12/10/2022
السلام عليكم
حابب أنوه عن موضوع مهم اليومين دول :
العدوى منتشره بطريقه بشعه وغالبا مافيش بيت غير وفيه حد تعبان سواء طفل أو كبير هتقولى دى كورونا ولا لأ. هقولك ولا هتفرق معايا المسميات كورونا أو غيره مش هتفرق كل اللى هيفرق معانا أننا تنجب العدوى قدر المستطاع
ازاى؟!
نتبع التعليمات الوقائيه الطبيعيه (النضافه الشخصيه) البعد والتباعد عن المصابين .ابنك بدأ يتعب بلاش حضانه بلاش مدرسه.انت تعبانه رضعيه وانت لابسه كمامه.ابوه تعبان ينام بعيد عنه . ابن عمه تعبان بلاش يبوسه (بلاش بوس خالص) ومش معنى أننا نلبس كمامه ان فيه كارثه بالعكس احنا بنحمى نفسنا وبنحمى ولادنا.
*** فيه فرق بين العدوى الفيروسيه اللى منتشره اليومين دول زى النار ف الهشيم ودى الأفضل فيها أننا نعالج العرض سواء سخونيه ،رشح ،كحه خفيفه ،صداع والعزله تمام عن الأخرين.
أما النوع التانى من التعب وهو
** العدوى البكتيرية ف الجهاز التنفسى:
نزلات شعبيه والتهاب رئوى ودى فعلا اللى تخوف وماتزعلش لما تكلم الدكتور بتاعك وبقولك لأ دى عايزه كشف اليوم بيفرق كتير فيها وللمره المليون بلاش الرعب من الجلسات مش ادمان ولا هنتعود عليها
**واخيرا أطفال الحساسيه
مافيش حل غير الجلسات والبخاخات والوقايه .
ل رفع المناعه
الأكل الصحى والبعد عن المواد الحافظه
فيتامين سى
فيتامين د
سانسوميون
برونكوفاكسوم .
دمتم آمنين
