Dr. Ehab Fakharany - د. إيهاب الفخراني

07/05/2026

رجعنا نستقبلكم من جديد

بدء العمل بالعيادة من يوم السبت
الحجز مع د. إيهاب الفخراني بالحجز المسبق عن طريق رسائل الصفحة او الواتساب

استقبال وطوارئ أطفال 24 ساعة
تواجد أطباء أطفال على مدار اليوم
مرور استشاريين يوميًا على الحالات
خدمة الواتساب متاحة 24 ساعة

العنوان: مستشفى الفخراني الطبي التخصصي، الدور الأول - ادفينا - طريق رشيد - المحمودية.
📞 للحجز والاستفسار: 01030060034

11/01/2026

21/12/2025

🚨 موقف خطير ومحتاج تصرّف صح
لو طفلك بلع أي مادة منظفة… دقيقة واحدة غلط ممكن تفرق في حياته.

📢 انشر المعلومة دي يمكن تنقذ طفل.

سواء كانت
كلور، كلوريكس، فنيك، صودا كاوية، بوتاس أو أي منظف منزلي
الموضوع مش بسيط والتصرف العشوائي ممكن يضاعف الخطر.

🔴 أول حاجة وأهم حاجة: ممنوع القيء تمامًا
ما تحاولش:

تديه ميه بملح

لبن مع بيض

أو أي طريقة تخليه يرجّع

❗السبب؟
لأن المادة الكاوية هتطلع تاني وتعدّي على الفم والمريء وتعمل حروق أشد،
وممكن تدخل على الرئة وتسبب التهاب رئوي خطير.

🟢 التصرف الصح فورًا:
👉 ادّي الطفل كمية صغيرة جدًا من اللبن (حوالي فنجان واحد فقط)

مش ميه

ومش كمية كبيرة

ليه؟
علشان نقلل تأثير المادة، ومن غير ما نسبب قيء.

🌬️ خليه في مكان مفتوح وفيه هواء نضيف
ده بيساعده يتنفس كويس خصوصًا لو المادة ليها أبخرة.

👕 لو المادة لمست هدومه أو جسمه

شيل الهدوم فورًا

اغسل الجلد كويس
علشان تمنع استمرار الحرق أو التهيج.

👁️ لو المادة وصلت للعين

اغسل العين بمية جارية 15 دقيقة كاملة
حتى لو الطفل بيتألم الغسيل هنا ضروري جدًا لحماية العين.

🚑 وأهم خطوة
اتحرك فورًا لأقرب مركز سموم
وخد معاك عبوة المادة اللي الطفل بلعها،
علشان الفريق الطبي يعرف النوع ويتعامل بسرعة ودقة.

🤲 شارك البوست وساهم معانا في التوعية
معلومة واحدة صح ممكن تنقذ حياة طفل.

العنوان: مستشفى الفخراني الطبي التخصصي، الدور الأول - ادفينا - طريق رشيد - المحمودية.
📞 للحجز والاستفسار: 01030060034

19/12/2025

خليكوا معانا, عشان في مفاجأة جاية وقريباً ان شاء الله هنعلن عنها

إنتظرونا
د/إيهاب الفخراني

19/12/2025

جمعة مباركة عليكم جميعًا ✨

في نهاية كل أسبوع، بنحب نفتكرّكم وندعيلكم من قلوبنا…

اللهم لملم شتات امرنا وارزقنا الرضا بكل أمر قدرته لنا وعلق قلوبنا برجائك وامنع رجاءنا عمن سواك يا غياث المستغيثين.

واجعلها جمعة خير وبركة على كل بيت، وكل طفل، وكل أب وأم.
ربنا يحفظ أولادكم ويطمن قلوبكم دايمًا يا رب. 🤍

د/ايهاب الفخراني

17/12/2025

حكاية بطل – إسمه محمد 🦸‍♂️

حكاية النهارده عن كارثة المضادات الحيوية

محمد جالنا العيادة في حالة صعبة جدًا.
عينه كانت وارمة، حرارته عالية، وعنده ضيق واضح في التنفس.

قبل ما يوصل لنا، محمد كان بياخد أكتر من مضاد حيوي قوي، عن طريق الوريد، من غير تشخيص واضح، على أمل إن الأعراض تهدى.
لكن اللي حصل كان العكس تمامًا.

كل جرعة مضاد حيوي كانت بتدهور حالته أكتر، وتزود الأعراض بدل ما تخف.
المضاد بدل ما يكون علاج، بقى سبب في زيادة المشكلة ومضاعفات خطيرة.

أول خطوة عملناها كانت التقييم الصح.
قررنا نعرف السبب الحقيقي للتعب قبل أي علاج،
وعملنا Respiratory PCR Panel
وهو تحليل فيروسات الجهاز التنفسي بتقنية PCR،
اللي بيدينا تشخيص دقيق وواضح في وقت سريع.

