غادة مظلوم - Ghada Mazloum

غادة مظلوم - Ghada Mazloum استشارى علاقات اسرية و خبير تربوى

للحجز و الاستعلام عن الاستشارات ، رجاء التواصل علي واتس اب
👇
https://wa.link/n9haq6

12/08/2026

لو حاسس بحاجز نفسي بينك و بين طريقك و هدفك (الفيديو ده ليك) #يوتيوب
(الرابط أول تعليق)

كل مرة تحصل مشكلة . يقول:«مش عايز أتكلم دلوقتي»وكل مرة تحاول زوجته تفتح باب للكلام .. يقفله بحجة إن الكلام مش هيجيب نتيج...
12/08/2026

كل مرة تحصل مشكلة . يقول:
«مش عايز أتكلم دلوقتي»
وكل مرة تحاول زوجته تفتح باب للكلام .. يقفله بحجة إن الكلام مش هيجيب نتيجة ..
الزوج اللي بيهرب من الحوار… مش بيهرب من المشكلة .. هو بيأجل وقت انفجارها ..
هو شايف إن السكوت بيهدي الدنيا…
وهي شايفة إن سكوته معناه إنه مش فارق معاه ..
لكن الحقيقة إن المشاكل الزوجية اللي ما بتتحلش بالكلام .. مش بتختفي…
هي بتغيّر مكانها ...
وقتها المشكلة بتخرج من مساحة الحوار وتدخل القلب ..
تتراكم الزعلات .. وتتسع المسافات .. ويبدأ الدفء يقل واحدة واحدة…
لحد ما يتحول الخلاف إلى برود ..
والبرود إلى نفور ..
والنفور إلى فقدان احترام ..
وبعدها ممكن يوصل الطرفين لمرحلة يسألوا فيها نفسهم :

«إحنا وصلنا لكده إزاي؟»
الحوار بين الزوجين مش معناه إن كل واحد لازم يكسب النقاش ..
ولا إن كل مشكلة لازم تتحل في لحظتها ..
أحيانًا الحوار معناه بس إنك تقول:
«أنا متضايق… بس مش عايز أسيب المسافة بينا تكبر.»
الزواج مش محتاج إنكم ما تختلفوش…
الزواج محتاج إنكم تعرفوا ترجعوا لبعض بعد الاختلاف ..
الحوار مش رفاهية في العلاقة…
الحوار هو الصيانة اللي بتحافظ على الزواج قبل ما يحتاج إصلاح.

الآن علي #يوتيوب (الرابط أول تعليق)
11/08/2026

الآن علي #يوتيوب
(الرابط أول تعليق)

11/08/2026

📌إذا أردت التعرف على حقيقة شخص أكرمه ..
فاذا كان كريماً ستجده ينتهز كل فرصة ليرد لك ما فعلته
معه بأي طريقة ..
اما إذا كان لئيما فبكل بساطة سوف
يعتبر كل كرمك حق مكتسب ومفروض عليك
ويطمع في أكثر ..
واذا توقفت عن العطاء فستقابل منه
نكران جحود و قلة أصل✨

11/08/2026

📌 :

الضحايا لا يشنون حملات تشويه السمعة .. النرجسيون هم من يفعلون ذلك ...
هذه القاعدة تخليك تفرق بين #الضحية و #النرجسي ..

العيوب تصلحها الأيام أما خبث النفوس فيفضحه الزمن
11/08/2026

العيوب تصلحها الأيام
أما خبث النفوس فيفضحه الزمن

📌جملة قالتها ست مغفلة…وآمن بيها رجال ممسوخين الرجولة…وتداولها المجتمع وكأنها قول حكيم …«الراجل ما يعيبوش غير جيبه.»والن...
10/08/2026

📌جملة قالتها ست مغفلة…
وآمن بيها رجال ممسوخين الرجولة…
وتداولها المجتمع وكأنها قول حكيم …
«الراجل ما يعيبوش غير جيبه.»
والنتيجة؟
بيوت كتير اتخربت ..
لأننا اختزلنا الرجولة في الفلوس ..
وقلنا إن طول ما الراجل بيصرف… يبقى راجل .. حتى لو كان بيهين .. أو يخون .. أو يظلم .. أو يهدم نفسية مراته وولاده ..أو عديم المسؤولية… فهو «راجل»..
وكأن الفلوس أصبحت صك غفران لكل عيب ..
المشكلة مش في الجملة بس…
المشكلة في كل راجل صدّقها ..
واستخدم فلوسه كأنها رخصة لسوء الخُلق ..
وفي كل ست صدقتها .. فاختارت «الجيب» ونسيت تسأل عن صاحب الجيب.

