د.حسام الديب استشاري الروماتيزم

12/08/2026

شهد من القليوبية 🌷🌷

12/08/2026

هانى من الفيوم 🌷🌷

12/08/2026

كمال من اسوان 🌷🌷

08/08/2026

كتير باسمع ست تقول عن جوزها انه بيحتوينى... او انه مش بيعرف بيحتوينى...
نفسى اعرف شرح الجمله دى... يعنى لما بيحصل ايه بيعمل ايه؟ او مفروض يعمل ايه و هو مش بيعرف يعمله؟
مهم نعرف... لان ده بيسبب مشاكل كتير... بتنعكس على الحاله الطبيه للمريضه.

08/08/2026

08/08/2026

المسكنات ضاره جدا على الكلى .. 💉💊
الصوره دي نشرتها منظمة الصحه العالميه للتحذير من خطر كثرة استخدام المسكنات على الكلى ..
كل ما بتستخدم مسكنات لفترات طويله ..كل ما بتأثر على الكلى ..

كمان انت لما بتتعود تاخد المسكنات ...بتبقى زي المدمن بعد فتره ...لا قادر تبطلها و لا بتسكنلك الم !

طب لو عندك اوجاع في المفاصل يعمل ايه ؟ 🦵🏼🦶👋
لو عندك اوجاع في المفاصل ..طبيب الروماتيزم المتخصص يشخصلك المرض ..و تاخد علاج له ..و المسكنات تكون عند اللزوم فقط ...مش باستمرار
و الفيديو ده من
٢٠١٩

فيه علاج الروماتويد ..و هل هو مسكنات ؟
https://www.facebook.com/Rheumatologyconsultant/videos/989389628072191?sfns=mo
طب و الصداع ؟ 🙇‍♂️🙇‍♀️
لو بيجيلك صداع كتير ..ابحث عن سبب الصداع عند الطبيب ..يمكن عندك مشكله في الجيوب الانفيه ..او امساك ..او ضغطك عالي ..او مشكله في النظر ..او سبب تاني لازم تبحث عنه و تعالجه ..انما ماتاخدش مسكنات باستمرار
طب لو بيجيلي صداع كل فتره طويله ؟
المسكن المسموح بيه لانه يعتبر آمن الى حد كبير ولا يؤثر على الكلى ..المسكن اللي بيحتوي على مادة باراسيتامول ..زي پانادول و ادول و بارامول و بدائلهم...و ده في العالم كله مسموح انه يتعطى بدون روشته نظرا للامان العالي في استخدامه ..انما المسكنات التانيه اللي الناس بتاخدها (عمال على بطال) زي ما بيقولوا ..زي كاتافاست و باي بروفينيد و كيتوفان ..كل دي استخدامها كتير يضر الكلى و ممنوع في اغلب الدول انها تتصرف بدون روشته
طب و لو عندي روماتويد او خشونه او الم مفاصل ..اروح للدكتور عشان يكتبلي مسكنات ؟
دكتور الروماتيزم عمره ماحيكتبلك مسكنات لفترات طويله .. المسكنات دي بتتكتب لفترات قصيره ..مش عشان تسكن الالم ..لا ..عشان هي مضاد للالتهاب ..ف بتعالج الالتهاب و كمان تسكن الالم ..بس ده بيكون لفترات قصيره ..ايام ...مش شهور ..
عمر الطبيب المتخصص ما حيكتبلك مسكن تمشي عليه على طول ..العلاج بتمشي عليه فترات طويله ..انما المسكن بيتاخد فترات قصيره ..عشان يعالج الالتهاب و يسكن الالم ..و ما يأثرش على الكلى ..

للتواصل مع العياده تليفونيا وواتس اب
010 32125460

🧿🧿🧿🧿🧿🧿🧿🧿🧿🧿🧿🧿🧿🧿🧿🧿🧿🧿🧿🧿
كل اخبار و معلومات الروماتويد و الامراض الروماتيزميه ..تجدوها دائما على صفحة دكتور حسام الديب استشاري الروماتيزم ..
اكبر صفحه للامراض الروماتيزميه في مصر 🥇🥇🥇
🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼

ماتنساش تعمل لايك للصفحه و شير للمعلومه دي لاصدقاءك عشان يعرفوا المعلومه الصحيحه من المتخصص 👍👍❤️

08/08/2026

من فتره كان عندي في العياده سيده بتتعالج عندي ..عمرها يقترب من الستين
قالتلي : انا كنت عندك من شهر و قولتلي ان الروماتويد تاعبني بنسبة ٣٠٪؜ بس ..انما اغلب الالم اللي عندي من فيبروميالجيا نتيجة ضغوط نفسيه و قلق و توتر ..
انا طلعت من عندك و انفجرت في البكاء عشان زعلت على نفسي و على الحاله اللي وصلتلها ..
و قررت اني اغير حياتي بالكامل ..قررت القرار اللي اتاخرت فيه تلاتين سنه ..
انا كنت عندك الخميس ..يوم السبت كنت اجرت شقه و سبت البيت و انفصلت عن جوزي !
انا جايه انهارده عشان اشكرك ..لانك في العشر دقايق اللي قعدتهم معايا ..شخصتني مظبوط و عرفتني سبب الالم اللي انا فيه ..و ده اللي خلاني آخد القرار اللي اتاخرت فيه خوفا من كلام الناس و الاولاد و الاحفاد .
الحقيقه انا حسيت اني مش مبسوط ان فيه عيله حصل فيها لخبطه كبيره كده نتيجة تشخيص حالتها ...لكن هي كانت سعيده جدا بقرارها و بتضحك و اغلب الالم اللي عندها راح ...و بتدعيلي ..ف ده خللاني سعيد باللي هي وصلتله .
مش عارف ليه عندي احساس ان ناس كتير جدا نفسها تعمل كده ..ولو عملت كده غالبا ح ترتاح ..لكن مش بتعمل ده خوفا من حاجات كتير زي ..صورتها قدام الناس ..او الفلوس او الشقه او الابناء !
كنت عايز اقوللها : لو كل واحده قولتلها عندك فايبروميالجيا سابت البيت ..البلد كلها ح تبات في الشارع 😄
......
شرح مرض فيبروميالجيا بفيديو قصير هنا

https://fb.watch/5tnGrIvPbB/

06/08/2026

ندى من منية النصر دقهليه 🌷🌷

04/08/2026

علاج الصدفية🧪 🏥

03/08/2026

الروماتويد السلبي 🦴 #روماتويد