عيادات الدكتور أحمد عزام

عيادات الدكتور أحمد عزام Contact information, map and directions, contact form, opening hours, services, ratings, photos, videos and announcements from عيادات الدكتور أحمد عزام, Doctor, برج جنى ، شارع ال٢٧ ، جوار مسجد سيد المرسلين ، النزهة الجديدة ، محطة بيرتى ، السلام, Cairo.

علاج:

الضغط و السكر و الكوليستيرول و مضاعافتهم ,
إضطرابات الغدة الدرقية,
إلتهاب الأعصاب الطرفية الناتجة عن الأصابة بالسكر,
متابعة و علاج فقر الدم,
متابعة و علاج مرضى حساسية الصدر و إلتهاب الشعب الهوائية, وضع أنظمة غذائية لمرضى السكر و الكوليستيرول

14/04/2026

SGLT2 INHIBITORS 💊

الحمد لله بعد دراسة عام كامل ، محاضرات ، تكليفات ، أبحاث و إمتحانات .حصلت بفضل الله على الدبلومة العربية للرعاية المتكام...
12/04/2026

الحمد لله
بعد دراسة عام كامل ، محاضرات ، تكليفات ، أبحاث و إمتحانات .
حصلت بفضل الله على الدبلومة العربية للرعاية المتكاملة لمرض السكر

المرارة عبارة عن كيس على شكل كمثري طوله حوالى 10سم موجودة على السطح السفلى للكبد , و وظيفتها إنها بتركز العصارة الصفراو...
10/04/2026

المرارة عبارة عن كيس على شكل كمثري طوله حوالى 10سم موجودة على السطح السفلى للكبد , و وظيفتها إنها بتركز العصارة الصفراوية اللى الكبد بيفرزها و لما الشخص بياكل المرارة بتنقبض فالعصارة الصفراوية بتتنقل للأمعاء الدقيقة علشان تهضم الدهون.
المغص المرارى له عدة أسباب لكن 90% من الاسباب دى هى حصوات المرارة .
و من أهم أسباب حصوات المرارة زيادة الوزن , فقدان الوزن بسرعة و بعض أنواع حبوب منع الحمل و أدوية علاج إرتفاع الكوليستيرول
حصوات المرارة بتكون فى الستات أكتر من الرجالة و بيزيد إحتمالها فى الحوامل و كبارالسن.
و المغص المرارى بيحصل لما حصوة تسد القناة المرارية و أعراضه بتكون ألم فى فم المعدة أو الجنب العلوى اليمين من البطن , تحت الضلوع, و بييكون ألم شديد و ثابت يعنى من بيزيد و يقل و ممكن يسمع فى الظهر و الكتف اليمين , الألم غالبا بيبدأ بعد وجبة دسمة و فى معظم الأحيان بيكون بالليل و ساعات بيحصل معاه غثيان و ترجيع.
و لو زادت مدة إنسداد القناة المرارية عن 6 ساعات بيحصل إلتهاب فى المرارة

و للوقاية من حصوات المرارة مهم نحافظ على وزن صحى لأن زيادة الوزن بتزود إحتمال الإصابة بيها , نقلل الدهون و السبايسى , و الى بيعمل دايت يقلل وزنةه ببط لأن نقص الوزن بسرعة ممكن يعمل حصوات المرارة, نقص الوزن ميزيدش عن ½كيلو - كيلو فى الأسبوع.
و المغص المرارى بيتعالج بالمسكنات زى ديكلوفيناك و أدوية للقئ زى دومبريدون و أدوية للمعدة زى أوميبرازول.
و لو حصل إلتهاب فى المرارة فالمريض بيحتاج يدخل المستشفى و ياخد محاليل فى الوريد و مسكنات و لو فيه إرتفاع فى الحرارة أو خلايا الدم للبيضاء مرتفعة بياخد مضادات حيوية.
و الحل الفعال لحصوات المرارة هو إزالة المرارة و العملية دى بسيطة جدا و فى الأغلب بتكون بالمنظار عن طريق فتحة صغيرة .

المسكنات أنواع كتيرة و بتختلف فى قدرتها فى القضاء على الألم .عندنا مثلا الباراسيتامول و دى مادة آمنة إلى حد كبير لكن لو ...
08/04/2026

المسكنات أنواع كتيرة و بتختلف فى قدرتها فى القضاء على الألم .
عندنا مثلا الباراسيتامول و دى مادة آمنة إلى حد كبير لكن لو جرعتها زادت عن 7.5 - 10 جرام بتسبب تسمم للكبد و فشل كبدى حاد .
و بالنسبة لمضادات الإتهابات غير الستيرويدية زى الديكلوفيناك و الإيبوبروفين و الأندوميثازين و غيرها
المجموعة دى إستخدامها من غير إستشارة الطبيب أو زيادة جرعتها او تناولها على معدة فاضية ممكن يسبب قرحة المعدة و الأخطر إنها بتأدى لأمراض الكلى فى الناس اللى عندها سكر أو ضغط و ممكن يوصل لفشل كلوى .

