عيادة د اماني الفقي للاطفال و حديثي الولاده

27/07/2026

امهات كتيييير بتسألني الفتره دي عن فيتامين أ

🧡 فيتامين أ مهم جداااا طبعا لانه 👌
🥕
👁️ بيحافظ على صحة النظر، خاصة الرؤية الليلية. 🛡️ يقوي جهاز المناعة. 📈 يساعد على النمو الطبيعي. ✨ يحافظ على صحة الجلد والأغشية المخاطية.

موجود ف حاجات كتير جدا
الكبده و البيض و اللبن والسمك والخضار و الفاكهه بصي ع الصوره فيها كل المصادر

⚠️ بيقل ف الجسم ف حالات

🤕 سوء التغذية.
😒 الإسهال المزمن أو سوء الامتصاص.
😩 التليف الكيسي أو الداء البطني.
🥵 بعد الإصابة بالحصبة.
🤮 الاعتماد على غذاء فقير بالخضروات والفواكه ومنتجات الألبان.

👇👇
معني كده ان مش كل طفل هيحتاج جرعه فيتامين أ باستمرار

اتباع نظام غذائي متوازن هو أفضل وسيلة للوقاية من نقص فيتامين أ، ولا يُنصح بإعطاء مكملات فيتامين أ للأطفال إلا عند وجود سبب طبي أو بوصفة من الطبيب، لأن الجرعات الزائدة قد تكون ضارة.

26/07/2026

الحول المتقطع قبل عمر 4 أشهر غالبًا طبيعي.👌

أي حول ثابت أو مستمر، أو حول يستمر بعد 4 أشهر، يحتاج إلى إحالة عاجلة لطبيب عيون أطفال لتجنب كسل العين وفقدان الرؤية الثنائية.🙏🙏

22/07/2026

ارتفاع شديد في درجة حراره معظم الأطفال اليومين دول بدون سبب واضح او اعراض تانيه🤕🤕🫩

اهم حاجه👌👌
شرب سوايل بارده كتييييير👌
البعد عن الشمس المباشره و ياريت الصغيرين قبل سنتين ميخرجوش بالنهار خالص👌
اللي بيرضعو نزود عدد الرضعات 👌
ندي خوافض و نتابع ظهور اعراض تانيه 🙏
الأطفال اقل من ٦ شهور لازم فحص طبعا لو الحراره اكتر من ٣٨.٥،👍
نعرف علامات الخطر و نتابع أطفالنا و منستعجلش ع المضاد الحيوي من نفسنا 🙌

12/07/2026

مراحل تطور اللغه و الكلام للاطفال🫢
كلمى طفلك كتير،😁
كرري الكلمات😬
خلي اخوانه يكلموه🤕
سمي كل حاجه باسمها بلاش تكلميه بطريقة الأطفال 🫩
احكيله قصص 👌
اعملي له ذاكره لغويه 👌

06/07/2026

بتتفرجو ع كأس العالم؟؟🤔
شوفتو اللعيبه العمالقه بتوع أستراليا؟؟😂
شوفتو العملاق هالاند 🤔

ليه عيالنا صغيرين جنبهم ؟؟
الجينات ليها دور اساسي طبعا 👍👍
بس التغذيه الجيده عامل قووووي جدااااا

التغذيه الجيده تخلي طفلك يكتسب أعلى طول ممكن يوصله ف حدود الجينات برده

و برده سوء التغذيه يخليه يقف عند طول ووزن قليل

التغذيه أساسها👌👌
بروتين لحوم و فراخ و بيض
كربوهيدرات زي الرز و القمح
دهون صحيه
فيتامينات و معادن و الياف ف الفاكهه و الخضار و المكسرات

❌ الجماعه اللي ماشيين ع نظام معين لشخص الله يرحمه مألفه من دماغه
ملكمش دعوه بالعيال❌

محدش يقولي مش هاكل عيالي بيض ولا فراخ و لا لبن ولا خضار حراااااام عليكم 😭😭
⭕ عاوزين تجربو النظام براحتكم انما طفلك ده مش ملكك عشان تجرب فيه

