LEAD your Life - spiritual coach and energy healer

12/08/2026

**الحوار المؤذى**

المتلاعب لا يعتذر حين يتسبب فى اذيتك
و لكن يمارس عليك أساليب التلاعب..

بعض العبارات على لسان النرجسي :

** أنا عارف انى عملت كذا
لكن الظاهر انت نسيت انت كمان عملت ايه

هنا النرجسى يحاول ان يشتتك بإلقاء اللوم عليك
و كانك سبب تصرفه الغلط بدل ما يتحمل
مسؤليه غلطه

** أنا ممكن اكون عملت كذا
لكن أنا انسان طيب و مسالم بطبعى

هنا النرجسى يخفف و يبسط من تأثير غلطه و يربط
بين صفتين متضاتين (البساطه و الحق فى الايذاء) ، أسلوب متلاعب يلخبطك و يؤدى لعدم التركيز على الغلط بل على كونه إنسان طيب .. الغرض هنا تمرير الغلط

** أنا بتصرف طبيعى زى كل الناس
انت اللى مختلف او معندكش خبره

هنا النرجسي يقلل منك و من ثقتك فى حكمك
على المواقف كبديل لاعترافه انه غلط

** أنا عملت كذا و جيت على نفسى فى كذا
و الان انت لا تقدر على فعل كذا لى

هنا النرجسى يستخدم المساومة و يحسسك بالذنب
و التقصير لرفضك الانسياق لمطالبة بغرض اضعافك
و إجبارك على التخلى عن موقفك

كلها بعض من الأساليب
التى يستخدمها اى مسئ
بغرض اضعاف الطرف الاخر
و إجباره على تقبل موقف او وضع مؤذى له
عن طريق تمرير الموقف ده
و اختراق الحدود الصحيه
و اضعاف خطوتك الدفاعيه عن قيمك

طبعا مع باقى الاسلابيب الشهيره مثل التقليل من ذاتك
و الاساءه اللفظيه و التجاهل و الصمت العقابى و غيره

Nazli El Said
LEAD your Life - spiritual coach and energy healer
WhatsApp
01010602702
🤍🤍🤍

11/08/2026

تخيلوا ان كلمه او موقف او تصرف ،
قد ايه ممكن يجرح

علميا المخ بيحتاج من ٦ الى ٨ شهور علشان يقدر يلتأم و يسامح و يرجع زى ما كان

قد ايه تأثير الكلمه ممكن يكون مدمر على الروح و الاحساس و العقل

بشويه تركيز مع شويه حب و اهتمام ممكن نحمى احبابنا من وجع و جرح جايز يكون غير مقصود

مش كل الناس تقدر تستحمل الوجع و لو استحملت شويه ممكن ما تقدرش لفتره طويله و بتكون النتيجه مؤسفه
يا إما انهيار و دوا و علاج او انفصال او انسحاب للمشاعر

اختيار الكلمات مهم جدا، بلاش سياسه ما هما فاهمين انا قصدى ايه... اتعب نفسك شويه و اختار الكلمات المناسبه و اللى تحس انها هتوصل قصدك صح بدون جروح ولا وجع

هما كمان لو عملوا كده هيبسطونا و يحافظوا علينا و نعيش كلنا فى مجتمع آمن مافيهوش وجع مشاعر و لا تعب احساس

خلينا إيجابيين و ننشر الطاقه الإيجابية لكل اللى حوالينا
حرام نزعل حد بكلمه و احنا فى ايدنا اننا نسعده

الكلمه ممكن تهدم و ممكن تبنى و تداوى و ده اختيارنا

يالا نركز و نهتم و نحافظ على بعض اكتر علشان نقرب من بعض اكتر و نسعد بعض رد جه اكتر 💜💜 💜

Nazli El Said
LEAD your Life - spiritual coach and energy healer / Cheen Academy

09/08/2026

*** قانون الكارما

تصرفاتك لها مردود و نتايج
التصرفات الجيده حتما تودى الى نتايج جيده

* عامل الاخرين كما تود ان يعاملوك
* اجعل كل قراراتك و تعاملاتك مبنيه على اساس اخلاقى
* ازرع الاخلاص و الطيبه فى تعاملاتك اليوميه


