الوعي البصري مع اخصائيه البصريات وعلوم الرؤيه

13/06/2026

نظرة مجتمعية: ضعف النظر مش عيب"

من المواقف اللي يشوفها كتير في العياده
ام بتتفاجئ أن ابنها او بنتها محتاجين نظاره وتلقيها تقول :
طب ممكن ناجل شويه ؟!
"مش هقول لحد دلوقت"
"هو لازم يلبسها طول الوقت ؟"
في ناس لسه بتفكر إن لبس النظارة "نقص"،
وإن الطفل اللي بيضعف نظره "غريب" أو "مش طبيعي"…
لكن الحقيقة إن ضعف النظر حالة شائعة، وليها حلول، ومش بتقلل من قيمة الإنسان.
والنظاىه وسيله لتحسين جوده حياه الطفل عشان يشوف ويتعلم ويمارس حياته بشكل طبيعي

الطفل اللي بيلبس نظارة مش محتاج تعليق،
هو محتاج دعم، وتشجيع، وثقة.

المجتمع لازم يتغير، ويتعلم إن النظارة مش عيب

رسالتي لكل ام :
اتقبلي وادعمي واحتفلي بخطوه النظاره زي اي خطوه ايجابيه في حياه طفلك

نظرتك لطفلك، وكلامك عنه… هو اللي بيصنع ثقته في نفسه.

خلينا نكون دايمًا صوت دعم… مش مصدر جرح.

– أخصائية بصريات وعلوم الرؤية

21/04/2026

21/04/2026

👁️💉 معلومة سريعة لمرضى السكر
مش كل مريض سكر بيحس بمشكلة في عينه…
لكن 👇
اعتلال الشبكية ممكن يبدأ بدون أي أعراض!
🔍 إمتى تفحص عينيك؟
مرة كل سنة لو مفيش مشاكل لأن ده بيفدنا أننا نكتشف بدري اي مشكله وتحمي نظرك
كل 6 شهور لو في بداية اعتلال
👉 عشان نوقف اي تدهور
كل 3 شهور لو الحالة متقدمة
👉عشان نقدر نحافظ على الرؤية ونمنع المضاعفات
🚨 أهم نصيحة:
متستناش تشوف المشكلة… اكشف بدري
📍 الوعي البصري – أخصائية بصريات وعلوم الرؤية

08/04/2026

# موضوع انهارده خارج عن البصريات بس نابع من الامومه توعيه برضه

⬅️ ده هزار ! بس مش عند كل طفل 🤍
في جملة بنسمعها كتير:
“إحنا بنهزر!”
بس الحقيقة إن مش كل هزار ينفع لكل سن 👶
طفل صغير لما يسمع:
“انتي لأ”
“هناخد لعبتك”
“مش هتيجي معانا”

الطفل مش بيضحك… هو بيفهمها بجد وبيتوجع.
✨ معلومة سريعة:
الطفل قبل سن ٥ سنوات بيفهم الكلام بشكل حرفي، ومش بيفرق بسهولة بين الهزار والجد.
💛 مهم نفهم:
الهزار الحقيقي = يضحك الطفل
مش يعيّطه أو يحسسه بالرفض
🚫 لما الطفل يعيط ونقول “ده هزار”
إحنا كده بنلغي إحساسه… مش بنهزر
✔️ البديل الأفضل:
نهزر بطريقة فيها حب وأمان
ونبعد عن أي كلام فيه استبعاد أو تهديد أو تنمر حتي لو بنضحك

👩‍👧 رسالة لكل حد بيتعامل مع الأطفال:
مش كل هزار لطيف…
اللطف هو اللي يحدد
🌿 جملة بسيطة ممكن نستخدمها:
“خلّينا نهزر بشكل يفرّحهم مش يزعلهم”

19/01/2026

هل تعلم أن :-
عضلات العين البشريه هي اسرع من اي عضله في الجسم يمكن لعضلات العين السته تتحرك بسرعه تصل إلي 1000درجه في الثانية مما يسمح لنا بتوجيه نظرنا بدقه وبسرعه
الوعي البصري

02/12/2025

👁️✨ اهميه الفحص النظر المبكر للأطفال ؟

فحص النظر المبكر يكتشف أي مشكلة قبل ما تأثر على التعلم والنمو واللتدخل المبكر يغيّر النتيجة تمامًا.
ويحمي من كسل العين والحول قبل ما يصبح دائم
و الكشف قبل عمر 7 سنوات يعطي أفضل نتائج.
يحسّن التركيز والتحصيل الدراسي.

🩺 متى نفحص؟
بين 6 أشهر – سنة، ثم عند 3–4 سنوات، وبعدها فحص سنوي.

✨ رؤية سليمة… مستقبل أوضح لطفلك.
# #الوعي البصري