13/09/2026
❤️ مع بداية عام دراسي جديد…
وإنتِ بتصحّي ابنك الصبح وتجهزيه للمدرسة،
افتكري ترقيه وتدعي له من قلبك:
“اللهم إني استودعتك ابني، فاحفظه بعينك التي لا تنام.” 🤲🏻
علّميه يتوضأ ويصلي،
وعلّميه إن يومه يبدأ بربنا قبل أي حاجة تانية. ❤️
وإنتِ بتجهزي له شنطته، افتكري إن كل تعب بتتعبيه عشانه…
كل مرة تصحيه، وكل مرة تطمني عليه، وكل مجهود بتعمليه عشانه، له أجر عند ربنا بإذن الله.
وللأب ❤️
إحنا عارفين إنك بتتعب،
وبتشتغل، وبتتحمل مصاريف كتير، ويمكن أوقات كتير بتحس إنك بتجري طول اليوم علشان توفر لأبنائك حياة أفضل.
بس افتكر دايمًا…
إنت مش بس بتربي ابنك…
إنت بتبني إنسان.
ابني ابنك، علّمه، شجعه، اسمعه، وخلّيه يعرف إنك مؤمن بيه.
يمكن أنت النهارده شايف طفل صغير خارج للمدرسة بشنطته…
لكن بكرة ممكن تشوفه طبيب، مهندس، معلم، قائد، أو إنسان صالح ينفع نفسه وأهله ومجتمعه. ❤️
أطفال اليوم… هم قادة الغد.
ربنا يحفظ أولادنا جميعًا،
ويبارك فيهم، ويحميهم من كل سوء،
ويجعلهم قرة عين لآبائهم وأمهاتهم. 🤲🏻❤️
عام دراسي جديد سعيد على كل أطفالنا وأهالينا 🌷🎒
د. محمد نبيل
أخصائي الأطفال وحديثي الولاد
