Dr.Sara Asaad Clinic - عيادة د.سارة أسعد

29/05/2026

و رجعنا تانى و كل سنة و حضراتكم طيبين 😊

26/05/2026

كل سنة و حضراتكم جميعا بخير و سعادة و أطفالكم دايما فى أفضل حال 😍😍
عيدوا و اتبسطوا و افرحوا و فرحوا أولادكم
" و من يعظم شعائر الله فإنها من تقوى القلوب"
الفرحة بالعيد للأطفال و الكبار و استشعار حكمة الله فى العيد و اننا بناخد عليه أجر عظيم
عيد أضحى مبارك 🐑🐑🐑

25/05/2026

11/05/2026

📚✨ فترة الامتحانات عند الأطفال اليومين دول محتاجة هدوء وتنظيم أكتر من الضغط والعصبية
وده شوية حاجات بسيطة تساعد طفلك يركز ويحفظ بشكل أفضل 👇

🧠 إزاي نزود تركيز الأطفال وقت المذاكرة؟

✅ النوم الكفاية
الطفل اللي بينام كويس تركيزه واستيعابه بيكونوا أحسن بكتير.
يفضل 8–10 ساعات نوم حسب السن 🌙

✅ تقسيم وقت المذاكرة
بدل القعدة الطويلة، نخلي المذاكرة 25–30 دقيقة وبعدها بريك صغير ⏰
ده بيحافظ على التركيز ويقلل الملل.

✅ الأكل الصحي
في أكلات بتساعد المخ يشتغل بكفاءة زي:
🥚 البيض
🥜 المكسرات
🍌 الموز
🐟 السمك
🥛 اللبن
مع شرب مياه كفاية طول اليوم 💧

✅ تقليل المشتتات
📱 التلفون والتليفزيون والألعاب وقت المذاكرة بيقللوا التركيز جدًا،
الأفضل مكان هادي وإضاءة كويسة.

✅ التشجيع أهم من الضغط ❤️
الخوف والتوتر بيخلوا الطفل ينسى أكتر،
لكن التشجيع والكلمة الحلوة بيدوا ثقة وتركيز.

✅ الحركة مهمة
حتى 10 دقائق لعب أو مشي بين المذاكرة يساعدوا على تنشيط المخ والطاقة 🏃‍♂️✨

🌟 أهم حاجة نفتكر إن كل طفل له طريقته وسرعته في التعلم، والمقارنة بتقلل ثقته بنفسه.

ربنا يوفق كل الأطفال ويطمن قلب كل أب وأم 🤍📖

03/05/2026

🌟 نوبات الغضب عند الأطفال.. حاجة طبيعية ولا لازم أقلق؟

كتير من الأمهات بيتفاجئوا إن طفلهم فجأة يبدأ يعيط، يصرخ، يخبط راسه فى الأرض أو الحيطة ، يرمي نفسه على الأرض، أو يزق أي حاجة حواليه… خصوصًا لما نرفض له طلب أو نمنعه من شيء هو عايزه.

🎈 الخبر المطمئن:

ده شيء طبيعي جدًا، وبيحصل مع أغلب الأطفال، وبيكون جزء طبيعي من نموهم وتطورهم.

👶 إمتى بتحصل غالبًا؟

غالبًا من عمر سنة لحد 4 سنين، وبتكون أكتر في سن السنتين والتلات سنين.

🤔 ليه بتحصل؟
لأن طفلك بيكون عايز يعبر عن نفسه ويستقل، لكن لسه مش قادر يوضح مشاعره أو يتحكم فيها بشكل كامل.

💥 شكل نوبة الغضب ممكن يكون:
• عياط شديد
• صريخ
• ركل أو ضرب
• رمي الألعاب أو الأشياء
• إنه يرمي نفسه على الأرض

⏰ وغالبًا بتستمر من كام دقيقة لحد ربع ساعة.