النتيجة كانت حاسمة:
محمد كان مصاب بعدوى فيروسية من نوع Adenovirus،
يعني مكانش محتاج أي مضادات حيوية من الأساس.

في اللحظة دي وقفنا المضاد الحيوي فورًا، وبدأنا العلاج المناسب لحالته.
وفورا الاعراض بدات تختفي وبدا التحسن يظهر :
الحرارة نزلت، التورم قل، والتنفس اتحسّن بشكل واضح.

اللي حصل مع محمد مثال حقيقي على كارثة استخدام المضادات الحيوية بدون داعي،
وقد إيه التشخيص الدقيق بيفرق في حياة طفل،
وإن العلاج الصح يبدأ دايمًا بمعرفة السبب، مش بالتجربة.

ليه بنحذّر من المضادات الحيوية؟

لأن استخدامها الغلط:

مش بيعالج الفيروسات

ممكن يزوّد الأعراض بدل ما يقللها

يرهق جسم الطفل ويضعف مناعته

ويعمل مقاومة بكتيرية تخلي العلاج بعد كده أصعب وأخطر

العنوان: مستشفى الفخراني الطبي التخصصي، الدور الأول - ادفينا - طريق رشيد - المحمودية.
📞 للحجز والاستفسار: 01030060034

16/12/2025

اتقو الله في اطفالكو 🙏🏻🙏🏻

12/12/2025

شهادتكم دي هي الي بتكبر فينا الإحساس برسالتنا.
ربنا يحفظ أولادكم ويطمن قلب كل أم وأب. 🤍

د/ إيهاب الفخراني

11/12/2025

✨ جمعة مباركة عليكم جميعًا ✨
في نهاية كل أسبوع، بنحب نفتكرّكم وندعيلكم من قلوبنا…
اللهم اجعلها جمعة تشرح فيها الصدور، وتصلح فيها الأمور، وتكتب لنا ولكم فيها راحة بال وسعادة.
واجعلها جمعة خير وبركة على كل بيت، وكل طفل، وكل أب وأم.
ربنا يحفظ أولادكم ويطمن قلوبكم دايمًا يا رب. 🤍

د/ايهاب الفخراني

10/12/2025

حكاية بطل… اسمه هشام 🦸‍♂️

في يوم عادي جدًا… دخلت علينا أم شايلة ابنها "هشام" في حضنها، والخوف مالي عينيها أكتر من تعب ابنها.
الولد كان مرهق، وتعبان بشكل يخوّف… والأم مش قادرة تخبي الخوف اللي جوّاها لحظة.

بدأنا الفحوصات… ولقينا المفاجأة:
هشام مصاب بمرضين خطيرين جدًا بلهارسيا - وفاشيولا (ودة مرض نادر جداً دلوقتي) والاتنين مع بعض بيدمروا الكبد بسرعة مرعبة.
كل دقيقة كانت بتمر… كانت بتحسب في صحة الطفل.

المشكلة الأكبر؟
علاج الفاشيولا Triclabendazole… شبه مختفي.
لا في صيدليات… ولا مخازن ادوية… ولا في حتى بديل قريب له.

الوقت بيجري، والطفل بيمرض أكتر، والحل الوحيد إننا نلاقي العلاج ده مهما حصل.
بدأنا ندور في كل مكان… ولما ملقيناش، وقتها… وفاللحظة دي قررت اتحمل المسؤولية واخد قرار اللي أي طبيب هيخاف يجربه:
وهو اننا نجيبه من عيادة بيطرية لأنه المكان الوحيد اللي ممكن نلاقي فيه وإعطاءه الدواء ده في عيادتي الخاصة على مسؤوليتي الشخصية… بس علشان هشام كانت كل دقيقة بتعدي عليه الكبد عنده بيتدهور

وهنا… ربنا دخل في الصورة.
وإحنا بنسابق الزمن ونرتّب نجيب العلاج من العيادة البيطرية… فجأة ربنا فتح باب تاني
قدرنا نوصل لشخص في مديرية الصحة في دمنهور وقدر يوفر العلاج في اخر لحظة .

وصل الدوا … وخد هشام أول جرعة.
ومن اللحظة دي… بدأت الرحلة تتغير.

النهاردة، بعد سنة تقريبا من العلاج زارنا هشام فالعيادة
الولد رجع يجري، يضحك، ياكل… وكأنه اتولد من جديد.
والأم؟ دموعها يوم ما طمنّاها… كانت أغلى من أي شكر.

اللي عايزين نقوله…

وسط تعبنا، ومسؤوليتنا، والخوف اللي بنشوفه في عيون الأهالي…
بتفضل لحظة فرحة الأب أو الأم أول ما يسمعوا "ابنك بخير" هي اللي بترجعنا نقول:
الحمدلله… إن ربنا بيجعلنا سبب في إنقاذ روح.