LEAD your Life - spiritual coach and energy healer / Cheen Academy

08/08/2026

هقولك على كام حاجه تخسر بيها اى حد بيحبك وتنهى اى علاقه بسرعه

دخل دول بينكم ... الاهانه، الاهمال، الضمان، التردد

الاهانه .. يعنى الايذاء النفسى و الجسدي يعنى انت مش مهم عندى لانك فيك حاجات ناقصه و انا مش متقبلك زى ما انت ( على اساس انى انا اللى تمام يبقى اقيمك واعمل نفسى بقومك)

الاهمال .. يعنى انت مش مهم عندى فوجودك مش بيفرق لى الا بمزاجى.. اعطيك بس البواقى منى

الضمان .. يعنى انت كده كده موجود مهما انا ما اديتكش وضعك .. هتروح فين !

التردد .. يعنى تصرفاتى مش ثابته على نغمه لانى انا مش متاكد من قيمتك عندى، انت غالى و لا مش فارق .. استنى معك و امشى ..اتعب لك واقدرك ولا اطنشك ...سخن ساقع

07/08/2026

يا تقبل ... يا ما تقبلش

اللحظه اللى بتعدى من عمرك مش هترجع..
عيش حياتك زى ما انت تحب انك تعيشها ..
لو مش عجباك غير فيها لغايه ما تعجبك
ما تلومش حد ان عمرك ضاع لانه كان باختيارك
اللى متضايق و مأذى من حاجه بيغيرها
الا اذا كانت الفايده اكبر من الاذى
يبقى نتقبل الباكدج على بعضها

العقبات ما هى الا اعذار و حجج بنخلقها
علشان نطمن نفسنا و نفضل فى منطقه الراحه
( اللى هى مش راحه لكن ركود) و اتعودنا علي اذاها
مخك بيخوفك و بيقولك اللى نعرفه احسن
من اللى منعرفهوش ( اللى هو بره منطقه الركود)
مين اللى قال!

الفكره فكره تقبل ..
يا نقبل حياتنا و نعيشها
زى ما هى بدون شكوى
يا نغيرها علشان تكون مقبوله لنا

اذا كنت بتقبل بقليلك زمان
كفايه زمان و خليك فى دلوقتى
لحسن دلوقتى هيبقى هو كمان زمان

31/07/2026

الحب و الاحتواء و اهميه التعبير ❤️

Enjoy the videos and music you love, upload original content, and share it all with friends, family, and the world on YouTube.

30/07/2026

علاقه علاقاتك بتطورك

اما تختار علاقه
اختار اللى يفكرك باحسن نسخه فيك
خليك مع اللى مصمم انك تكون افضل ما عندك
امسك فى اللى مراهن عليك انك تقدر تعدى جراحك
اللى دايما بيحفزك انك تنجح و ان دايما عندك اكتر
اللى رافض انك تستمر بنسختك الغير واعيه

ابعد عن اللى بيمدحك و عايزك مستكفي و محدود
اللى شايفك خلاص كده وصلت لسقف قدراتك
و تطورك و بيصقف لك
اللى بيوهمك انك كويس كده زى ما انت و خلاص

اللحظه اللى هترضى فيها عن نفسك
هتكون لحظه الثبات و لحظه الثبات دى..
هى بدايه النزول
طول ما بتشتغل على نفسك هتعلى و تتطور
هتقدر تسعد نفسك و تسعد شريكك
اول ما تقول أنا كده تمام ، هتبقى زى الحصان
اللى وقف وسط السباق

خليك عارف .. انت دايما عندك اكتر
انت دايما تقدر تكون افضل و افضل نسخه منك
هو ده الاختبار اللى انت محتاج تعديه

جاور السعيد تسعد
جاور الغنى تتغنى
و اياك من المنافقين .. خليك واعى

زمان قالوها .. اختار الجار قبل الدار
اختار التطور مش الرحرحه.. تكون دايما حكيم
🌟🌟🌟

