدها في نظامي
بسلق المكرونه اي نوع تحبيه
التونه بصفيها من الزيت
بقطع بصل وفلفل الوان
وحطيت معلقه مايونيز لايت وملعقه خل صغيره
مشبعه جدا وسعرارتها قليله
الف هنا❤️❤️

27/06/2026

ده نظامي ال خسيت عليه ١٠ ك في الشهر
فطاري عباره عن : ٢ بيضه مسلوقه وساعات اومليت وخيار معاه كوب قهوه بسكر استيفيا
الغدا: اكل البيت بروتين مشوي او مسلوق مع سلطه وخضار ني في ني
بشرب ٢ كوب ماء قبل الوجبه
بتمرن ٣ مرات اسبوعيا او مشي نصف ساعه
العشا: كوب زبادي يوناني
سناك: باخد تفاحه

نظام صحي متوازن من اكل البيت