16/04/2026
بيجيلنا شاب أو سيدة عامل تحاليل كتير كلها سليمة ، مع وزن أعلي من الطبيعي شوية صغيرين و بعد ما نطمنه بيقولي إنه قلقان جداً من ( مقاومة الإنسولين ) و عاوز يعمل التحليل بتاعها المرتفع السعر نسبياً
HOMA IR.
الحقيقي مفيش مرض اسمه " مقاومة انسولين ".
في شخص عنده وزن أعلي من الطبيعي بإن لو حسبنا الوزن بالكيلو / (الطول بالمتر ) اس ٢ بتطلع النتيجة أكتر من ٢٨.
أو بإختصار الموضة عرفتنا الFitness بالنظر و كلنا عارفين مواصفات زيادة الوزن من وجود كرش و زيادة حجم الوسط و تراكم دهون .
اضافوا علامة عليها لمقاومة الانسولين و هي Acanthosis nigran و دي غمقان بالقفا أو الابط او بين الفخذين.
مع قلة المجهود البدني و زيادة تعاطي الكالوريز.
كل العلامات دي مقاومة انسولين و بتتنبأ باحتمالية حدوث سكر من النوع التاني في فترة متوسطة ٣-١٠ سنين باحتمالية تصل ٣٠٪.
هنا بقا تحليل مقاومة الانسولين ما بيضيفش لي كطبيب أي معلومات زيادة.
أومال عملوا تحليل مقاومة الانسولين الغالي دا ليه؟
علشان لما بيجلينا مريض قبل سن التلاتين وزنه زيادة وجاله سكر بنبقي شاكين هل دا سكر نوع أول ( نقص انسولين ) ؟
و لا سكر نوع تاني ( الانسولين موجود بس الدهون اللي في الجسم بتقاومه )؟
و اللي طبعاً طرق علاجهم مختلفة.
تحليل مقاومة الانسولين المرتفع لا يعني إعطاء دواء الجلوكوفاچ لحد ما عندوش سكر.
نوبة هبوط السكر الواحدة قد تؤدي للوفاة و أخطر من إن شخص يصاب بالسكر المرتفع لمدة سنة بدون تشخيص.
ما تشوفوش شر ❤️