Nazli El Said
احجز جلستك الان
⁨010 10602702⁩

25/07/2026

تقدر تخرج من القفص؟

الواقع اللى بنعيشه
هو صوره من اللى مخنا فاهمه و مصدقه

اللى بيفضل طول حياته يلف جوه نفس الدايره
هو لسه مخه مش شايف غير حدود الدايره دى

العصفوره اللى جت الدنيا لقت نفسها جوه قفص
ما تعرفش ان فى شجر و جناين بره
هى ما تعرفش ان فى عالم تانى
لانها ما شافتش و لا مخها ادرك
ان ممكن يكون فى بعد تانى غير القفص ده

كمان اللى يتولد فى دايره سلبيه
حوله ناس سلبيين او قاسيين
كأنه اتولد جوه قفص

لكن الخبر الكويس
ان القفص ده مش قفص حقيقى
و لا مقفول فعلا و لا اصلا حديد
هو قفص بابه معمول من
الأفكار والمُعتقدات و الاوهام
اللى اتفرضت علينا من المجتمع السلبى
علشان كده مش لازم نصدق ولا نستسلم
لانها حياتنا و عادى ممكن نغيرها

لكن العصفوره محتاجه تعلى ادراكها
و تعى انها هى اللى لسه مختاره
تفضل فى هذا الواقع (القفص)
لما قررت الإستسلام وعدم النهوض

الإستسلام للدايره بيخلى الإنسان
ما يفهمش غير فى حدود الدايره دى
الفقيره بالمعلومات
واللى هى اصلا بتغذى الفكر السلبى

لكن الوعى بقى...
هو رحله البحث عن الذات
وبذل مجهود علشان التطور
و يفتح الإدراك ويوسع أفق الرؤية
ويكسر باب القفص الوهمى
اللى حبس الإنسان نفسه فيه بمزاجه
جوه سجن أفكاره وعقله

علشان نخرج من الدايره
لازم نتحمل مسؤولية استسلامنا لفتره طويله
واننا ما حاولناش نغير حياتنا

التغيير مش بيكون اننا نلوم الدايره و اللى جواها
و لا نقعد و نستنى معجزة لتغييره
بالعكس اول ما نتحمُل المسؤولية
ونفهم حقيقة أن الدايره
مجرد إنعكاس لافكارنا المحدودة مشاعرنا السلبية هنفهم و نطور العقل وقُدراته
و تتفكك جدران المحدودية
و نبدا نشوف العالم من زاويه تانيه
و نتاكد أن الحياة الله سخرها لنا
و نقدر ناخد اللى يعجبنا كله
بس احنا اللى صدقنا اننا ما نقدرش
و حبسنا نفسنا بنفسنا
جوه الدايره و حدود العقل

اذا كانت الدايره مش ملائمه لك
تأكد أنك أنت السبب
لأنك تركت الحياة الكاملة
ولم تتحرر وإستسلمت للأسر
وتأكد أن المشكلة ليست فى الدايره لكن جواك

يالا نقرر دلوقتى مش بكره
نغير الأفكار من جوانا
يتفكك المُحيط اللى بره ويتغير
ما تُحاولش تغيير المحيط
و تتخانق معه( هو ولا يفرق له)

الاول .. نغير فكرنا و نظرتنا لقدرتنا
و نتغلب على سلبيتنا
هنبدأ من جوه مش من بره

ممكن يكون مش ذنبنا اننا اتولدنا جوه القفص
لكن حقنا و مسؤليتنا نخرج منه

Lots of love
Nazli 🤍

24/07/2026

كورس # انت تستحق تعيش كويس

"LEAD YOUR LIFE PURPOSE"
Life changing program

هل بتحس بأنك متوقف؟
عندك المسؤوليات كتير؟
منتظر دائمًا الوقت المناسب / الشخص المناسب لإنقاذك؟
طاقتك منخفضة ،معندكش دافع علشان تبدا؟
التسويف هو شعارك الحالى؟
قلقان من رأى الناس/مستنى موافقتهم علشان تتغير؟

يبقى.. لازم نتحرر
تتواصل مع قوتك الحقيقية
تستعد لولاده جديده
و انسى بقى كل اللى اتعلمناه و احبطنا

هنبدأ حياتنا كانها حياه جديده علينا

بنجهز لكم... تجربه هتاخد حياتنا لنقله تانيه

حياه انت اللى بتديريها مش هى اللى بتتحكم فيك

هنفهم الحياه كما ينبغى ان تكون

ايوه...
هنتعلم ازاى ترجع تثق فى بنفسك
و تحقق غايتك و اهدافك فى الحياه

"LEAD YOUR LIFE PURPOSE"

Do u feel stuck ?
Too many responsibilities ?
Always waiting for the right time/ person to save you?
Low in energy , no motive ?
procrastination is your motto ?