لا يا سادة ..
الراجل مش جيبه…
الراجل اللي جواه ..
الفلوس ممكن تعيش بيت… لكنها عمرها ما تبني بيت ..
اللي يبني البيت هو راجل عنده دين وضمير ..
أمان وأمانة ..
مسؤولية ورحمة ..
احترام وقدرة على الاحتواء وقت الخلاف قبل القدرة على الدفع وقت الاحتياج ..
لأن الست ممكن تستحمل ضيق الحال وهي شايفة راجل بيحاول ويجتهد ويصونها…
لكنها هتتعب جدا من راجل جيبه مليان وقلبه فاضي ..
الفلوس تخلي الراجل قادر على الإنفاق…
لكنها لا تجعله قادرا على الحب .. ولا الاحترام .. ولا الاحتواء .. ولا تحمّل المسؤولية ...
الراجل ممكن يكون جيبه على قده…
لكن عنده مروءة .. وضمير .. ورحمة .. وشهامة .. وبيحاول ..
وممكن يكون جيبه مليان…
لكن بيته مليان خوف وإهانة ووجع ..
الراجل مش قيمة اللي في جيبه…
الراجل قيمتة اللي في قلبه وخلقه ومواقفه ..
ويمكن أخطر حاجة عملتها الجملة دي إنها خلت بعض الستات تختار جيب الراجل بدل الراجل نفسه ..
وبعدها نستغرب…
ليه بيوت كتير اتخربت؟


10/08/2026

لمن يريد أن يفهم يعني ايه قوامة و رجولة!!
👇

10/08/2026

📌لا تترك مكانا لك حق التواجُد فيه بسبب شخص يُحاول إزعاجك .. مشكلتك مع مَن يحاول إزعاجك وليست مع المكان .. لذا عليك أن تُهمِّشه وتنبذه أو أن تُصعِّد الأمر معه وتوقفه عند حده إن تطلّب الأمر ..
أما ترك المكان فيعني أنك ستترك كل الأماكن إلى ألَّا يكون لك مكان .. لأن كل الأماكن ستجد فيها مَن لا يقبلك ومَن يُزعجه وجودك ...

#النرجسي لا يجيد بناء العلاقات ..هو يجيد استهلاكها .. #النرجسي لا يهدمك لأنه لا يحتاجك…هو يهدمك لأنه لا يعرف كيف يحافظ ...
10/08/2026

#النرجسي لا يجيد بناء العلاقات ..
هو يجيد استهلاكها ..
#النرجسي لا يهدمك لأنه لا يحتاجك…
هو يهدمك لأنه لا يعرف كيف يحافظ عليك ..

لا يفكر:
«إزاي أحافظ على الشخص ده؟»
لكن تفكيره غالبا بيكون:
«إيه اللي أقدر آخده منه دلوقتي؟»
عشان كده .. ممكن تلاقيه بيستهلك مشاعر شريكه .. ووقته .. وطاقته .. وصبره… لحد ما الشخص اللي كان يوما مصدر أمان واحتواء .. يتحول لإنسان مرهق .. شاكك في نفسه .. ومش عارف هو غلط في إيه ..

والأصعب؟
إن النرجسي كثيرا ما يسيء قراءة الصفات الجميلة ..
♦️كرمك يراه سذاجة ..
♦️تسامحك يراه ضعفا ..
♦️حسن ظنك يراه فرصة ..
♦️صبرك يراه قابلية للاستغلال ..

لأنه ببساطة لا يرى الناس كما هم …
بل يراهم من خلال منظومته هو ..

الشخص السوي لما يلاقي حد بيحبه ويحتويه بيفكر في الحفاظ عليه ..

أما #النرجسي فقد يفكر في كيفية الحصول على المزيد منه ..
وهنا المشكلة الأكبر:
هو لا يفكر في ثمن ما يفعله على المدى البعيد ..

عايز السيطرة الآن ..
الاهتمام الآن ..
الإعجاب الآن ..
التنازل الآن ..
حتى لو كان المقابل بعد فترة هو فقدان الشخص نفسه ..
ولهذا قد يصل النرجسي في النهاية إلى لحظة غريبة جدا:
ينظر حوله…
فلا يجد نفس الناس ..
الناس اللي كانت بتستحمله تعبت ..
اللي كانت بتبرر له فهمت ..
اللي كانت بتدي بلا حساب بدأت تحط حدود ..
واللي كان يظن أنه لن يتركه… تركه فعلا ..

وهنا لازم نفهم حاجة مهمة ..
مش كل شخص بيؤذيك يستحق إنك تفضل تحاول تفهمه ..
أحيانا الوعي مش إنك تعرف ليه هو بيعمل كده …
#الوعي إنك تعرف إمتى تتوقف عن السماح له إنه يعمله فيك ..
لأن طيبتك مش دعوة للاستنزاف ..
وتسامحك مش تصريح بالتجاوز ..
وحبك مش عقد يلزمك بالبقاء في علاقة بتكسرك ..

#النجاة من العلاقة النرجسية لا تبدأ عندما يتغير النرجسي…
بل عندما تتغير أنت في طريقة رؤيتك لما يحدث ..
وتفهم أخيرا إن إنقاذ نفسك مش قسوة…
دي عودة للفطرة السليمة.

Address

Cairo

Telephone

+201094447016

Website

Alerts

Be the first to know and let us send you an email when غادة مظلوم - Ghada Mazloum posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to غادة مظلوم - Ghada Mazloum:

Shortcuts

Share

Category