Allergy care Egypt

13/03/2019

ليه الحالات زادت ؟؟؟!!!

دايما بنتسأل كتير عن أسباب زياده الحالات مؤخرا ، هل هي زياده حقيقية ولا زياده الوعي و تطور أدوات التشخيص؟

البحث ده (انتشار حساسية الأطعمه و الحساسية الصدريه بين الأطفال المولودة قيصريا{ طارئه أو مخططه} مقارنة بالمولودين ولاده طبيعيه)

في أجابه جزء من السؤال

https://www.medscape.com/viewarticle/908706?src=wnl_edit_tpal&uac=238365ET&impID=1906280&faf=1

23/02/2019

One of the FAQ at our clinic

Are you an avid dog person, but suffer from dog allergy? Well, you are not alone in your misfortune. According to studies, about 10% of the people in the US are allergic to pets. Thankfully, there are some dog breeds which are considered more suitable for homes where there are…

22/02/2019

Better Together: Connecting Families and Doctors to Understand FPIES By Cara Salazar “I think it’s FPIES.” When the allergy doctor uttered those words, it was the first time my husband and I ever heard the phrase “FPIES.” Our 22-month-old son was seeing an allergist for symptoms ranging fr...

17/10/2018

الرأي النهائي للجمعيه الأمريكية لأمراض الحساسيه و الربو و المناعه حتي لحظه كتابة هذه السطور :

العلاج الوحيد المعتمد من هيئه الأغذية و العقاقير الأمريكية لحساسيه اللبن البقري هو الأمتناع التام عن التعرض لبروتين اللبن البقري.
و تحضير خطه للطوارئ في حاله تناوله عن طريق الخطأ.

29/09/2018

Allergy care is a specialized pediatric cow milk protien allergy - food allergy unit that clinically assess, test, diagnose and treat allergies.
management of an allergic disorder requires accurate diagnosis of the triggers or allergens which cause the condition. Allergy Care provides List of services to solve this agonizing problem.

Stay Tuned ....

29/09/2018

The Mommy Club

Allergy care is now on the mommy club with 15% discount on consultations
The Mommy Club

29/09/2018

Inside City Clinic Medical Park Premier unit 165
Telephone: 01002833332

14/07/2018

حساسية بروتين اللبن البقري الحلقه (3)
"من كواليس مؤتمر جنيف"

إيه إلي ممكن يحصل لو ما منعتش؟

السؤال من أهم الأسئله الي بتواجهنا كل يوم في العياده لو أبني أو بنتي عندهم حساسيه ألبان و أنا قررت ما أمنعش هيحصل حاجة و النبي ما هيحصل حاجه 😊😊؟!

أنا هجاوب على السؤال ده أجابه مباشرة و أجابه غير مباشرة.

* الأجابه المباشرة :

- أفتكري الأعراض الرئيسية الي ودتك للدكتور و الي خليته يشخص ابنك أو بنتك أنه حساسيه ألبان، ببساطه لو ما منعتيش الأعراض دي هتستمر و مش هتروح و بالعكس ممكن تزيد و تتطور (الحساسيه الجلديه، و الدم و المخاطر الي في البراز ، و حساسية الأنف و الصدر، و فقدان الوزن و عدم القدرة على النمو و الإسهال أو الامساك و العياط المتواصل) و طبعا في مضاعفات للأعراض دي إنت ممكن ما تشوفهاش بعينك زي أنيميا نقص الحديد نتيجه الفقدان المستمر للدم في البراز (مش لازم يكون ملاحظ ممكن يبقى دم مختفي).

* الأجابه الغير مباشرة :
لو ما منعناش في مشاكل كتير بتحصل على المدى البعيد و للأسف معظم الناس ما بتربطهاش بعدم المنع مع العلم إنه بيبقى السبب المباشر فيها على سبيل المثال

- زياده احتمالية التعرض للعدوي و الأمراض المختلفه في العموم.

- تأثر القدرات المعرفية و الإدراكيه للطفل و قدرته على الإبداع.

- تأثر قدرات التواصل و الكلام و التطور الحركي العضلي في الطفل

- تأثر معامل الذكاء.

- الأطفال دي علي سن سنتين طولهم و وزنهم بيتأثر بشده و بالتبعية بيأثر على دراستهم و قدرتهم على اجتياز الاختبارات.

- وزن الأطفال دي علي سن سنتان بيبقي قليل مقارنة بطولهم و علي سن 11 سنه العكس بيحصل ممكن وزنهم يبقي زياده مقارنة بطولهم و ده ممكن يؤدي لإمراض الشرايين التاجيه بعد كده لا قدر الله.

- استمرارية التهاب الأمعاء نتيجه عدم المنع بتؤدي لصعوبة امتصاص المواد الغذائية المختلفة.

- لو استمر عدم المنع فتره بتقابلنى مشكله خطيره جدا و هي صعوبة إقناع الطفل بالاكل نظرا لإرتباط الاكل في عقله الباطن بالمغص و الغازات و الألم و المشكلة دي ممكن تستمر حتى بعد المنع نظرا لتحولها لحاله نفسية (بالبلدي هيربط الاكل بالالم فمش هيعوز ياكل حتى بعد المنع). و ده بيبقي سبب الشكوى المتكررة بتاعه حتى بعد ما منعت يا دكتور الولد رافض الاكل.

طب بعد النكد و سده النفس إلى انا تسببت فيها بالكلام ده ما فيش أي حاجه تشجع الأمهات و تديهم دفعه للأمام
آه طبعا أخيرا و ليس أخرا:

مش كل حالات حساسية الألبان (سواء المعتمدة علي الأجسام المضادة من النوع إي أو الغير معتمده) بتحتاج منع و قرار المنع خاضع تماما لرؤية الدكتور المعالج.