You need to be FREE
Unleash your real powers
Unlearn all that you learnt and hindering you

Let's start as fresh as new
Ready for your re-birth?

Coming soon... the life changing course

"LEAD YOUR LIFE PURPOSE"

Understand how life should feel like
And .. Yes ..
Learn how to trust yourself and
manifest your life purpose

22/07/2026

**اذاى اهذب الايجو؟

التعامل مع الإيجو بطريقة صحيحة،
يمكن أن يساعد في تحقيق التوازن النفسي
وتحسين العلاقات مع الآخرين

بعض الصور (الطرق) للتعامل مع الإيجو:

1. الوعي بالذات (Self-Awareness)
راقب أفكارك ومشاعرك دون حكم.
تعرّف على دوافعك الخفية (مثل الرغبة في السيطرة، الخوف من النقد، الحاجة للاستحسان).
اسأل نفسك: "هل تصرفاتي نابعة من حاجتي الحقيقية أم من رغبة إثبات ذاتي؟"

2. التواضع (Humility)
تقبّل أنك لست كاملاً وأن الأخطاء جزء من التعلّم.
اعترف بجهلك في بعض المجالات
واطلب المساعدة عند الحاجة.
تجنّب التباهي أو فرض آرائك على الآخرين.

3. السيطرة على الحساسية المفرطة:
لا تأخذ النقد بشكل شخصي، بل كفرصة للنمو.
تذكّر أن آراء الآخرين لا تُحدد قيمتك الحقيقية.
مارس تمارين التأمل لتهدئة الأفكار المتضخمة عن الذات.

4. التركيز على التعاطف (Empathy)
ضع نفسك مكان الآخرين لفهم مشاعرهم.
استمع أكثر مما تتحدث، وحاول أن تشارك بدلاً من أن تفرض.
امدح الآخرين بصدق واعترف بإنجازاتهم.

5. تحويل الإيجو إلى طاقة إيجابية
استخدم طموحك لتحقيق أهداف بنّاءة (مثل التطوير المهني، الإبداع، مساعدة الآخرين).
حوّل المنافسة مع الآخرين إلى منافسة مع ذاتك
(كيف تكون أفضل من أمس؟).

6. التخلّي عن الحاجة للسيطرة
تقبّل أن لا شيء يمكن التحكم فيه بالكامل.
تعلّم فن التفويض والثقة بالآخرين.
ركّز على ما يمكنك تغييره (ردود فعلك، جهودك).

7. المزاح مع الذات
اضحك على أخطائك أو مواقفك المحرجة
لتخفيف حدة الإيجو.
هذا يُظهر ثقة بالنفس ويجعلك أكثر قرباً من الآخرين.

8. ممارسة العطاء
ساعد الآخرين دون انتظار مقابل،
فهذا يُقلل من تركيزك على ذاتك.
المشاركة في أعمال تطوعية جماعيه
تُذكّرك بأن العالم لا يدور حولك فقط.

9. الابتعاد عن المقارنة
توقّف عن مقارنة نفسك بالآخرين
(في المال، الشهرة، الإنجازات).
ركّز على مسارك الفريد ونقاط قوتك.

10. التأمل والروحانيات
مارس التأمل أو الصلاة لتذكير نفسك
بأنك جزء من شيء أكبر.
هذب نفسك و اتبع الممارسات التى تُقلّل من أهمية الأنا

تذكر:-
"الإيجو ليس سوى وهم يخدعك بالاعتقاد أنك منفصل عن البقية، بينما الحقيقة أننا جميعاً متصلون."

كما اتفقنا.. الهدف ليس قتل الإيجو تماماً
(فهو ضروري للثقة بالنفس)، بل تحويله من عدو
إلى حليف يساعدك على العيش بتناغم مع نفسك والآخرين.

Nazli El Said
LEAD your Life - spiritual coach and energy healer / Cheen Academy