إسراء أشرف لعلاج اللغه و النطق

25/01/2026

"ابني بيفهمها وهي طايرة.. بس مش عايز يتكلم! 🦜"

دي أكتر جملة بسمعها من الأمهات في العيادة.
📌"يا دكتورة هو ذكي جداً وبيفهم كل حاجة، بس بيشاور بصباعه بدل ما يتكلم!"
عارفة ليه؟❓
لأننا ببساطة بنتحول لـ "جهاز تنفيذ طلبات" بمجرد ما يشاور. 😅
📌طفلك محتاج "دافع" للكلام، محتاج يحس إن لغة الإشارة مش كفاية عشان يوصل للي هو عايزه.

👈 التدخل المبكر مش معناه إن ابنك عنده مشكلة كبيرة، ده معناه إننا بنفتح له باب التواصل صح قبل ما يحبط.

❓ قوليلي، طفلك لما بيعوز يشرب، بيقول "ميه" ولا بيسحبك من إيدك لحد الثلاجة؟ 👇

Esraa Ashrf
📞 01006354813
#تخاطب

25/01/2026

👩‍⚕️ إسراء أشرف
أخصائية علاج اللغة والنطق و تعديل السلوك
أعمل مع الأطفال في مختلف المراحل، وبشكل خاص الأطفال اللي بيعانوا من:
🗣️ تأخر الكلام واضطرابات النطق
⚡ فرط الحركة وتشتت الانتباه
🧩 صعوبات التواصل والمشاكل السلوكية
🎓 الدراسة والشهادات:
بكالوريوس آداب – قسم علم اجتماع، جامعة عين شمس
دبلوم عام كلية علوم الإعاقة، جامعة الزقازيق
دورات تدريبية متقدمة من مركز زايد الطبي للتأهيل:
• الأورال موتور (Oral Motor)
• التوحد
• معينات التواصل (التواصل البديل)
• اختبارات اللغة
• صعوبات التعلم
• إعداد وتأهيل أخصائي تخاطب
دورة تدريبية في الصحة النفسية
دوره تدريبيه في فرط الحركه و تشتت الإنتباه ADHD

💼 الخبرة العملية:
أخصائية تخاطب خبرة 5 سنوات
مهارة استخدام أدوات التشخيص، مهارات التواصل مع الأهالي، وأدوات الأورال موتور

🧩 أسلوبي في العلاج:
– تقييم شامل قبل بدء أي جلسات
– وضع خطة علاجية فردية لكل طفل
– دمج الجانب العلمي مع الجانب الإنساني
– متابعة مستمرة وتعديل الخطة حسب تقدم الطفل
– إشراك الأسرة لضمان استمرار النتائج في البيت

🏠 الخدمات المتاحة:
• جلسات علاج لغة ونطق
• جلسات تعديل سلوك
• تقييم شامل + اختبار ذكاء
• جلسات برايفت منزلية
💙 هدفي:
مش بس إن الطفل يتكلم… هدفي إنه يفهم، يعبر، ويتواصل بثقة
📩 للتواصل والاستفسار: رسايل الصفحة أو واتساب
Esraa Ashraf
📞 01006354813
#تخاطب

22/01/2026

19/01/2026

إحساسك كأم مش وهم
لو حاسة إن في حاجة مش مظبوطة
حتى لو مش عارفة تسميها
غالبًا إحساسك صح.
اللغة مش بتضيع فجأة
هي بتبان واحدة واحدة.
السؤال مش خوف
السؤال وعي.
Esraa Ashrf
📞 01006354813
#تخاطب


#ايكولاليا

19/01/2026

الإيكولاليا… لما الطفل يكرّر الكلام بدل ما يرد
فيه أطفال لما تكلميهم
ما يردوش بإجابة
لكن يعيدوا نفس الجملة اللي سمعوها.
تقولي:
“عايز تشرب إيه؟”
يرد:
“تشرب إيه؟”
ده اسمه إيكولاليا.
الإيكولاليا مش سلوك غريب
ولا لعب بالكلام،
ومش دايمًا علامة توحد زي ما ناس كتير فاكرة.
علميًا، الإيكولاليا معناها
إن الطفل بيعتمد على التكرار
كطريقة مؤقتة للتواصل
لأن اللغة التعبيرية لسه ما اكتملتش.
في نوعين:
إيكولاليا فورية: يكرر الكلام في نفس اللحظة
إيكولاليا متأخرة: يكرر جُمل سمعها قبل كده (كرتون – مواقف – أشخاص)
في مراحل النمو الطبيعي
الأطفال الصغيرين ممكن يستخدموا الإيكولاليا
كخطوة قبل الكلام الحقيقي.
المشكلة بتظهر
لما التكرار يفضل موجود
من غير تطور في الفهم أو التعبير.
ساعتها الطفل بيبقى فاهم…
بس مش عارف يكوّن جملة من عنده.
الإيكولاليا معناها إن الطفل
عنده لغة استقبالية
لكن اللغة التعبيرية محتاجة دعم وتنظيم.
وعشان كده
منع التكرار أو توبيخ الطفل
مش حل،
لأن التكرار هنا وظيفة لغوية مش عادة.
الفهم بيغيّر طريقة التعامل.
✍️ Esraa Ashrf
📞 01006354813
#تخاطب
#ايكولاليا