07/04/2026

تابع سلسلة أدوية السكر 🔻

05/04/2026

إحجز كشفك دلوقتي!
مع الدكتور أحمد حسن عزام 🥼
إستشاري الباطنة والسكر والغدد الصماء 🩺

عيادة مدينتي:
مدينتي
ايست هب ميديكال سنتر
مبنى ١٧ الدور الارضي عياده ج ٨

https://maps.app.goo.gl/tkQEWehEQbXZct6Y7?g_st=awb

المواعيد:

الثلاثاء من ٨ إلى ١٠
الخميس من ٢.٣٠ إلى ٤.٣٠

📞أرقام التواصل:
0221897235
01032115777
010 50737618

02/04/2026

سلسلة أدوية السكر الجزء الثالث

منظمة الصحة العالمية عملت إحصائيات أظهرت وفاة 5 ملايين شخص بسبب التدخين فى 2003 و 6 مليون فى 2011 و متوقع إن عدد الوفيات...
31/03/2026

منظمة الصحة العالمية عملت إحصائيات أظهرت وفاة 5 ملايين شخص بسبب التدخين فى 2003 و 6 مليون فى 2011 و متوقع إن عدد الوفيات بسبب التدخين سنة 2030 هيوصل 8 مليون

بعض أضرار التدخين:
1- معصية لله عز و جل
2- الإصابة بأمراض القلب، كالجلطات والسكتات.
3-الإصابة بتصلّب الشرايين وارتفاع ضغط الدم.
4- يُعتبر التدخين من أكثر المسببات للأمراض السرطانيّة وخاصّةً سرطان الرئة.
5- التدخين من أبرز العادات التي تؤدي إلى الإصابة بأمراض الجهاز التنفسيّ، كالربو، والسعال المزمن.
6- لا تقتصر أضرار التدخين فقط على القلب والشرايين والجهاز التنفسيّ، بل إنها امتدت إلى الجهاز الهضميّ، فهو من أكثر الأمور التي تضرّ المعدة، وتسبب لها العديد من المشاكل أبرزها قرحة المعدة، إذ نجد المدخنين هم أكثر الأشخاص المصابين بقرحة المعدة.
7- التدخين من أكثر الأسباب المؤديّة إلى الشيخوخة المبكّرة.

الدهون الثلاثية نوع من الدهون اللى موجودة فى الدم , لما بناكل الجسم بيحول السعرات الحرارية الزايدة لدهون ثلاثية بتتخزن ف...
31/03/2026

الدهون الثلاثية نوع من الدهون اللى موجودة فى الدم , لما بناكل الجسم بيحول السعرات الحرارية الزايدة لدهون ثلاثية بتتخزن فى الخلايا الدهنية و لما الجسم بيحتاج طاقة بعد كدة بيستخدمها.
لكن لو كنا بناكل أكتر من السعرات الحرارية اللى بنحتاجها لطاقة الجسم خصوصا الأكل الى فيه نسبة كربوهيدرات عالية , فى الحالة دى الدهون الثلاثية بتزيد فى الدم.
إرتفاع الدهون الثلاثية له أسباب كتير , من أهمها:
1-السمنة و زيادة الدهون و السكريات
2- قلة النشاط البدنى و عدم ممارسة الرياضة
3- مرض السكر خصوصا من النوع التانى : تظبيط السكر بيقلل الدهون الثلاثية بدرجة كبيرة
4- كسل الغدة الدرقية : بيزود الدهون الثلاثية و كمان الكوليستيرول الضار أو LDL.
5- بعض أمراض الكلى زى إرتفاع البولينا و إلتهاب الكلى-
6- فى الحمل ممكن تزيد الدهون الثلاثية فى ال3 شهور الأخيرة
7- بعض الأمراض المناعية زى الذئبة الحمراء
8- فيه ادوية بتزود الدهون الثلاثية زى الكورتيزون , حبوب منع الحمل اللى فيها استروجين بس , مدرات البول بجرعات عالية , أيزوترينتوين و بيستخدم فى علاج حب الشباب
9- شرب الكحوليات

الصداع التوترى هوأكتر أنواع الصداع اللى موجودة و ممكن يسبب ألم بسيط أو شديد فى الراس و الرقبة و ورا العين , و المريض بيح...
29/03/2026

الصداع التوترى هوأكتر أنواع الصداع اللى موجودة و ممكن يسبب ألم بسيط أو شديد فى الراس و الرقبة و ورا العين , و المريض بيحس كأن فيه حزام ضيق حوالين راسه.
الصداع التوترى مؤلم لكن مش مضر يعنى ملوش مضاعفات , معظم الحالات مبتكونش مستمرة , يعنى بتيجى و تروح فى أوقات متفرقة و مبيأثرش على ممارسة الحياة الطبيعية مش بيصحيك من النوم ومش بيخليك تغيب عن شغلك
الأسباب
مع أن اسمة الصداع التوترى لكن مش بالضرورة يكون سببه التوتر او الإجهاد , صحيح إن التوتر و الإجهاد أكتر مسبب له لكن فيه أسباب تانيه كتير زى :
1- إنك تقعد فى وضع مش مريح فى البيت أو الشغل أو و أنت سايق
2- القراءة لفترة طويلة
3- اإنك تتعرض لاصوات عالية أو اضواء ساطعة
4- شد عضلات الراس و الرقبة
5- الإجهاد و الإكتئاب و القلق النفسى
6- قلة النشاط البدنى
7- وجود مشاكل فى الفم و الاسنان زى إلتهاب مفصل الفك و الشد على الفكين و صرير الاسنان أثناء النوم

Address

برج جنى ، شارع ال٢٧ ، جوار مسجد سيد المرسلين ، النزهة الجديدة ، محطة بيرتى ، السلام
Cairo
REHERH

Website

Alerts

Be the first to know and let us send you an email when عيادات الدكتور أحمد عزام posts news and promotions. Your email address will not be used for any other purpose, and you can unsubscribe at any time.

Shortcuts

Share

Category