عيادات الطب النفسي المتكامل I.P.C

  • Home
  • Egypt
  • Cairo
  • عيادات الطب النفسي المتكامل I.P.C

عيادات الطب النفسي المتكامل I.P.C عيادات الطب النفسي المتكاملة هي محاولة لتقديم خدمة طب نفسي متخصصة من خلال أطباء متخصصين بمواعيد مستقل

عيادات الطب النفسي المتكاملة هي محاولة لتقديم خدمة طب نفسي متخصصة من خلال أطباء متخصصين بمواعيد مستقلة للتخصصات الفرعية بالطب النفسي وأهمها
- طب نفسي الأطفال و المراهقين.
- طب نفسي الإدمان و علاجاته.
- طب نفسي المسنين.
- العلاج الأسري و الزواجي.
- العلاجات الجماعية و المجموعات العلاجية الجماعية.
- الإرشاد النفسي و المهني و الحياتي.

وذلك من خلال مجموعة من الأطباء و الإخصائيين النفسيين المدربين وذوي سنوات طويلة من الخبرة كل في مجال تخصصه الفرعي.

وذلك تحت إشراف السادة الأطباء المؤسسين
د/ أحمد أبوالوفا
أخصائي الطب النفسي و طب نفسي الأطفال و المراهقين.
د/ إسلام إبراهيم
أخصائي الطب النفسي و طب نفسي الإدمان وعلاجاته.
أ/ عبده حماد
أخصائي نفسي الإدمان وعلاجاته.
أ/ علاء عبدالهادي
أخصائي نفسي القياسات النفسية و العلاجات النفسية.

31/07/2018

مشروع التوعية النفسية باللغة العربية - بالعربي مشروع مستقل يهدف إلي إنتاج محتوي فيديو متخصص للتوعية النفسية باللغة العربية الموجة الرابعة - مرض الفصام (Schiz...

11/05/2017

الازمه هتعدي هتعدي لكن إنسانيتك اللي فقدتها بتخليك عن مبادئك مش هترجع
#حاول

11/05/2017

تعشم حد و تخذله او تخلي بيه اكبر خطيئة ومايفرقش قاصد ولا لأ، فكر قبل ماتوعد
#حاول

11/05/2017

النية الأصلية، وقت الفعل، مش بعده.

11/05/2017

الحياه هي انك تعيش و تشارك حياتك بحلوها و مُرها مع اللي بتحبهم
#حاول

11/05/2017

متدفعنيش إختياراتك

11/05/2017

قال: الجوع ممكن يعمل في أي حد أي حاجة، المهم إنه ميكسرش نفسه.

11/05/2017

قاعد بتتفرج علي انهيار العلاقه و مستني المعجزة، الحل بإيدك يا تحاول يا تبعد
#حاول

11/05/2017

قالت: عارف الناس اللي بتحارب وكل مشاكلهم إنهم مش عارفين يخرجوا من الcomfort zone؟؟
أنا: أه.
قالت: أنا بقي أصلا نفسي ألاقي comfort zone.

10/05/2017

بوست طويل تنظيري--- هو أنا ينفع أبقي مدمن شخص ما؟؟!! --- إدمان البني آدمين وفي مقولة أخري بحبه يا ماما
--------------------------------------------
عشان نجاوب السؤال ده محتاجين شوية تعريفات أساسية و في النص بعد شوية سؤال مهم.
1- يعني إيه ثواب، مكافأة أو جائزة REWARD؟
الثواب في اللغة، هو أي شئ يعطي أو يمنح في مقابل فعل آخر عادة جيد ولكن لا يشترط ذلك.
2- يعني إيه متعة Pleasure؟
المتعة في اللغة هي الإنبساط، الراحة أو الشعور بالرضا.
3- يعني إيه تعلم Learning؟
التعلم في اللغة هو النشاط أو العملية التي تؤدي إلي إكتساب المعلومات أو المهارات من خلال التعليم، الممارسة أو الخبرة الحياتية.

