عيادات د/ محمد عماره الهواري لجراحة الاعصاب والعمود الفقري - NeuroExperts

14/09/2026

🚨 اتخبطت في رأسك والصداع بدأ بعدها؟

الصداع الجديد بعد إصابة في الرأس ماينفعش نتجاهله، خصوصًا لو كان شديدًا أو بيزيد مع الوقت.

⛔وانتبه لو صاحبه:

🔴 قيء متكرر
🔴 دوخة شديدة أو اضطراب في الوعي
🔴 نعاس غير معتاد أو ارتباك
🔴 ضعف أو تنميل
🔴 تشنج أو فقدان للوعي

⚠️ ظهور أي من العلامات دي بعد إصابة الرأس يستدعي تقييما طبيًا عاجلًا 🧠

10/09/2026

🚨 الكلام اتلخبط؟ أو رؤيتك اتغيرت فجأة؟

مش كل مرة يكون السبب إرهاق أو ضغط…
⛔ظهور الأعراض دي بشكل مفاجئ ممكن يكون علامة تستدعي تقييمًا طبيًا عاجلًا

انتبه لو ظهر فجأة:
🔴 صعوبة أو اضطراب في الكلام أو النطق.
🔴 زغللة أو ازدواجية أو فقدان مفاجئ في الرؤية.
🔴 صعوبة في فهم الكلام أو التعبير عنه.
🔴 تنميل أو ضعف مفاجئ في الوجه أو الذراع أو الساق.
🔴 دوخة شديدة أو فقدان مفاجئ للتوازن.

⚠️ لو الأعراض ظهرت فجأة، ما تستناش إنها تروح لوحدها. استشيرنا فورا

خليك منتبه لإشارات جسمك… لأن الوقت مهم. 🧠

06/09/2026

22/08/2026

حاسس إن في "رباط مشدود" جامد حوالين راسك؟ 🧠💥

ده مش صداع عادي، ولا صداع نصفي.. ده الصداع التوتري!

النوع ده بتعمله ضغوط الحياة، القعدة الطويلة قدام الشاشات، وتشنج عضلات الرقبة والكتفين.. تحس كأن راسك مربوطة بحبل مشدود ومش قادر ترتاح! 😣

💡 وقت النوبة.. افصل شوية:
1️⃣ قلل التوتر: خد نفس عميق وافصل عن الضغط.
2️⃣ سيب الشاشة: قوم اتحرك وابعد عن الموبايل أو اللابتوب.
3️⃣ مساج خفيف: تدليك خفيف للرقبة والأكتاف يفك الشد العضلي.

✨ افتكر دايماً: خفّف الأسباب.. التوتر بيخف معاك!

19/08/2026

بتحس بـ "زنّ" أو نبض في جانب واحد من راسك؟ ⚡

⛔لو النور بضايقك، والصوت العالي بيكهربك، والصداع مخلّي يومك يوقف.. يبقى ده على الأغلب صداع نصفي.

أول خطوة ف طريق العلاج إننا نفهم الصداع صح.

💡 وقت النوبة:
• خفف الإضاءة.
• ابعد عن الضوضاء.
• ارتاح تماماً.

13/08/2026

❄️ التكييف في عز الحر نعمة… بس مش لو الهوا على رقبتك مباشرة

⛔الهواء البارد المباشر ممكن يسبب أو يزيد (شد وتيبس عضلات الرقبة) عند بعض الناس، خصوصًا مع الجلوس لفترات طويلة.

الحل بسيط: وجّه الهوا لأعلى أو بعيد عن رقبتك، واستمتع بالجو البارد من غير ما تضايق رقبتك. ❤

10/08/2026

🌊 النط في البحر حماس... بس مش كل نطة تستاهل المخاطرة.
قبل ما تنط، اتأكد من عمق الميه وخلو المكان من الصخور أو أي عوائق.

لأن نطة غلط ممكن تأذي رقبتك وعمودك الفقري وتحوّل يوم المصيف لحاجة مش في الحسبان. 💔

🏖️ استمتع بالمصيف... وخلي الحماس محسوب. 👌❤️

06/08/2026

👣 المشي على الرمل من أحلى لحظات المصيف... لكن مش كل رملة زي التانية.🌚

🏖️ الرمل الناعم بيمتص جزءًا من الصدمة أثناء المشي، فبيكون ألطف للمشي الخفيف والاسترخاء.

⚠️ أما الرمل الخشن أو غير المستوي، فبيخلي القدم تبذل مجهود أكبر للحفاظ على التوازن، وده ممكن يزود الحمل على الكاحل والركبة وأسفل الظهر، خاصة لو عندك مشكلة في الغضروف أو آلام مزمنة.

🏖️ استمتع بالمشي...
لكن اسمع جسمك، وخد راحة لو حسيت بأي ألم. ❤