29/08/2026
*📌 Burnout | الاحتراق النفسي*
*(روحك وجسمك بيرنوا الجرس خلاص... بنفصل)*
تعبان؟ حاسس إنك فاضي؟ بتدي ومش لاقي نفسك؟
تعالى نتكلم بصراحة عن حاجة بنمر بيها كلنا ومش بنسميها باسمها.
*يعني ايه احتراق نفسي؟*
هو مش ضعف ولا كسل.
هو *متلازمة نفسية* بتحصل لما نفضل تحت ضغط وإجهاد مستمر من غير راحة لجسمنا وذهننا.
منظمة الصحة العالمية WHO عرفته كـ:
"حالة ناتجة عن ضغوط مزمنة غير مُدارة، وبتتميز بـ 3 أبعاد:"
🔴 *إنهاك عاطفي*: حاسس إنك متفرغ، مفيش طاقة، ومخهك مش شغال
🔴 *تبلد*: بتتعامل مع الناس ببرود ولامبالاة كأنك مش حاسس
🔴 *فقدان الإحساس بالإنجاز*: "أنا فاشل، أنا مش بعمل حاجة" حتى وانت بتعمل كل حاجة
*مين أكتر ناس معرضين ليه؟*
الدراسات بتقول مش بس أصحاب المهن الصعبة...
بيزيد كمان عند *الأمهات، المعالجين النفسيين، المتطوعين، وأي حد عنده حساسية عالية ومسؤولية مفرطة*.
يعني احنا في "رحلة نور" لازم نخلي بالنا من نفسنا.
*طب والحل؟*
لو أهملنا نفسنا في المرحلة دي الموضوع ممكن يتطور.
الحل ممكن يكون:
1. *العلاج المعرفي السلوكي CBT*
2. *العلاج بالتقبل والالتزام ACT*
3. *أبسط حاجة*: أقف، أراجع نفسي، آخد راحة، وأوزن عطائي بنفسي
*أهم جملة هقولها النهاردة:*
الاحتراق النفسي مش معناه إنك ضعيف.
معناه إنك إنسان بيدي كتير ومحتاج يقف يبص حواليه ويبص على نفسه.
انت أكتر واحد حاسس باللي جواك... فـ خاف على نفسك عشان نقدر نكمل 💚
*طلب المساعدة مش حرام ولا عيب*