خلصنا التعريفات، لزمتهم إيه بقي، أقلك أنا، علم النفس بيقول إن التعلم و ده حاجة غير التعليم، التعلم ده هو اللي بيحدد كل السلوكيات و الأفعال و أحيانا المشاعر، و إن التعلم ده لا يشترط كونه عملية واعية، يعني ممكن يحصل و إنت مش واخد بالك، زي مثلا عملية تعلم اللغة لدي الأطفال.

التعلم عشان يحصل و يكون مستمر ده محتاج ثواب، الثواب غالبا ومش دايما بيكون متعة داخلية زي الرضا عن الذات أو الفخر، أو متعة خارجية زي الأكل أو الجنس.

في حالة مثال تعلم اللغة لدي الأطفال طفل صغير عايز يتواصل أحسن مع أمه، وسامعها بتقول كلام مش مفهوم بالنسباله، فمخه بيفضل يحاول يقلد الكلام و يفسره و يستخدمه عشان يتواصل معاها بشكل أفضل، كل مرة بيتواصل مع أمه بيحس بمتعة النجاح و القرب من أمه، ده بيمثله ثواب فيبقي عايز يتعلم أكتر و يتكلم أكتر.
النموذج اللي فات نموذج للتعلم فيه فعل جيد، نكمل مع الأطفال، طفل صغير كل ما يعوز حاجة يعيط، فأهله يتأثروا بالعياط ويعملوله اللي هو عايزة، فالطفل اتبسط و جاله ثواب، فبقي مكمل في الفعل السلبي اللي هو العياط لإنه جابله ثواب في صورة إنبساط أو متعة إنه وصل للحاجة اللي هو عايزها، ده نموذج للتعلم فيه اللي اتعلمه فعل أو سلوك سلبي.

هل الطفل بقي واعي بعملية التعلم دي في المثالين؟؟ لأ خالص، عقله مش واعي لكن سلوكة و تصرفاته بتتأثر بعملية التعلم الغير واعية دي.

السؤال المهم بقي، إيه علاقة ده بالإدمان، و إيه اللي بيحصل في المخ عشان أي شخص يبقي مدمن؟
اللي بيحصل في الإدمان، إن الشخص بيتعرض لتجربة ممتعة جدا، غالبا متعة جديدة عليه و مش متعود علي قوتها، فمن خلال جهاز خاص بالثواب إسمه Reward System في المخ، يتعلم إن المثير اللي عمل الإحساس ده هو أكتر حاجة بتبسط فيديله أمر إنه يدور عليها، دي أكتر حاجة هتسعدك إجري وراها، فيفضل الشخص يدور علي نفس المثير ده وبشكل متواصل، بعد شوية مبيبقاش بيبسط زي الأول، بس الشخص بيفضل مكمل عشان مخه إتعلم إن هو ده الإنبساط، بعد شوية المثير ده بيفقد تأثيره تماما لكن الشخص برضه بيفضل يدور علي نفس المثير تجنبا لألم فقد المثير ده، ولما بيفقده فعلا يخش في مرحلة أعراض الإنسحاب اللي هي مش لازم تكون جسدية بس.
بعد شوية من فقد المثير ده (التبطسل إراديا أو بسبب توقف المثير غصب عننا) المخ يخش في مرحلة إسمها اللهفة، الذكريات العاطفية المرتبطة بالمثير ترجع بشدة، تقوله فاكر، ده إنت مش هتتبسط غير كده، ده الحاجة الوحيدة اللي هتجيلك كويسة وما عداها أقل منها بكتير.

هل ده بيحصل في المخدرات بس؟؟!!
الإجابة لأ، بيحصل مع المواد المخدرة، ومع أي سلوك إدماني، اللي هو ممكن يكون الأكل، الإنترنت أو حتي البني آدمين. يعني في شخص ينفع يبقي علاقته بشخص تاني هي عبارة عن إدمان بحت.

