مركز ابو بكر الطبي

08/09/2022

الصحة: عزل أول حالة مصابة بجدري القرود لمصري من الحاصلين على الاقامة بإحدى الدول الأوربية

أعلنت وزارة الصحة والسكان، أنه في اطار المتابعة المستمرة للوضع الوبائي فقد ثبتت إيجابية مواطن مصري للإصابة بفيروس جدري القرود، حيث تم اكتشاف إصابته من خلال إجراءات الترصد الوبائي التي تقوم بها الوزارة وتم عزله في إحدى المستشفيات المخصصة للعزل.

وأوضحت الوزارة أن المريض يبلغ من العمر 42 عاما وهو من الحاصلين على الإقامة بأحد الدول الأوربية والمترددين عليها، مؤكدة أن المريض حالته العامة مستقرة، وتم اتخاذ جميع الإجراءات الصحية والوقائية مع مخالطيه وفقا لبروتوكولات العلاج والمتابعة التي أقرتها منظمة الصحة العالمية.

21/05/2022

10/05/2022

#السوبر في علاج إرتفاع الحرارة : الاستحمام بماء فاتر وليس بماء بارد ولو كمادات ممنوع علي الجبهة ولكن علي البطن وبين الفخدين و تحت الابطين والأفضل يقعد الطفل بطبق به ماء فاتر وممنوع الدولفين و الكتافلاي قبل سن عام وكمان بيذودوا الكحة و مشتقات الباراستامول هو النامبر وان علي الإطلاق
👈طب إيه #السوبر في علاج الرشح و البرد: طبعاً محلول الملح و الشفاط أو بخاخة ماء البحر ولو اقل من ٦ شهور الليرجيل مساءاً و لو اكتر تيلفاست او زيرتك شراب مرتين يوميا

👈 طب إيه #السوبر في علاج الكحة : علشان تعالج الكحة لازم تعالج السبب يعني لو حساسيه صدر تعالجه هتروح الكحه ولو حساسيه أنف تعالجه هتروح الكحه وطبعاً لازم نسلك الأنف ،، بس لو كحه بسبب البرد عادي يبقي نامبر وان هو كوفسيد لبوس و برونشيكم شراب و في ابحاث جديدة بتقول ان شوربة الفراخ هي احسن علاج للكحة

👈طب إيه #السوبر في علاج حساسية الصدر : طبعاً بخاخه الكورتيزون مثل فليكستيد وأكياس سونجيولير أو ليليبيل وعند الأزمة نعمل جلسات فاركولين

👈طب إيه #السوبر في علاج حساسيه الأنف : زيرتك مساءاً ونازونكس بخه يومياً لمده ٣شهور وطبعاً غسيل الانف

👈طب إيه #السوبر في علاج الإسهال : طبعاً إكياس الجفاف مع كيس هيدراسيك كيس كل ٨ ساعات

👈طب إيه #السوبر في علاج الترجيع: دانسيت ١سم عضل كل ١٢ ساعه

👈طب إيه #السوبر في أنواع الكالسيوم : الكالسيوم كله ممنوع إلا بعد عمل تحليل كالسيوم متأين في الدم وطبعاً النامبر وان هو فيتامين د الفيدروب من سن يوم لحد ٣سنين

👈طب إيه #السوبر في الحديد :انريتش نقط ربع قطارة يومياً من ٦ شهور لحد سن عام وبعد كده علي حسب التحليل
أو كيس Ropas مره يوميا لمده شهر

👈طب إيه #السوبر في ذيادةً تركيز العيل : زيت كبد الحوت اوميجا3 ٥سم يومياً أواوميجافيت ٥٠٠ كيس علي ربع كوب زبادي يومياً لمده ٣شهور علي الأقل ويحلل صوره دم وبراز

وزياده المناعه Aminoxs sachets
مره يوميا لمده شهر

👈طب إيه #السوبر في علاج الديدان للأطفال: بنداكس شراب ١٠ سم علي الريق لمدة ٣ أيام ويكرر بعد أسبوعين

👈طب إيه #السوبر في علاج الحروق : ضع المكان المحروق تحت الحنفيه لمده ١٠ الي ١٥ دقيقه وممنوع فتح الفقاقيع المائية ثم يدهن بدهان ميبو كريم ثم يذهب الي الطبيب حالاً

