دكتور أشرف سليمان عيادة المياه البيضاء و الفيمتوليزك و القرنية المخروطية

12/03/2019

دكتور أشرف حسن سليمان
أستاذ طب و جراحة العيون م. طب عين شمس
استشاري جراحات القرنية والمياه البيضاء والزرقاء وتصحيح عيوب الابصار بالليزر
عضو الجمعية الامريكية لعلاج العيون و تصحيح العيون بالليزر
زميل المجلس العالمي لجراحة و طب العيون
زميل الكلية الملكية لطب و جراحات العيون بأنجلترا

للحجز والاستعلام عن مواعيد وأماكن العيادات:
موبايل: 01118982420 - 01223996449 - 01228155553
من خارج مصر: 201118982420+

12/07/2018

03/05/2018

متي تظهر ضرورة ؟
تظهر ضرورة زراعة القرنيه للحالات التاليه :
- إذا لم يتمكن الطبيب من تصحيح النظر بصورة مرضية.
- تورم القرنية المؤلم وفشل محاولات العلاج بالأدوية و الخاصة بذلك.
- فشل القرنية الناتج عن بعض جراحات العين مثل جراحة الكتاراكت.
- ( زيادة تحدب القرنية ).
- فشل القرنية الوراثى.
- تعرج القرنية الناتج من العدوى ( مثل فيروس الهربس).
- رفض الجسم للقرنية بعد جراحة سابقة لزراعتها.
- تجعد القرنية بسبب إصابتها.


للحجز والاستعلام : 01118982420 - 01223996449

03/05/2018

محتار !! مش عارف تعمل #ليزك ولا #فيمتوليزك ؟؟! بيقولك أن الفحوصات الطبية الدقيقة للعين والقرنية و قياس ضغط العين و فحص قاع العين هي أساس اختيار العملية المناسبة لكل حالة وبناءا علي تلك الفحوصات بيتم أختيار أنسب طريقة للحصول علي أعلي دقة للابصار. أتعرف أكتر علي أهمية الفحص الطبي من خلال هذا الفيديو https://goo.gl/fdtpYK

03/05/2018

20/03/2017

شفنا مسميات جديدة لليزك ملهمش أي أساس علمي وعبارة بس عن اسم تسويقي وترويجي لجذب الانتباه ليس إلا ومفيش أي جهاز ليزك في العالم بيعمل حاجة اسمها ألترا ولا سوبر

ولا أي شركة من الـ ٨ شركات المصنعة لأجهزة الليزك في العالم طلعت الاسم ده ولا حتى سجلته تجارياً

وبنشوف كتير وخصومات بالرغم من ارتفاع تكلفة العملية

للأسف الخصم ده خصم على عينيك لأنه مش تقليل في قيمة الربح لكن توفير في المستهلكات على حساب عينيك وعلى حساب نسبة نجاح العملية

العرف الدارج في تخصص طب وجراحة العيون إن المحاسبة على العملية بنظام الباكدج يعني المريض بيعرف تكلفة العملية إجمالية بدون تفاصيل "أجر الجراح وأجر التخدير وحساب المستشفى وتكلفة التشغيل" غير باقي التخصصات إللي بيكون حساب الجراح منفصل عن حساب المستشفى والمريض على علم بذلك

تكلفة عملية #الليزك بتختلف في نوع العملية إللي هتعمله هل هتعمل #ليزك عادي "تقليدي" أو بصمة "تفصيلي" أو

ودي تكلفة تشغيل من الشركة المصنعة للجهاز وسعرها موحد على مستوى العالم بس بتقل أو تزيد من شركة لأخرى

والتكلفة دي بتتحسب بالعين الواحدة وبتكون بالدولار والجهاز مبيشتغلش "سوفت وير لوك Software lock" لو التكلفة دي مش مدفوعة مقدماً عن طريق كروت #البصمة أو كروت الفيمتو إللي زي كروت الـ بتركب في الجهاز وقت التشغيل

ده غير إن في مستهلكات للجهاز نفسه من غازات خاملة "ودي سعرها غالي جداً" وعقود صيانة دورية وقطع غيار وإعادة معايرة re-Calibration لأنظمة توزيع الليزر بالجهاز Tracking system وتغيير رأس الليزر Laser head؛ عشان نضمن إن الجهاز مش هيفوت في نتايجه

