عيادة د / أحمد مصطفى . لطب الأطفال وحديثي الولادة

09/06/2026

قصة قصيرة حزينة .
طفل عمره ١٠ شهور جاى بحرارة بقالها أسبوعين تقريبا مش بتنزل . طبعاً كشف فى الصيدلية كالمعتاد كذا مرة و اخد علاج فيروستات و خافض حرارة و مضاد حيوى عشان عنده التهاب فى الحلق زى ما الصيدلى قاله . الحرارة ما نزلتش راح الاستقبال خد حقنة الحرارة ديكسا و ديكلوفين ، و برضو الحرارة ما بتنزلش . أما فحصته مفيش اى حاجة فى الحلق و أول ما حطيت السماعة التشخيص واضح ألا و هو التهاب رئوى محترم واخد الرئة اليمين بالكامل و طبعا اتأكدت بالسونار و حولته المستشفى و اتحجز فى العناية . قصة بتتكرر بحذافيرها كل يوم . نصيحة لوجه الله ياريت نتقى الله فى أطفال المسلمين و ما حدش يفتى فيما لا يعلم سواء صيدلى او طبيب . أطفال المسلمين مش لعبة و أى حد يفتى فيما لا يعلم سواء قاصد او غير قاصد ربنا هيحاسبه حساب عسير .
و الحمد لله رب العالمين

23/05/2026

المرة دى الحالة دى لطفل جميل عمره ست شهور جاى بعياط مفاجئ و زى مغص مفاجئ بقاله نصف ساعة فقط قبل الكشف و كان رجع مرة واحدة ، ممكن تبان أعراض عادية بتحصل لأى طفل . لكن بالفحص كان فى شحوب فى وجه الطفل و شكله متضايق و هو قاعد ادامى على حجر أمه . و بالفحص باليد حسيت وجود كتلة فى البطن و من هنا بدأ الشك . و بعدها السونار المحترف أكد التشخيص ألا وهو : تداخل حاد فى الأمعاء Acute Intussusception.
تشخيص خطير و مخيف و لكن الحمد لله لم يستغرق تشخيصه أكثر من ٣دقائق على سرير الكشف diagnosis on table .
و بفضل الله تم تحويل الطفل سريعاً لطوارئ الجراحة و تم إسعافه دون تدخل جراحى .

و الحمد لله رب العالمين .

07/05/2026

الطب المحترم الجميل المفيد القائم على العلم بفضل الله. هذا العلم الذى أمرنا الله بتعلمه و أن نجعله سبباً مُسخراً لشفاء الناس و نفعهم بإرادة الله وحده.
قصة البنوتة العسولة دى خير دليل . كنت كشفت عليها فى رمضان اللى فات و شخصتها بمرض نادر شوية اسمه Guillain-Barré Syndrome (متلازمة جيلان باريه ) . و ده مرض مناعى بينتج عنه التهاب مناعى و تحلل فى الأعصاب و البنت جاتلى اول يوم تعب بوجع بسيط فى رجلها و ضعف بسيط فى عضلات المشى بيتلاحظ بصعوبة و بالفعل الحمد لله شكيت فى التشخيص ده ، بعدها ب ١٠ ساعات كان الضعف بيزيد و حصل loss of deep tendon reflexes و كان التشخيص المبدئى acute flaccid paralysis mostly Guillain-Barré Syndrome و كتبت التحويل على هذا الأساس و البنت اتحولت بالفعل لأحد المستشفيات و اتشخصت كذا تشخيص مختلف مرة انها ataxia و مرة انها encephalitis و ما اتعملهاش رسم عصب و لا مرة و خدت اجسام مضادة مناعية IVIG و للأسف حالتها اتدهورت بشدة و احتاجت جهاز تنفس صناعى و اخيراً بعد كام يوم وصلوا للتشخيص الصح بعد ما عملت رسم أعصاب و وصلوا للتشخيص و هو نفس التشخيص الاول ، ثم بعدها عملت فصل بلازما plasmapharesis و اتحسنت بشكل كبير ، و بعد شهر تقريبا خرجت بالسلامة بعد ما قضت البنت و أسرتها وقت عصيب و صعب . و الحمد لله رجعت تمشى تانى على رجليها بفضل الله و عافيته . فصممت أتصور معاها لتوثيق اللحظة دى .
و الحمد لله رب العالمين.

23/03/2026

السلام عليكم و رحمة الله و بركاته . كل عام و حضراتكم بخير .
غداً البدء العودة للعمل ان شاء الله.
الحجز بالتليفون من الساعة ١١ صباحاً . لو الخط مشغول يبقى حاول الاتصال مرة تانيه لأن معناه ان فى حد تانى بيتصل.
برجاء من الجميع الالتزام بموعد الحضور و احترام دور الأخرين و احترام نظام العيادة للحفاظ على وقت الطبيب و على وقت الأخرين .
و شكراً جزيلاً.

(نظام الحجز فى العيادة )
تم تغيير نظام الحجز حرصاً منا علي تقليل فترة الانتظار و راحة المريض
يبدأ فتح رقم العيادة الساعة ١١ صباحاً 01062323123
الحجز بأولوية الاتصال و سيتم استقبال عدد محدد فى الفترتين.
لن يتم استقبال أى حالات دون حجز مسبق .
الفترة الأولى من ١٢ ظهرا : ٤ عصرا.
الفترة الثانية من ٦ مساءا.
لن يتم استقبال حالات فى فترة الراحة بين الفترتين.
فى حالة عدم الحضور فى الموعد المحدد يعتبر الحجز لاغياً
لا يوجد كشف مستعجل و لا يتم استقبال حالات طوارئ ، حالات الطوارئ تتوجه لأقرب مستشفى.
نرجو من الجميع احترام نظام العيادة و الالتزام بنظام الحضور . و شكرا جزيلا .

