17/05/2026
📌 النزلات المعوية عند الأطفال – إمتى نقلق وإزاي نتصرف؟
النزلة المعوية من أكتر الحاجات اللي بتجيلنا في المواسم دي، وبتكون غالبًا بسبب فيروس.
🔹 الأعراض:
قئ أو ترجيع
إسهال (ممكن يبقى مائي ومتكرر)
مغص
أحيانًا حرارة بسيطة
فقدان شهية
🔹 أخطر حاجة بنخاف منها؟ ⚠️ الجفاف
علامات الجفاف:
عطش شديد
قلة التبول
جفاف اللسان
خمول
دموع قليلة أثناء العياط
🔹 العلاج الصح: ✅ أهم حاجة تعويض السوائل
محلول الجفاف (ORS) هو الأساس
يتاخد على رشفات صغيرة ومتكررة
✅ الرضاعة الطبيعية تكمل عادي
✅ الأكل الخفيف يرجع تدريجيًا (رز – بطاطس – جزر – تفاح)
🚫 بلاش:
مضاد حيوي من غير داعي
أدوية توقف الإسهال بدون استشارة
المشروبات الغازية أو العصاير الثقيلة
🔹 إمتى لازم نكشف فورًا؟
لو الطفل أقل من 6 شهور
قيء مستمر ومش قادر يحتفظ بأي سوائل
دم في البراز
خمول شديد
علامات جفاف واضحة
💙 أغلب النزلات المعوية بتتحسن خلال 3–5 أيام مع الرعاية الصح.
