01/06/2026
تعرفي متخافيش
متخافيش
لما تتعاملي مع سواق توك توك وتلاقيه قالب خلقته علشان تخافي منه و تدفعي إلي يقولك عليه وخلاص
متخافيش
من سواق المكروباص لما ينعر و يقولك الكنبه ٤ ورا يا ابله والي مش عاجبه ينزل
متخافيش
من الصنايعي لما يعمل حاجه ب١٠ جنيه وعايز قدامها ١٠٠ جنيه ويقولك هو كده وخلاص
متخافيش
من إلي بيعلي صوته لأن محدش بيعلي صوته إلا الجربان وبيتداري ورا صوته العالي
متخافيش
وتسيبي حقك علشان متروحيش تاكلي ف نفسك وتقولي ياريتني رديت وخدت حقي وكان حصل إلي حصل
متخافيش
ث من التحرش ف المواصلات وخلي معاكي دبوس ابره تدخل ف أيده و اسبراي مزيل عرق يترش ف وشه
متخافيش
من إلي بيلعبوا حديد و عضلاتك منفوخه
إحنا معظمنا محترمين ولاد ناس و بنلعب علشان بنحب الرياضه دي وبندمن اللعبه دي و نطلع فيها طاقتنا وغضبنا فيها ونخرج منها فريش و ريلاكس
متخافيش
علي فقدان شئ لأن كله مكتوب من بدايه الخلق إلي هتاخديه والي هتفقديه
دايما قولي قدر الله وما شاء فعل
متخافيش
ترفضي أي شئ مش عاجبك حتي لو مقدرتيش تغيريه يبقي عملتي إلي عليكي و رفضتي الغلط
وحتي لو خايفه من جواكي
اكذبي واظهري إنك مش خايفه للي قدامك
هتلاقي المعامله اختلفت ١٨٠ درجه معاكي
إلي بيخاف بيموت كل يوم ١٠٠ مره
في ست منكسره وست ب١٠٠ راجل
خليكي آنتي إلي ب١٠٠ راجل