💛 نتعامل معاها إزاي؟
✔️ حافظي على هدوئك
✔️ تأكدي إن طفلك في مكان آمن
✔️ ما تستجيبيش لطلبه وقت النوبة
✔️ تجاهلي السلوك الاستفزازي لو أمكن
✔️ وبعد ما يهدى، امدحيه لما يتصرف بشكل كويس

🚨 إمتى لازم نستشير الطبيب؟

لو النوبات:
• متكررة جدًا أو عنيفة
• بتطول بشكل ملحوظ
• فيها إيذاء لنفسه أو لغيره
• مستمرة بعد سن 5 سنوات

🌷 افتكري دائمًا:
نوبات الغضب مش معناها إن طفلك “شقي” أو إنك مقصرة، دي مجرد مرحلة طبيعية بيتعلم فيها يعبر عن مشاعره ويتحكم فيها.
بالحب والصبر، هتعدي 💕

29/04/2026

🍼 “ابنك كان بيرضع كويس… وفجأة بقى يرفض!”

موقف بيقلق أي أم، لكن في أغلب الأحيان ده بيكون حاجة اسمها
Breastfeeding Strike، أو “إضراب الرضاعة”.

وده معناه إن البيبي يرفض الرضاعة بشكل مفاجئ، رغم إنه كان بيرضع طبيعي قبل كده.
وده شيء مؤقت، ومش معناه أبدًا إنه عايز يتفطم أو ميرضعش طبيعى تانى .

📌 أشهر الأسباب:

• التسنين
• زكام أو انسداد الأنف
• التهاب الأذن
• تغيير في ريحة الأم (عطر أو صابون جديد)
• توتر أو تغيير في الروتين
• أو تجربة ضايقته أثناء الرضاعة زى بُعد الأم المفاجئ عن الطفل أو عدم الاستجابة لاحتياجاته أو موقف سبب توتر و خوف للرضيع.

💡 تتصرفي إزاي؟

🤍 حاولي ترضعيه في مكان هادي
🤍 وقت ما يكون نعسان بيكون أفضل
🤍 حضن أكتر وتلامس مباشر مهم جدا.
🤍 ما تجبريهوش على الرضاعة
🤍 ولو احتجتي، شفطى اللبن للحفاظ على إدراره و ممكن تديه للطفل بالسرنجة أو الكوباية.

⏰ غالبًا بيرجع يرضع طبيعي خلال أيام قليلة.

🚨 لو استمر الرفض، أو لاحظتِ قلة في التبول أو علامات جفاف، لازم تستشيري طبيب الأطفال.
تمام

💛 اطمّني… دي مرحلة مؤقتة، وبتعدي مع الهدوء والصبر.

18/04/2026

⚠️طفل سخن و زوره واجع و قال لمامته أنا رجليا بتوجعنى
علطول نصحوها تعمل تحليل ميكروب سبحى و سرعة ترسيب طلعوا عاليين شوية
علطول اتوصفلها حقنة طويلة المدى كل اسبوعين تلاتة لفترة طويلة جدا ً❌

❌السيناريو ده بنشوفه كتير بس طبعا الحالة بتيجى بعد ما بيحصل كدة
خلينا نصلح الممارسة الخاطئة دى و نوعي الأهالى ازاى نتصرف لو حصل كدة

✅ أولا لازم قبل ما يعمل أى تحليل يكشف عند دكتور الأطفال لأنه بالكشف الطبى بيشوف العلامات اللى المفروض نشخص بيها او على الاقل بترجح انها حمى روماتزمية
العلامات دى معروفة عالميا بإسم خصائص جونز أو
jones criteria
و اللى لازم يكون موجود فيها التهاب بشكل معين فى المفاصل الكبيرة أو التهاب صريح بالقلب أو علامات أخرى الطبيب بيشخصها مع وجود تأكيد تشخيص التهاب حلق بالبكتيريا السبحية