ودي كمان بتتدفع بالدولار بعقود سنوية وأي مركز مجبر يعملها عشان الجهاز يشتغل عشان ال "سوفت وير لوك Software lock" ليه مدة معينة وعدد محدد من الحالات
كل ده غير تكلفة القاطع المعدني micro-keratome إللي المفروض بيتغير بين كل الحالات ومينفعش يُستخدم لأكتر من مريض واحد لسببين :
- الوقاية من انتقال العدوى "ودي نقطة مهمة جداً"
- إن القاطع متصنع إنه يقطع مرتين "مرة لكل عين" وبعدها بيتلّم وسنه بيخشن وبالتالى لو استُخدم أكتر من مرتين جودة القطع بتقل وبتزيد نسبة حدوث المضاعفات

ده كله تكلفة تشغيل جهاز وتمن القاطع فقط غير مكسب المركز وأجر الجراح

لما نسمع عروض بتصل قيمتها ل (تكلفة العملية + مكسب المركز) فقط من غير أجر الجراح يبقى التوفير مش هيكون في أجر الجراح "لأن مفيش حد بيشتغل ليزك ببلاش" ولا في مكسب المركز "لأن المركز وراه رواتب موظفين وأقساط أجهزة ملزم بيها" ولا في تكلفة تشغيل الجهاز لأنها ثابتة من الشركة المصنعة للجهاز وبتزيد مع زيادة سعر الدولار "والشركة مش هتجامل مركز ولا دكتور ولا عيان في الأسعار"

بل للأسف بيكون التوفير في حاجتين : اختيار نوع عملية الليزك وتوفير في المستهلكات المستخدمة لكل عين .. إزاي ؟!!

أولاً : القاطع المعدني لو استُخدم ٤ مرات لعدد ٤ عيون لمريضين مختلفين فقد تم توفير ٥٠٪‏ من قيمة القاطع ده غير إن في أماكن بتستخدم القاطع لغاية ما يتلّم عالآخر لعدد ١٠ عيون يبقى دفع للعين الواحدة ١٠٪‏ من قيمة القاطع وإنت وحظك تكون العين رقم ١ ولا رقم ١٠

ثانياً : التوفير في نوع عملية الليزك إللي هتعملها يعني لو العين محتاجة ليزك بصمة وكرت البصمة كرت غالي "وبيحاسب على العين الواحدة بالدولار" يبقى هيتعمل لعينيك ليزك عادي وهي محتاجة بصمة وبالتالي جودة الإبصار بعد العملية هتقل عن النسبة المتوقعة وبنسبة كبيرة هتحتاج تعيد العملية بجهاز بصمة محترم "ده لو نفع تتعاد بعد إعادة الفحوصات"

ونفس الحاجة في الفيمتو ليزك بيتقال إن العرض على الفيمتو ومفيش أصلاً جهاز فيمتو ليزر في المركز ويتعمل ليزك عادي على إنه فيمتو ليزك وتكلفة الفيمتو بتكون ضعف تكلفة الليزك العادي "ده غير إن العين ممكن تحتاج بصمة مع الفيمتو"

ثالثاً : في مراكز ودكاترة أهم حاجة عندهم إن الحالة تتعمل عشان الفلوس وإن الزبون ميطيرش من تحت إيديهم؛ يعني لو عينك مينفعلهاش ليزك ولا الفحوصات تسمح بالعملية برضو هتتعملك العملية مع ناس مش مهم عندهم غير الفلوس من ورا عينيك
- طيب في ناس عملت الليزك في العروض دي ومشيت كويس ونجحت العملية ؟!!
إزاي ؟!!