👈طب إيه #السوبر في علاج الانتفاخ: دينتونوكس شراب ٣ مرات يوميا بس الام يبعد عن البصل والكرنب ده للطفل الرضيع بس الكبير شويه فيسرالجين شراب بس لازم نستثني الديدان و الأميبا و حمي البحر المتوسط

👈طب إيه #السوبر فاتح للشهية : للأسف مافيش حاجه اسمها فاتح للشهية بس امنعي الشيبسي و الكراتيه و أكل المحلات وحللي صوره دم و براز

👈طب إيه #السوبر في الوقايه من تسلخات الحفاضة : سيدوكريم بس للعلاج ميكوناز اتش كريم

👈 طب إيه #السوبر في لعلاج الأم الهبطانه : فيروترون كبسوله يومياً لمده ٣شهور و فيدروب قطاره يومياً طول فتره الرضاعه

👈طب إيه #السوبر الذبادي ولا اللبن : طبعاً الذبادي لأنه محتوي علي بكتريا مفيده جدا هاضمه البروتين الضار الي بروتين نافع

👈طب إيه #السوبر في علاج الامساك: شرب سوايل كتير ولبوسه جلسرين بعد ٣ أيام امساك ولو مزمن لاكتياوز شراب يومياً

👈طب ايه #السوبر في علاج الفتق السري:هو بيروح عند ين عام فمالوش علاج حتي الحزام

👈طب إيه #السوبر في عقاب الأطفال : ممنوع الضرب نهائياً و أفضل شئ هو التجاهل

👈طب إيه #السوبر في ذياده لبن الأم : شرب سوايل كتر شرب الحلبه و هيربانا كبسوله ٣مرات يومياً و Unilact cap قرص ٣ مرات يومياً

21/01/2022

من الان ولمده 45 يوم الكل هيصاب بدور اوميكرون او (البرد زى ما بنسميه )
كل المتخصصين فى كل العالم بيقولوا الكلام ده .
مش مهم التسميه.

( المهم التعامل مع الاعراض لازم نفهمه كويس عشان نعرف نعالج نفسنا )

الأخطاء فى التعامل مع دور البرد هو سبب الوفاه لكثير من الناس خلال هذه الايام .
عشان كده البوست ده هيبقى مهم جدا انك تخليه قدام عينيك وتلتزم بيه كويس جد
ويايرت متنساش تعمل مشاركه وتعلق عشان الكل يشوفه .

الاعراض وطريقه التعامل معها :_

1_ السخونيه ( الحراره) :
لو وصلت حرارتك ل 39 بنأخد خافض حراره من مشتقات الباراسيتمول زى ( بنادول _ دوليبران_ نوفالدول _ ابيمول ._........) والجرعه بتكون عند اللزوم كل 6سااعات 1000م .
س: لو الحراره منزلتش بنخلى الجرعه كل 8 ساعات وبنعمل تبادل مع نوع اخر كل 4 ساعات زى البروفين مثلا ( ولازم تبقى واكل كويس قبل البروفين لانه بيعمل تعب على المعده الفاضيه ) لكن الافضل لو الحراره بتنزل نخلينا فى الباراسيتمول افضل .

2 _ الإحتقان :
مهم جدا المشروبات السخنه عشان نقضى على الإلتهاب اللى بيسبب الاحتقان.
وممكن نستخدم اى إستحلاب لو مفيش تحسن بالمشروبات الدافيه .

3_ الكحه:_
لو الكحه جافه اى ادويه للكحه مش مضر لكن الافضل استمر على المشروبات السخنه .
ولو حاسس ان فيه بلغم وزورك مقفول ممكن جدا اى مزيب بلغم او طارد ومهدئ للشعب الهوائيه .

4 _ رشح مستمر وعطس شديد :_
اى دواء من ادويه البرد المعروفه والمتداوله والامنه

5_ ضيق تنفس او اكسجين منخفض او زرقان فى الشفاه او عدم القدره على النوم بصفه مستمره مع خمول مع حراره مش بتنزل ( يجب مراجعه الطبيب فورا والذهاب للمستشفى )

6_ لو عندك مرض مزمن يجب استشاره الطبيب الخاص بك اولا

7_ بالنسبه للفيتامينات :
يفضل اخذ فيتامين سي من الفواكه والخضروات زى ( البرتقال _ اليوسفى _ الفلفل الالوان _ الجوافه _ ........).
لو محتاج فيتامين دال ممكن من الصيدليه والافضل التعرض للشمس فى الاوقات الصحيحه لذلك .

