19/08/2026
مش غلط ابدا إننا نحتاج لناس ف حياتنا بأدوار مختلفه ومكانه ع حسب قربهم مننا إنما الغلط لما تختار تحت بند """إحتياجك""" وفقط . وتقبل بالقليل والأقل بس عشان تعيش الحياة اللى ممكن تكون ناقصاك .
متتنازلش ومتقبلش بالفائض لا هيكفيك ولا هيرضي إحتياجك. ولا هيطيب قلبك ويداويه.
"التنازل "خطوة وبعدها متعدش ملوش عدد ودايما مكانك ف خانة المضمون بالنسبة للطرف الاخر .هتقبل باللي يحددهولك ويتكرم به عليك و"لازما حتمااا " تكون مبسوط به .
ليه بقي؟؟؟؟!!! لأنك قبلت تكون ف الدور ده .
أعرف حاجه وخلي عندك يقين بها ودرب عقلك ووعيك دايما
بعد الصبر جبر "وربك عطاؤه ملوش حدود بس ف وقته اللي اختار هولك .
استمتع باللي أنت فيه الآن وعيشه وحب نفسك فيه وطورها واشتغل عليها ورزقك ف الأشخاص جايلك لحد عندك من غير مجهود ولا تضحية ولا بداية أولها وأخرها تنازل
وخسارة. الشارى شارى حتى برمش عينيه قبل جيبه واللي واقف بيتمرجح ع السلم مستنيك أنت إللي توصله أو تقبل بمرجحته شوية هنا وكتيرررررر هنااك
رسالة منى🙏💐
لكل مستقبل جيد بيلاقي نفسه ف الكلام ووصف الحالة
غلووووا نفسك عشان الناس تعاملكم بها وأقبل بس باللي شاريكم أما الباقي فركبهم قطر الساعه سته ذهاب بلاعودة ومعاهم أى ذكريات مؤذية.
مساءكم فل ومعاه حبة ياسمين وعود نعناع اخضر منعنع
تحياتي💚