أي عملية في كل مجالات الطب ليها نسبة نجاح ونسبة مضاعفات معروفة وواردة الحدوث ومكتوبه في كل المراجع الطبية في كل التخصصات والنسب دي اتكتبت بعد أخذ كل الاحتياطات Precautions لزيادة نسبة النجاح وتقليل نسبة الفشل أو حدوث المضاعفات ومن الاحتياطات دي :

اختيار المريض المناسب للعملية الذي تسمح فحوصاته بالعملية، استخدام مستهلكات جديدة لكل مريض، عمل النوع المناسب من الليزك

اما الأماكن إللي بتعمل عروض فهي بتراهن وبتقامر على عينيك وعلى نسبة نجاح أقل من النسب الطبيعية المتوقعة والمذكورة في كل مراجع طب وجراحات العيون العالمية؛ يعني لما تدخل عملية نسبة نجاحها أكتر من ٩٥٪‏ ولا تدخل نفس العملية ونسبة النجاح ٨٠٪‏ عشان سعر أقل
"يعني بتزود نسبة حدوث المضاعفات ٤-٥ أضعاف من ٥٪‏ ل ٢٠٪‏"

مش بس كده العروض كمان بتراهن على العدد يعني على سبيل المثال :

لو عملنا ١٠٠ عملية نجح منهم ٨٠ عملية وحصلت مضاعفات ل ٢٠ عملية
هيتقال إن المركز أو الدكتور عمل ٨٠ عملية ناجحة والعمليات الفاشلة نسبتها ٢٠٪‏ بس ولو أحد المرضى حصله مضاعفات وجه يعيب في المركز أو الدكتور هيتقاله شوف كام واحد غيرك خارج مبسوط من عندنا والمشكلة في عينيك ..
أو إنت إللي ما التزمتش بتعليمات الدكتور وروشتة العلاج .. وفي الآخر ده نصيبك ...

لكن الطبيعي إن نسبة النجاح تكون أعلى وتصل لأكتر من ٩٥٪‏ يعني في كل ١٠٠ حالة ٥ حالات أو أقل تحدث فيهم مضاعفات

عشان كده بنقولك ومش لازم تعمل ليزك لو ظروفك متسمحش
وإنت عينك مش بتتحسب بالفلوس ولا تقدر بثمن

واختار دكتور كويس إنت عارفه مش أي حد بيشتغل في مراكز العروض
لأن عروض التوفير بتكون سياسة مركز بيقبل يوفر في المستهلكات مش بس دكتور

ومفيش مركز محترم بيقبل إن دكتور يشتغل بأسعار العروض حتى لو ببلاش

12/03/2017

تابعونا علي صقحتنا الرسمية
https://www.facebook.com/DR.AshrafSolimanEyeClinic/

أ.د أشرف حسن سليمان
دكتور عيون متخصص في جراحات القرنية والمياه البيضاء وتصحيح عيوب الابصار بالليزك في مصر.

26/07/2016

17/06/2016

هدفنا الوحيد هو #صحتك ...
زيادة الوعي الطبي للمرضي حول عمليات هي هدفنا الرئيسي لانشاء هذه الصفحة ، نظرا لما رأيناه في الفترة الاخيرة من نتائج استغلال المرضي بهدف تجاري نتيجة عمل عمليات غير مناسبة للمريض بهدف تحصيل الاموال و عدم الاعتماد علي فحوصات طبية دقيقة للوقوف علي أفضل طريقة لتصحيح الابصار بدون التسبب في مشاكل اخري فيما بعد ... والذي يدفع الثمن هو المريض وحده
لذلك لزم التوضيح لسيادتكم ان هدف الصفحة ليس تحديد انسب عملية لكل مريض يقوم بارسال الفحوصات لنا علي صفحتنا ... و ذلك لانه لا يمكن تحديد انسب علاج للمريض بدون فحصه فحص طبي مباشر في العيادة لتحديد المشكلة و مقاسات النظر و قياس ضغط العين و فحص قاع العين وعمل تخطيط سطح القرنية ... للوقوف علي المشكلة التي يعاني منها و أنسب طرق للعلاج و مناقشتها مع #المريض و مناقشة احتمالات كل طريقة منها و التفاصيل الخاصه بها مع الطبيب
لذلك نرجو من سيادتكم التفهم ان ارسال الفحوصات الخاصة بكم لا يفيد في تحديد انسب عملية لحالتك ... لان الفحص الطبي وحده الذي يحدد ذلك
و الحمد لله ان نسبة الوعي الطبي للمرضي قد ازداد في الفترة الاخيرة و نرجوا ان نكون عند حسن ظنكم دائما و نقدم لكم كل ما يفيدكم و نشر الوعي الصحي لمرضي العيون .
شكرا لكم علي ثقتكم

21/03/2016