25/03/2023
كل سنه وانت طيبين ي حبايب ورمضان كريم عليكم جميعا 🌙🌙💜
😄👍
،🙏🙏🙏
طال الغياب شويه بس النهارده هنتكلم عن اكتر سبب بيخليك تروح لدكتور الاسنان 🔥
الم الاسنان الم صعب جدا اى حد يستحمله وفى الغالب الالم دا بيكون سببه انه خلاص التسوس وصل للعصب 🥺
📢 طيب ازاى تعرف انك محتاج حشو عصب ؟؟
ببساطه شديده الالم بيكون قارفك ف عيشتك 😂😂 ومش مخليك عارف تنام وحتى المسكنات مش نافعه معاك
📢 طيب ي دكتور التسوس كبير وخلاص مش فاضل ف الضرس حاجه هينفع فيه حشو عصب ؟
بلاش تحكم انت وسيب للدكتور انه يحدد اذا كان ينفع ولا لا وخلى اخر حاجه ممكن تعملها هيا الخلع 👍
📢 بس ي دكتور حشو العصب دا بياخد كذا جلسه وبيطول ؟
حابب اقولك انه دلوقتى عادى جدا حشو العصب يخلص ف زياره واحده الا ف حالات معينه
اظن كده ملكش حجه انك تعيش بالالم دا كله ربنا مسهلها فمتصعبهاش ع نفسك 😄😄
وبلاش تفضل تاخد فى مسكنات وعشان تعالج ضرسك تضيع كليتك 😂😂
ودى حاله حشو عصب تقدروا تشوفوا منها القنوات العصبيه ازاى صغيره بس الالم بتاعها ممكن يخليك تشد ف شعرك 😂😂
يا رب اكون عرفت اجاوب على اسئلتكم قدر المستطاع ولو ف اى استفسار مترددش 😀👌ولو دكتور وحابب تسال عن حاجه ف الحاله مترددش بردو 😄
👋👋👋