اهم النصائح :_
1 بلاش حقنه البرد بتاعت الصيدليه
2 ممنوع المضاد الحيوى إلا بإستشاره الطبيب
3 دفوا نفسكم كويس
4 امتنعوا عن المشروبات الغازيه
5 الاكل يكون صحى
6 بدلوا السكر بالعسل الابيض
7 اكثروا من تناول الخضروات والفاكهه .
وارجوكم بلاش تخزنوا ادويه فى بيوتكم ( بعض الصيدليات حاليا مش بيلاقوا فيها ادويه الكحه بسبب الناس اللى بتيجى تاخد كميات وتخزنها )

31/12/2021

في حاجه غريبه بتحصل اليومين دول ؟
طفل غالبا فى سن المدرسة من 3 ل 14 سنة يجي يكشف بسخونيه و يتشخص عدوى فيروسية غالبا انفلونزا وياخد علاج ويمشي و كتير نتيجة الحرارة العالية بياخد مضاد حيوى خاصة لو فى التهاب فى الحلق
بعد اربع خمس ايام تلاقي الطفل بيشتكي من رجليه ؟
بس الشكوي هنا مبتبقاش الالام في المفاصل
بتبقي في عضلات الرجل فى السمانة زي شد العضل كده بالظبط و ساعات مبيقدرش يمشى من الالم او يعرج او يمشى على اطراف الاصابع
مع اعطاء مسكن و مضاد إلتهاب و راحة و سوايل
الدنيا بتتحسن خلال 3 ايام غالبا والطفل بيبقي تمام

ده حاجة مش مقلقة عبارة عن التهاب فى العضلات بتسببه بعض الفيروسات و اشهرها الانفلونزا A و B و غيرها من الفيروسات المنتشرة BENIGN ACUTE CHILDHOOD MYOSITIS

طبعا لازم الطبيب المعالج يشوف الطفل و يفحصه خاصة الفحص العصبى و يتأكد من التشخيص و يستبعد امراض تانية اكثر خطورة متشابهة فى الاعراض خاصة متلازمة غيلان باريه Guillain-Barré syndrome و دى بيميزها شلل تصاعدى للعضلات بدايته من الرجل و بيطلع لفوق و احيانا بيشمل عضلات التنفس و مرض انحلال العضلات rhabdomyolysis و ده بيؤدى للون بول داكن و فشل كلوى حاد

03/12/2021

صباح الخير
الكورونا مرض غير مفهوم على الاطلاق وغير خاضع لأي ثوابت...الموجة الاولى والتانية كانوا ارحم كتير من اللي بيحصل دلوقتي
لو في حاجة كويسة الدولة عملتها فانها اجبرت الناس تاخد اللقاح ...كون اللقاح غير آمن بنسبة ١٠٠ % فده طبيعي جدا في ظل وقت قصير جدا تم إنتاجه فيه
لكن انت معندكش غيره ...ونسب نجاحه هايلة في ظل فيروس عنيف جدا وغير مفهوم مطلقا وغير معروف هو بيهاجم مين ويسيب مين وللأسف تحوراته يستعصي فهمها على العقل البشري حتى الآن
اه ...مفيش اعلانات عن حالات الرعايات ولا الوفيات بس الوضع مرعب

25/07/2021

بسم الله الرحمن الرحيم
تم إستئناف العمل بمركز أبو بكر اليوم الأحد الموافق 25/7/2021
بعد إزالة الاثار المبدئيه للحريق الذي اندلع ف الفرن المجاوره والتي أدت إلى أضرار بالنوافذ وجاري عمل تجديد شامل للمركز
والدكتور عماد أبو بكر سيتم استئنافه لعمله بعيادته اليوم الاحد الساعه السابعه مساءا

19/08/2020

الحمد لله
لقد رزقني الله بجمال الدين عماد الدين أبو بكر
فاللهم اجعله خلف صالح بار بأهله واحفظه من كل شر يارب 💙🌹🌸

24/03/2020

نظرا للظروف التي تمر بها البلاد والاضرار الواقعه علينا
قررت أنا الدكتور عماد الدين أبو بكر
-خفض سعر الكشف 30٪ لحين انتهاء الازمه الحاليه
- تغيير ميعاد الكشف على أن يبدأ من الساعه الخامسه مساءا إلى الثامنه مساءا

أقنا الله وإياكم شر هذا الوباء