✅ أحيان كتير بيكون الميكروب السبحى عالى بدرجة معينة مع التهاب بالحق ده بيكون موجود مع التهاب الحلق العادى و تحليل الميكروب السبحى ممكن يفضل شوية عالى بالجسم بعد الشفاء و ده اللى بيحدده الدكتور

✅ التشخيص الصح بيوفر على الطفل و الأم اجراءات كتير ممكن يكون ملهاش داعى طبى 🥽

🩺👩‍⚕️الطبيب دوره مهم و حيوى يا ريت يكون رقم واحد فى أى مشكلة طبية حتى لو قال الأمور تمام بتكون فى أمان أكتر
👶🏻🧒👧ربنا يحمى أولادنا جميعا



#توعية

11/04/2026

🌼🐣 شم النسيم وأكل الفسيخ والرنجة… ننتبه لأطفالنا! 🐟

مع احتفالات شم النسيم، كتير مننا بيحب ياكل الفسيخ والرنجة، لكن لازم ناخد بالنا إن الأكلات دي ممكن تكون مش آمنة للأطفال 👶

⚠️ ليه نقلق؟

• الفسيخ ممكن يسبب تسمم خطير (خصوصًا للأطفال) botulism

• الرنجة فيها أملاح عالية مش مناسبة للصغار.

• معدة الطفل حساسة وممكن تتعب بسهولة.

✅ نصايح مهمة:

• منع الفسيخ تمامًا للأطفال.
• ممكن الرنجة بكميات صغيرة للأطفال الأكبر سنًا (بعد استشارة الطبيب).

• قدموا بدائل آمنة زي:

🥚 بيض مسلوق ملون
🥒 خضار طازة
🧀 جبنة خفيفة
🍒فاكهة حلوة.

🚨 امتى نقلق ونروح للدكتور؟

لو الطفل عنده:
• ترجيع مستمر أو إسهال شديد
• خمول أو ضعف عام
• صعوبة في التنفس

📍 ساعتها لازم التوجه للطبيب فورًا

🌷فرحوا أطفالكم خرجوهم فى الجناين و الأماكن المفتوحة و الشمس يلعبوا و يلونوا البيض و يلعبوا و يتبسطوا
🌷 خلو شم النسيم و احتفالات الربيع فرحة وأمان لكل أطفالنا 🌷

09/04/2026

🦠 تحليل جرثومة المعدة طلع إيجابي لطفلك؟! 😳
يبقى لازم علاج فورًا؟

🚫 الاجابة : لا مش بالسرعة دي…

📌 وفقًا لتوصيات
NASPGHAN
وESPGHAN(2023_2024):

❗ مش كل طفل عنده جرثومة المعدة محتاج علاج!

👶 الحقيقة اللي ناس كتير ما تعرفهاش:

في أطفال كتير بيكون عندهم الجرثومة
👉 بدون أي أعراض مهمة
👉 واكتشافها بيكون بالصدفة
و تشخيصها بيكون بالمنظار و أخذ عينة و تحليلها
أما التحاليل الأخرى مش مؤكدة للتشخيص

⚠️ العلاج مش هو الحل
لأن:
• ممكن يزود مقاومة المضادات الحيوية
• ومش هيحسّن الأعراض لو مفيش سبب واضح

✅ نعالج إمتى بس؟
قئ و غثيان بصفة مستمرة ، أنيميا شديدة غير مستجيبة للعلاج و نزول فى الوزن.

• لو في قرحة بالمعدة أو الاثني عشر. تأكيد التشخيص بمنظار المعدة و أخذ عينة و تحليلها .

💡 الخلاصة:
مش كل نتيجة إيجابية = علاج
👩‍⚕️ القرار الصح بيبدأ بتشخيص صح

📍 محتارة؟
تعالي نقيّم الحالة بشكل علمي ونحدد الأفضل لطفلك



#توعية