اكل دمياطى

04/11/2017

مساء الخير عليكم طبعا في ناس كتير طلبت مني طريقه الثوميه ودي طبعا الثوميه السوري الي بتجبوها مع ساندويتشات الشاورما او مع المشويات المقادير 4 معالق كبيره نشا وعليهم كوب ماء ويغلم علي النار لحد متبقي زي المهلبيه ونسبها تبرد خالص عشان لوسخنه هتبوظ مننا ونجبها نحطها في الخﻻط وعليها 4 فصوص توم وعليها رشه ملح وفلفل ابيض ومعلقه صغيره خل وعصره ليمونه وكوب زبادي ونضربهم لمده 10 دقائق عشان تتقل واحنا بنضربها ننزل بكوبايه زيت بس سرسوب يعني حبه بحبه كده عشان نشوف قوامها معانا وممكن تضيفي ميونيز حسب الرغبه وبالهنا

28/10/2017

مساء الفل والياسمين عليكم طبعا في ناس كتير طلبت مني طريقه القرص الفﻻحي هنزلكواالمقادير والطريقة .المقادير كيلو من الدقيق عليهم معلقه صغيره ملح ومعلقتين كبيره سكر وملعقه كبيره خميره بيره وكوبايه سمنه او زبده وعليهم 1/2 كوبايه زيت ونصف كوبايه لبن وزبديه ويفضل لبن رايب وممكن حسب الرغبه تضيفي ريحه كحك او شمر او ينسون وعلي الوجه سمسم او حبه البركه وممكن تعمليها ساده زي منا عمﻻها الطريقه /نضيف علي الكيلو الدقيق الملح والسكر ونسخن السمنه علي الزيت ونضيفها علي الدقيق شرط أساسي ﻻزم تكون السمنه سخنه وسبيها تهدا شويه طبعا عشان اديكي وتبسي العجينه نفس فكره الكحك وبعدين نضيف الخميره مع السكر في حبه ميه دفين ونضفها علي العجين مع حبه ريحه كحك ونعجن لبن رايب او الزبادي مع اللبن ونسبيها تخمر وبعدين نشكلها اقراص وندهن وشها بالفرشه لبن وممكن ترشي حبه البركه وسمسم ووممكن تسبيها ساده حسب الرغبه وندخلها الفرن علي الرف المتوسط وياريت اول متخرج من الفرن نغطيها بفوطه عشان تبقي معانا طريه وبالف هنا

24/10/2017

حبه ديكوريشن لزوم تزويق الاكل

24/10/2017

24/10/2017

وياسﻻم علي الارز المعمر عمايل ايديا وحياه عنيه

24/10/2017

24/10/2017

طبعا يوم الجمعه الي فاتت كان يوم بجد جميل بالنسبالي عشان خطوبه بنت جارتي وطبعا كانوا عاملين بوفيه اكل وعوزيني اساعدهم طبعا مخلصنيش اشوفهم محتاسين وطلعتلهم حبه اكل الحمدلله الحمدلله الحمدلله كفايه ان جارتي قالتلي ربنا يسترك زي مسترتيني قدام الناس وبجد انا فرحانه اني مجهودي دخل الفرحه في قلوب الناس فقلت مش هبخل عليكم بالصور وهنزلهلكم

24/10/2017

دي حاجه كده مدلعه كب كيك المفاجاءت عشان جواه محشي قطع شكوﻻته بس بجد تحفه يﻻ عوزه تعليقاتكم

24/10/2017

ازيكم ياحبايبي بقالي كتير منزلتش حاجه بس جتلكم النهارده وعملت قرص باللبن بس طلعت تحفه يﻻ عوزه اشوف التفاعل عشان انزل مقادير وطريقه كل وصفه الطريقه كيلو دقيق عليخ 2 معلقه كبيره خميره فوريه وعليه نصف معلقه ملح و2 معلقه سكر و1 / 2 كوب سمنه بلدي ومعلقتين قشطه وحبه ريحه كحك او شمر او ينسون وممكن تعمليها ساده زي منا عمﻻها وتعجني بلبن رايب او زبادي او لبن عادي تخاط جميع المقادير وسبيها تخمر نصف ساعة وبعدين كوريها كور صغيره وافرديها قرص وسبيها تخمر تاني نصف ساعة وبعدين دخليها الفرن

16/10/2017

مقادير وطريقه ﻻنشون الفراخ (6 حبات جبنه نستو مكعب مرقه دجاج ملح و فلفل اسود خشن 4 بيضات قطعتين صدور فليه فراخ متقطعه رفيع و نصف معلقه كركم 8معالق كبيره دقيق ونصف كوبايه زيت و معلقه من بهارات الشاورما ) طريقه التحضير توضع جميع المقادير في كبه الخﻻط يتفرموا نضع الخليط في كيس تﻻجه ونخرج الهوا الي جواه ونلفه في ورق استرتش وبعدين في ورق فويل ونقفله من الناحيتين ونكون محضرين ميه بتغلي وفيها ورق لورا وفلفل اسود خشن وملح ونضع الﻻنشون في الميه ونكون حريصين علي غلقه كويس عشان الميه متتخلوش ونصيبه في الميه المغليه لمده 15 دقيقه ونشيله من عالنار نضعه يبرد شويه ونضعه في الثﻻجه لمده 3 ساعات عشان يبرد وبعدين قطعيه شرايح وبالهنا

15/10/2017

ﻻنشون الفراخ ياجماعه اخيرا بعد تجارب كتير الحمدلله طلع زي الجاهز بالظبط يﻻ عوزه اشوف تعليقاتكم عشان انزل المقادير