أخصائية التغذية د/ليلي عبيد nutritionist dr.laila ebaid

أخصائية التغذية د/ليلي عبيد nutritionist dr.laila ebaid clinical nutritionist &obesity and diabetes management

ناس كتير بتسأل ايه اللي مسئول عن الحرق في جسمنا 😍😍😍طبعا فيه كذا هرمون مسئولين عنه وزيادتهم او نقصانهم ممكن تسبب خلل في ا...
26/08/2023

ناس كتير بتسأل ايه اللي مسئول عن الحرق في جسمنا 😍😍😍
طبعا فيه كذا هرمون مسئولين عنه وزيادتهم او نقصانهم ممكن تسبب خلل في الحرق 🫣🫣
١-الغدة الدرقية
بتفرز هرمونات بتساعد علي تنظيم النوم والحرق وضربات القلب واي خلل فيهم او قصور بيسبب زيادة الوزن 😉
٢-هرمون الانسولين
اكل الحلويات والسكريات والنشويات بكميات كبيرة بتزود هرمون الانسولين وده المسئول عن تخزين الدهون في الجسم فبيسبب زيادة الوزن 😉
٣-هرمون الكورتيزول
بيتفرز من الغدة الكظرية ومسئول عن تنظيم الطاقة وبيتفرز اثناء التوتر والقلق بكمية اكبر ولو فضلت مستوياته عالية كتير بيبسبب زيادة الوزن علشان كده فيه ناس لما بتزعل تزيد وناس العكس 🙃
٤-هرمون الميلاتونين
بيحافظ علي الساعة البيولوجية ومستوياته بتزيد بالليل وبتقل الصبح
لما بيكون في اعلي مستوياته وقت الليل وقت النوم والراحة بتقل درجة حرارة الجسم فبتساعد في افراز هرمون النمو المسئول عن اصلاح التلف في الجسم وكمان بيساعد في حرق الدهون
علشان كده الناس اللي بتسهر كتير بيحصل معاه في الموضوع ده وبيسبب زيادة الوزن🫣🫣
٥-هرمون الاستروجين
انخفاض الاستروجين بيسبب زيادة في الوزن😊
٦-هرمون التسوستيرون
نقصه او زيادته عند النساء بتسبب زيادة في الوزن علشان جسم النساء بيتأثر باي زيادة او نقصان فيه😅
٧-هرمون اللبتين والجارلين
هرمونات الجوع والشبع واي خلل فيهم بيسبب زيادة في الوزن 😔
دمتم دايما بخير 😍😍😍

ازيكوا عاملين ايه الناس اللي بتعاني من امساك مزمن وعمل فحوصات كتير ومفيش فايدة جربوا ماغنسيوم سيترات هيفرق جدا في الموضو...
19/08/2023

ازيكوا عاملين ايه
الناس اللي بتعاني من امساك مزمن وعمل فحوصات كتير ومفيش فايدة
جربوا ماغنسيوم سيترات هيفرق جدا في الموضوع ده لانه بيساعد الامعاء في امتصاص السوايل وبالتالي هيسهل خروج البراز 😩😩
وكمان بيدعم وظيفة العضلات والعظام😍😍
ولو حد بيعاني من التهاب اعصاب بيساعد مع فيتامين ب ١٢ في حل الموضوع ده 😍
بس لازم نستشير الطبيب لو حد بيعاني من التهاب قولون تقرحي او عنده مشاكل في الكلي 😩
وفيه منه اشكال كتيرة وانواع مختلفة في السوق فيه علي هيئة اقراص وفيه اكياس فوارة
والجرعة بتاعته ٢ قرص يوميا او كيس علي نص كوب ماء مرة او مرتين يوميا 😍
دمتم دايما بخير😍😍

كل سنة وانتوا طيبين يارب دايما تكونوا بخير رمضان كريم 😍😍الناس اللي حابة تخس رمضان احسن فرصة بجد لنزول الوزن بس لو استغلي...
22/03/2023

كل سنة وانتوا طيبين يارب دايما تكونوا بخير
رمضان كريم 😍😍
الناس اللي حابة تخس رمضان احسن فرصة بجد لنزول الوزن بس لو استغلينا الموضوع صح 🥰🥰🥰

اول حاجةالسحور 🥰🥰
نهتم فيه بالبروتين والنشويات المعقدة والدهون المفيدة
مثلا ٦ معالق فول او قطعة جبنة قريش او ٣ معالق كبيرة جبنة فيتا وعليهم معلقتين صغيرين زيت زيتون او زيت حار وطبق سلطة او خس او جرجير ونص رغيف عيش بلدي او ٢ رغيف سن
مع علبة الزبادي 🥰🥰
الفطار🥰🥰
نكسر صيامنا علي كوباية لبن مع تلات تمرات ويفضل نصلي المغرب بعدين نرجع نكمل فطارنا
٦ معالق رز او نص رغيف بلدي او ٦ معالق مكرونة
مع قطعة لحمة حجم الكف او ربع فرخة او ٢ قطعة كبدة او بيضتين او ٢ سمك مشوي
مع طبق السلطة الخضراء
او طبق خضار مطبوخ
ولو نفسكوا في البشاميل هيبقي قطعة اد الكف مع طبق السلطة
السناك 🥰🥰
هيبقي ٢ ثمرة فاكهة اي حاجة تحبوها وده بين الفطار والسحور او عصير من غير اضافة سكر



Address

El-Mahalla El-Kubra
31111

Telephone

+201060052868

Website

Alerts

Be the first to know and let us send you an email when أخصائية التغذية د/ليلي عبيد nutritionist dr.laila ebaid posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to أخصائية التغذية د/ليلي عبيد nutritionist dr.laila ebaid:

Shortcuts

Share

Category