18/02/2026

السلام عليكم ورحمة الله وبركاته
كل عام و حضراتكم بخير

مواعيد العمل فى شهر رمضان
يومياً ما عدا يوم الجمعة
فترة أولى من ١٢ ظ : ٣ عصراً
( العدد محدود نظراً لضيق الوقت)

فترة ثانية من ٧ و نصف بعد العشاء : ١٢ مساءا

رقم العيادة : 01062323123
( الحجز فقط بالاتصال التليفونى - يبدأ الحجز من الساعة ١١ صباحاً)

عذراً لن يتم استقبال حالات دون حجز مسبق .

رجاءاً من الجميع احترام دور الأخرين و احترام نظام العيادة و الالتزام بموعد الحضور.

العنوان : الباجور -ميدان النصب التذكاري - أعلى صيدلية دكتورة سامية سعد.

08/02/2026

مرة دكتور جراحة قالى مقولة زمان قال إنه بيعرف الحالات المتحولة من عندى من معاملتهم و أسلوبهم فى التعامل بيكونوا محترمين زيك يا دكتور أحمد . كنت فاكره بيبالغ أو بيجامل بس فعلاً مع الوقت عرفت ان الجملة بتاعته مظبوطة و ان كل مريض بيشبه الدكتور بتاعه . و بالفعل أن بحمد ربنا على نعمة إن زباينى كلهم ناس محترمين و ناس الواحد بيفتخر بيهم إنهم زباينى . و ربنا يعلم انى مش بتعامل معاهم على أنهم زباين و والله بتعامل معاهم أنهم اخوات فى الله و أهل و عزوة و إن عيالهم و الله بحبهم زى عيالى بالظبط و ببقى مكسوف جداً منهم و مقدر انتظارهم بالساعات عشان يجى ميعاد دورهم و إنهم متمسكين بالحضور فى العيادة و مش بيرحوا لحد تانى و حتى لو غبت فى يوم بينتظروا لحد ما ارجع تانى و يكشفوا عندى . و ببقى مكسوف اكتر من الناس اللى بتيجى من أماكن بره الباجور او حتى بره المنوفية و فعلاً مقدر ده و شايله على رأسى من فوق . و انتم و الله اللى مخلينى أكمل فى الشغلانة دى و مشجعينى دايماً إنى أكمل و أتحامل على نفسى حتى لو تعبت . مكملين إن شاء الله بفضل الله و توفيقه عشان خاطركم و عشان خاطر أولادكم و طبعا قبل كل شئ لوجه الله رب العالمين . و نسأل الله العظيم القبول و التوفيق و الإخلاص فى القول و العمل .

28/11/2025

حالة اليوم: حالة التهاب حاد فى الزائدة الدودية تم بفضل الله تشخيصها بدقة و بسرعة فى العيادة و ذلك بالفحص الدقيق و بمساعدة السونار خلال دقائق معدودة.
التشخيص المبكر يساوى علاجاً مبكراً و حماية من مضاعفات انفجار الزائدة لا قدر الله.
فى عيادتنا نقدم أعلى و أرقى مستويات طب الأطفال و نختصر الوقت و الجهد على أطفالنا الصغار بفضل الله.
— علم و دقة و خبرة —

24/11/2025

حالة من الحالات التى تم تشخيصها الحمد لله بدقة متناهية لطفل عمره ٢٥ يوم يعانى من انسداد فى مخرج المعدة نتيجة تضخم فى الجزء العضلى للمعدة فيما يسمى اختصاراً ب CHPS ، غالبا ما يتم تشخيص هذه الحالات فى مرحلة متأخرة بعد حدوث فقدان شديد فى الوزن و جفاف و حدوث مضاعفات شديدة مثل اختلال أملاح البوتاسيوم و الكلوريد و قلوية فى الدم . تم تحويل الحالة لأخصائي الأشعة و تم تأكيد التشخيص .
العلاج لهذه الحالة يكون بالتدخل الجراحى و بعدها يتحسن الطفل بشكل كامل .
فى العيادة تحدث المعجزات بفضل الله ثم بفضل العلم و احترامه و تطبيقه باحترافية على أطفالنا.
— علم و دقة و خبرة —
و الحمد لله رب العالمين.

01/11/2025

(نظام الحجز فى العيادة )
تم تغيير نظام الحجز حرصاً منا علي تقليل فترة الانتظار و راحة المريض
يبدأ فتح رقم العيادة الساعة ١١ صباحاً 01062323123
الحجز بأولوية الاتصال و سيتم استقبال عدد محدد فى الفترتين.
لن يتم استقبال أى حالات دون حجز مسبق .
الفترة الأولى من ١٢ ظهرا : ٤ عصرا.
الفترة الثانية من ٦ مساءا.
لن يتم استقبال حالات فى فترة الراحة بين الفترتين.
فى حالة عدم الحضور فى الموعد المحدد يعتبر الحجز لاغياً
لا يوجد كشف مستعجل و لا يتم استقبال حالات طوارئ ، حالات الطوارئ تتوجه لأقرب مستشفى.
نرجو من الجميع احترام نظام العيادة و الالتزام بنظام الحضور . و شكرا جزيلا .