أشوفكم قريب على خير بإذن الله و بوست جديد نجاوب بيه على تساؤلتكم.

06/07/2018

حساسيه اللبن البقري الحلقه (2)
" من كواليس مؤتمر جنيف 2018"

* تحديات حساسيه الألبان و الأعباء الي بيواجهها الطفل المصاب و المحيطين بيه.

دراسات كتير أثبتت حجم العبإ الي بيقع علي العيله الي فيها طفل متشخص بحساسية بروتين اللبن البقري و كالعاده هقولكم على شويه أرقام :

- 45 في الميه من الاطفال المصابه بتعاني من صعوبات النوم ، 37 في الميه بيعانوا من العياط المتواصل 41 في الميه بيعانوا من المغص و الام البطن.

- من اكتر الأمور الي الأهل أتأثروا بيها الأجهاد الشديد و الأرهاق المتواصل بسبب قلة النوم.

- 55.7 في الميه من الأهل بيعانوا من ضغط نفسي و قلق مرضي علي صحه أطفالهم ، 33 في الميه من الأبهات أشتكوا من مشاكل في شغلهم مرتبطه بمشكله أطفالهم الصحيه.

- 36.2 في الميه من الأهل ما كانوش عارفين يستمتعوا بحياتهم مع بعض و 28 في الميه كان عندهم أحساس بالتقصير تجاه أطفالهم التانيين الي ما بيعانوش من الحساسيه نتيجه انشغالهم بعلاج الطفل المريض.

- ده بخلاف العبإ المادي نتيجه التكاليف الي بيتحملها الأهل من قيمه الكشوفات و التحاليل و فوق كل ده تكاليف اتباع نظام غذائي مناسب و سعر الألبان المخصصه للحساسيه .

- التشخيص المبكر و بداية العلاج بأسرع وقت تعتبر ضرورة و أولويه قصوى للأطفال المصابه لتلافي التداعيات و المشاكل الصحية و النفسيه المترتبة.

من الاخر ربنا يكون في عون الأهل دول لإنهم محطوطين تحت ضغوط نفسيه و إجتماعية و ماديه لا يمكن احتمالها.

البوست الجاي هجاوب علي سؤال مهم إيه إلي يحصل لو كنا محتاجين نمنع و ما منعناش ؟؟

30/06/2018

حساسيه اللبن البقري
"من كواليس مؤتمر جنيف 2018"
الحلقة ١

صباح الخير و كل سنه و انتم طيبين أتمنى ليكم أجازه سعيده بإذن الله .

كنت بحضر المؤتمر السنوي للجمعيه الأوروبية لأمراض الجهاز الهضمي و الكبد و التغذية في الأطفال في جنيف أنا و مجموعه من الزملاء من مصر.

المؤتمر السنه دي كان فيه اهتمام واضح بموضوع حساسيه الطعام عامه و حساسية بروتين اللبن البقري خاصه.

أنا هاحاول الخص أهم النقط الي طلعنا بيها من المؤتمر ده في الكام بوست الي جايين عشان بوست واحد مش كفاية.

البوست رقم (1) أرقام و إحصائيات

أولا : هل فعلا عدد حالات حساسية الطعام و الألبان زايده مؤخرا ولا الموضوع إشاعات و أي كلام ؟

آه فعلا عدد الحالات في زياده مرعبه. إحنا دلوقتي نعتبر في عز الموجة التانيه من إعتبار الحساسيه الوباء الأكثر إنتشارا في العالم كله ،الموجة الأولانيه ابتدت في 1980 و التانيه ابتدت في 2007 .

طب نتكلم عن أرقام و أحصائيات أكتر
(للعلم الأحصائيات دي اتعملت في أنجلترا الي بعتبرها واحده من أحسن دول العالم في الخدمات الطبية)

* في أنجلترا الطفل المصاب بحساسية الإلبان بيبتدي الدكاتره يشكوا فيه بعد تقريبا 3 شهور و نص من أول مره يشتكي فيها ، و في خلال الفترة دي بيكون زار الدكتور مش أقل من أربع خمس زيارات.

* 42 في الميه من العيال دول قعد في قايمة الأنتظار علي الأقل 3 شهور قبل ما يعرف يوصل لأستشاري حساسيه أو جهاز هضمي في الأطفال و خلال الفتره دي مش مسموحله إنه يشوف دكتور غير الممارس عام.

* 10 في الميه بس من الأطفال دي بيقدر يوصل لأخصائي تغذية عشان ياخد بايده و يقوله تاكل ايه و ما تاكلش ايه.

عندي طفله مصابه بحساسية متعددة كانت بتابع معانا في allergy Care ظروفها إضطرتها إنها تهاجر كندا أول ميعاد عرفت تاخده من اخصائى الحساسية بعد 3 شهور!!!!

يعني بالبلدي الموضوع منتشر و تشخيصه مش سهل و محتاج وقت و زيارات متكررة لإثبات التشخيص و وضع خطة العلاج ، ده مش دور برد للأسف هيتلم في روشته .

البوستات الجايه هنناقش فيها الآتي :
- تحديات تشخيص و علاج حساسيه الألبان
- العبأ الواقع علي الفرد و العيله الي فيها طفل مصاب بحساسية الألبان.
- المنع هل هو ضرورة في كل الحالات ولا مش لازم.
- ايه الي هيحصل لو ما منعناش ؟؟

أشوفكم على خير الأسبوع الجاي بإذن الله

29/04/2018

محاضرة دكتور محمد غندور عن حساسية الأطفال
Part 6

29/04/2018

Allergy Diagnosis Journey
محاضرة دكتور محمد غندور
Part 6