٤٠٪ من المصريين عندهم أمراض مرتبطه بسوء التغذيه

06/07/2026

ليه لازم نتابع وزن و طول الطفل مع كل زياره لدكتور الأطفال؟؟🤔

و لازم يكون فيه ملف لابنك للمتابعه سواء عندك أو عند الدكتور بتاعه؟؟ 👍

لان فيه حاجه ممكن تحصل للطفل اسمها faltering of growth او تباطؤ النمو

ممكن طفلك يكون ف اول الطفوله كويس جدا طولا ووزنا و 👌 فجأه يحصل مشكله ف النمو 😏
👌 معدش بيزيد كويس ف الوزن😒
👌 الطول اللي المفروض يكتسبه محصلش 😒

مش معني ان ابنك ف اول عمره كان كويس و طبيعي انك تهملي اي تغير بعد كده 👌

05/07/2026

من الحاجات اللي لازم كل ام تبقي عارفاها كويس
طفرة النمو

💪 طفرة النمو هي فترة قصيرة يزيد فيها معدل نمو الطفل بشكل أسرع من المعتاد.
الطفل فجأة يرضع أكثر أو يأكل أكثر، ينام أكثر،
يبدو أكثر تعلقًا وانزعاجًا.
بتستمر حوالي ٣ ايام👌

04/07/2026

04/07/2026

مش كل ترجيع يبقي نزله معويه 🤔
مش كل اما طفلك يرجع تحري تديله مطهر معوي😔
الترجيع لوحده علامه خطوره لكتير من الامراض ابسطها هي النزله المعويه😏
الاسبوع ده
😨😨حاله ترجيع و اسهال بس الترجيع اكتر بكتير
🤨بيرجع كل حاجه ياكلها مع الم شديد ف البطن
🧐 بعد الفحص بالسونار شكل الكبد مش مطمئن طلبت تحاليل نسبه الصفرا عاليه مع ان لسه مكنش ظهرت بشكل واضح بالعين و انزيمات الكبد عاليه و اتشخص التهاب كبدي وبائي أ
طبعا حاله زي دي لو اتعالجت ك نزله معويه عاديه ممكن كانت تسوء اكتر

حاله تانيه ترجيع مستمر و مفيش اسهال
لاحظت انتفاخ ف البطن🙄
سالت عن الاسهال 😒
قالت معملش ستول بقاله يومين 🤨
تم عمل اشعه ع البطن و اتشخص انسداد معوي للاسف و تم حجزه بالمستشفى

حاله تالته ترجيع مستمر مع انه اخد حقن الترجيع
بعد الفحص و السونار و التاريخ المرضي طلبت تحليل بسيط جدا سكر عشوائي عشان تكون نتيجته فوق ال ٣٥٠ 😩
دي غيبوبه سكر 😨
واللي اخر حالته الادويه اللي اخدها ع اساس انها نزله معويه
طبعا تم التعامل مع الحاله و حجزها بالعنايه😢

وطبعا فيه حالات اكتر بكتير و يكون عرضها الأول الترجيع

رجااااااء لو لقيتم حد من أولادكم بيرجع كتير اطلعو ع أقرب دكتور أطفال

23/06/2026

للأطفال اللي محتاجين زيادة وزن، الفكرة الأساسية مش إنهم ياكلوا كمية كبيرة فقط👌
لكن إن كل لقمة تكون غنية بالسعرات والطاقة وفي نفس الوقت مغذية حسب عمر الطفل وقدرته على المضغ👌

و عشان الطفل ياكل اصلا لاااازم

👍نمنع اي حاجه من بره البيت زي البسكوت و الشيبسي و العصاير المصنعه و المياه الغازيه
👍نقلل السكريات
👍ننوع ف الأكلات الصحيه اللي في الصوره و نقدمها للطفل بشكل كويس
👇👇👇👇👇دي الاكلات الصحيه عاليه الطاقه لزياده وزن الطفل من عمر ٦ شهور 💪💪💪💪