طب أهم أعراض الإدمان إيه سواء كان مخدرات أو سلوك أو أشخاص؟؟!!
اللي جاي أهم (مش كل) أعراض الإدمان و أهم واحدة هي عدم القدرة علي التوقف طبعا
1- الإعتمادية علي المثير ده بعينه في الإنبساط.
2- أدور عليه بإيدي وسناني حتي لو هقدم تضحيات مجتمعية زي شكلي قدام الناس أو أضحي بأصحاب وهكذا.
3- أخد مخاطر حقيقية سواء مادية أو جسدية في مقابل الإستمرار في نفس المثير ده.
4- أبتدي أقدم تنازلات مادية، مجتمعية أو أخلاقية في سبيل الإستمرار في نفس المادة، السلوك أو الشخص.
5- أبعد عن أنشطتي العادية و أستني المثير ده بس.
6- أدور علي إني أزود مدة الإنبساط و أزود جرعتي من المخدر، السلوك أو الشخص.
7- لما أحاول أوقف أحس بآلام إنسحاب سواء كانت جسدية أو نفسية.
8- الإنبساط بيقل مع الوقت و برضه بنكمل خوفا من الوجع.
9- إنكار إني عندي مشكلة مع النوع ده من المخدر، السلوك أو الإنبساط.
10- الهوس الشديد بالمخدر، السلوك، الشخص لدرجة إن التفكير فيه بياخد معظم الوقت و المجهود و التفكير.

نيجي بقي للسؤال اللي أنا شخصيا بتسأله تقريبا كل يوم "أنا بحبها/ بحبه و سيبنا بعض و من ساعتها و أنا مش عارف/ عارفة أبطل تفكير فيه وحياتي وقفت، أعمل إيه؟"
أولا: لو فيه سمات الإدمان، يبقي ده مكانش حب أصلا ده كان إدمان و محتاجين نتعامل مع النوع ده من العلاقات علي إنه مؤذي، مؤذي مؤذي.
ثانيا: الأصل في الإدمان زي ما قلنا إن المخ بيتعلم (غلط) إن المثير ده، الشخص ده هو مصدر الإنبساط (المشاعر) الوحيد، محتاجين نقول لمخنا بقي بشكل واعي لأ، في إنبساط تاني، و في مشاعر تانية ممكن تبسطني، ودورك ومجهودك الشخصي في البحث عن الإنبساط و المشاعر.
ثالثا: أهم منطقة في التعامل مع التبطيل بتاع أي إدمان هو التعامل مع اللهفة، اللي في العلاقات بتتسمي "وحشني أوي" "فاكر/ فاكرة كل تفاصيل العلاقة كإني بعيشها وبكررها" المهم التعامل مع ده مهم في منطقتين، الأولانية أوقف تماما الكلام عن الموضوع ده غير مع شخص واحد أو إثنين بالكتير ومش طول الوقت، الثانية إني ماعملش أي فعل أو قرار ليه علاقة بالفعل ده غير بعد الرجوع للشخص أو الإثنين دول (بلغة علاج الإدمان إسمها أفضح الفكرة قبل ما تضغط عليا وتفاجئني و ترجعني أضرب)

رابعا بقي: الحب الحقيقي فيه شوق مش لهفة، فيه سعادة مش إنبساط، قرب مش تعلق، مشاركة مش إعتمادية، إحترام مش تنازلات، وربنا يسترهها علينا.

04/05/2017

يا بخت مين كان جبار خواطر.

04/05/2017

قالت: مينفعش ماما تقولي إن واحد ابن زميلتها عايز يتجوز، طب ما يتجوز وأنا مالي؟؟!!

Address

Cairo

Telephone

+201141055503

Website

Alerts

Be the first to know and let us send you an email when عيادات الطب النفسي المتكامل I.P.C posts news and promotions. Your email address will not be used for any other purpose, and you can unsubscribe at any time.

Shortcuts

Share

Category