13/01/2026

“هو ابني فاهمني… بس مش بيعرف يعبّر!”
الجملة دي لو سمعتها من أم، اعرفي إننا قدّام مشكلة لغة مش مشكلة كلام.
خلّيني أوضح ببساطة 👇
🧠 اللغة = الفهم + التعبير + تكوين الجملة
👄 الكلام = النطق ومخارج الحروف
يعني ممكن طفل:
✔ يفهم كل اللي حواليه
❌ بس مفرداته قليلة
❌ أو جُمله قصيرة
❌ أو يقول كلمة بدل كلمة
وده اسمه تأخر لغة
مش دلع
ولا كسل
ولا “هييجي مع الوقت”.
علميًا، الطفل لو مفرداته قليلة بعد سن سنتين،
أو جُمله مش واضحة بعد 3 سنين،
المخ بيكون محتاج تدخل لغوي منظم.
واللي بيحصل لما نستنى؟
الطفل يفهم أكتر ما يتكلم،
يحس إنه مش عارف يوصّل اللي جواه،
فيطلع ده في صورة عصبية أو صريخ أو انسحاب.
الحل؟
مش ضغط
مش تصحيح كل كلمة
لكن جلسات تخاطب مبنية على اللعب، والتفاعل، وتنظيم اللغة داخل المخ.
لو حاسة إن ابنك:
“فاهمك… بس مش عارف يرد”
ابدئي بدري،
لأن اللغة كل ما اتبنيت صح… كل ما الطريق بقى أسهل 🤍
Esraa Ashraf
📞 01006354813
#تخاطب

05/09/2025

🚨 كتير من الأمهات بتقول: "ابني مش بيرد على اسمه، يمكن عنده ضعف سمع!"
لكن الحقيقة أوقات بيكون الموضوع أعراض توحد 😮

👩‍👦 المشكلة الكبيرة إن أغلب الأهالي بيكتشفوا متأخر جدًا… بعد ما الطفل يدخل المدرسة ويبتدي يظهر عنده مشاكل في الكلام أو التعامل مع صحابه.

❌ التأخير في التشخيص = فرص أقل في التحسن.
✅ التشخيص المبكر = فرق ضخم في مستقبل الطفل.

💡 لو ابنك:

مش بيرد على اسمه

مش بيبص في عينك

بيحب يلعب لوحده

بيتعلق بروتين واحد بشكل مبالغ فيه

يبقى لازم تتحركي فورًا وتسألي أخصائي تخاطب.

🎯 التوحد مش نهاية… لكن التأخر في التشخيص ممكن يكون عقبة كبيرة.

---

Esraa Ashraf
📞 01006354813
#تخاطب

23/08/2025

🎯 مواقف كتير بتقابلك مع طفلك وممكن تكون علامات محتاجة متابعة:

1️⃣ لو بيتشنكل وبيقع كتير → نطمن على التركيز والانتباه.
2️⃣ لو بيتلعثم في الكلام → نراعي نفسيته ونبدأ جلسات تخاطب.
3️⃣ لو انطوائي زيادة → محتاج دعم للثقة بالنفس.
4️⃣ لو بيكدب → نوفرله أمان ونبعد عن العقاب.
5️⃣ لو سريع الغضب → احتويه بهدوء وما تعصبيش عليه.
6️⃣ لو بيلمس أعضاءه التناسلية → نكشف جلدية ونشغل إيده بأنشطة مفيدة من غير عقاب.
7️⃣ لو بينام على بطنه → نحط وسادة جنبه يسند رجله عليها.
8️⃣ لو مش بيصلي → خليه يشوفك إنتِ قدوة، وكافئيه بالتدريج.
9️⃣ لو رغاي → استغلي الكلام في حكايات وأنشطة مفيدة.
🔟 لو خطه ضعيف → نساعده بأنشطة كتابة منقطة ونشجعه.
1️⃣1️⃣ لو شافكم في العلاقة الخاصة بعد سن 6 سنين → نشرح له العلاقة ببساطة من غير تفاصيل.
1️⃣2️⃣ لو عدى 3 سنين ولسه مش بيتكلم → لازم تخاطب فورًا.
1️⃣3️⃣ لو بارد أو بطئ في رد فعله → نشجعه برياضة ونبعد عن الضرب.
1️⃣4️⃣ لو في ابتدائي ولسه ما بيعرفش يقرأ أو يكتب → احتمال صعوبات تعلم ويحتاج متابعة.

💡 كل طفل حالة خاصة.. والمتابعة مع التخصص بتفرق كتير 🌸

📞 Esraa Ashraf – 01006354813
#تخاطب

15/08/2025

📌 الفرق بين العناد والتوحد عند الأطفال

🌀 العناد:

بيكون الطفل فاهم التعليمات لكن بيرفض ينفذها متعمد.

بيظهر أكتر في مواقف معينة (زي وقت الأكل أو النوم أو الواجب).

بيستخدم تعبيرات وجه متنوعة وبيحاول يجذب انتباهك.

ممكن يتنازل عن العناد لو شاف مكافأة أو تحفيز.

🔍 مثال:
تطلبي منه يلم ألعابه، يرد: "مش عايز" وهو بصّصلك وبيضحك.

---

🧩 التوحد:

أحيانًا الطفل مش بينفذ التعليمات لأنه مش فاهمها أو مش مركز معاكي.

قلة أو عدم تواصل بصري.

ممكن ما يستجيبش لاسمه حتى لو ناديتي عليه أكتر من مرة.

بيكرر نفس الحركة أو اللعبة بطريقة ثابتة.

🔍 مثال:
تطلبي منه يلم ألعابه، يفضل يلف العربية على الترابيزة وكأنه مش سامعك.

---

💡 الخلاصة:
العناد سلوك متعمد بهدف رفض أو تحدي، أما التوحد فبيكون جزء من صعوبات التواصل والفهم.
التقييم المبكر بيوفر وقت ومجهود كبير في العلاج 🌿

—
Esraa Ashraf
📞 01006354813
#تخاطب