عيادة الدكتور محمود غانم

16/02/2026

💫💫💫 مواعيد العمل بالعياده في شهر رمضان
يوميا ماعدا الثلاثاء
🎙من الساعه ٣ الي ٥ م
🎙بعد التراويح حتي الساعه ١٠ م
وكل عام وانتم بخير

10/01/2026

لو بتعاني من الحموضة أو حرقة في الصدر أو إحساس بطعام بيرجع تاني للحلق…
📢 اسمع دي: في خطوات بسيطة ومثبتة علميًا ممكن تقلل الأعراض بنسبة كبيرة

🥗 أولًا: الأكل ممكن يبقى علاج… أو العكس!

📌 في أكلات بتفتح الصمام بين المعدة والمريء وتخلي الحمض يطلع لفوق!
❌ ابعد عن:

المقليات والدهون الثقيلة والحراق

القهوة والشاي والنسكافيه

الشوكولاتة والنعناع

الطماطم والكاتشب - الليمون - البرتقال

البيبسي والمشروبات الغازية
✅ وركّز على:

وجبات خفيفة وصغيرة كل 3–4 ساعات

وجبة العشاء تكون قبل النوم بـ 3 ساعات على الأقل

👌اشرب مية بين الوجبات ❌مش معاها

❌❌متشربش ميه قبل النوم
---
🛏️ ثانيًا: وانت نايم...

🛑 لو بتنام على سريرك عادي، الحمض هيرجع بسهولة
✅ الحل: ارفع رأس السرير من عند الرأس 15–20 سم
(مش وسادتين… لازم ارتفاع فعلي للسرير)
---
🚭 ثالثا : حاجات صغيرة بس تأثيرها كبير

*بطل تدخين فورًا
🚫 بلاش لبس ضيق على البطن
*مضغ الأكل كويس
*ما تنامش بعد الأكل نهائي
*المشي بعد الأكل

طبعا ده مهم جدا الي جانب العلاج الدوائي في بعض الحالات حسب شدة كل حاله واعراضها.

عيادة دكتور

أخصائى الباطنة العامه والكلى بمستشفى القرين
الكشف بالاشعه التليفزيونية على البطن والحوض

02/01/2026

عيادة الباطنه العامه والكلي
وعلاج امراض المعده والجهاز الهضمي

30/12/2025

17/12/2025

....Soon

18/07/2025

جرعات فيتامين د اليومية تختلف بناءً على العمر والحالة الصحية
إليك الجرعات التقريبية:

الأطفال:

حديثو الولادة إلى عمر 12 شهرًا: 400 وحدة دولية يوميًا.

من 1 إلى 18 سنة: 600 وحدة دولية يوميًا.

البالغون:

من 19 إلى 70 سنة: 600 وحدة دولية يوميًا.

فوق 70 سنة: 800 وحدة دولية يوميًا.

الحوامل والمرضعات:

600 وحدة دولية يوميًا.

الحالات الخاصة:

قد يحتاج بعض الأشخاص جرعات أعلى بناءً على توصية الطبيب، مثل:

1. نقص فيتامين د المؤكد (حسب الفحوص):

الجرعات العلاجية قد تصل إلى 50,000 وحدة دولية أسبوعيًا لفترة محددة (6-8 أسابيع).

2. الأشخاص المعرضون لنقص فيتامين د (مثل كبار السن أو من لا يتعرضون للشمس):

قد تصل الجرعة اليومية إلى 1000-2000 وحدة دولية حسب الحاجة.

يُفضل استشارة الطبيب قبل تناول مكملات فيتامين د لتجنب الجرعات الزائدة 🌸

29/04/2025

الـ H. pylori هي بكتيريا حلزونية، بتعيش في الـ mucosal layer وده بيبقى زي عازل لجدار المعدة. فبص، لما بتكون عندك البكتيريا دي، بتلاقي مخبأ، يعني مش بس بتستعمر هناك، ده ممكن تقعد سنين، وتعمل مشاكل في الـ stomach والـ digestive system كله

المشكلة الرئيسية في الـ H. pylori هي إنها بتسبب الـ inflammation في الـ gastric mucosa. وده ممكن يعمل peptic ulcers وكمان ممكن stomach cancer على long term لو مراعيناش الموضوع صح. البكتيريا بتستخدم الـ urease enzyme عشان تحول الـ urea لـ ammonia وتعدل الـ pH في المعدة عشان تقدر تحمي نفسها، وده بيخلي المعدة معرضة للـ acid attack بشكل كبير. وده بالبلدي كده نقدر نقول عليه إنه بيزيد من خطورة الـ ulceration اللي بيعمل قرح في المعدة والـ duodenum. تعالى خلينا نخش في الأمراض اللي ممكن تبقى linked للبكتيريا دي

1. Gastritis
ده التهاب في المعدة، هو ده اللي بيعملك الـ burning sensation والـ nausea. يعني ممكن يحسسك كأنه معدتك فيها حرقان كده لإنه الجدار بتاع المعدة مبقاش قادر يقاوم الحمض كويس

2. Peptic Ulcers
دي قرح ممكن تلاقيها في الـ mucosa بتاعة المعدة أو الـ duodenum. البكتيريا دي بتفتح وتعمل خرم في lining أو النسيج اللي هو الجدار. يعني كأنه فيه "حفرة"، وده اللي بيخلي acid يدخل ويزيد الـ pain بشكل كبير

3. Stomach Cancer
الـ chronic inflammation اللي بتعمله الـ Helicobacter pylori ممكن يتحول لـ malignant changes، وده سبب يخليك تعرف ليه إنه البكتيريا دي مرتبطة بـ increased risk of cancer

4. Functional Dyspepsia
يعني بتبقى حاسس دايما إنه معدتك منفوخه discomfort بعد الأكل بسبب الـ slow motility، وبتخلي الـ digestion بطئ جدا، ده كأنه الجهاز الهضمي "مربوط كده ومخنوق"

5. GERD
الـ GERD عبارة عن حالة بيحصل فيها إن الحمض اللي في المعده بيرتجع، يعني بيرجع لمكان ماكانش مفروض يكون فيه، وهو المريء. المريء ده هو الأنبوبة اللي بتوصل الأكل للمعدة، واللي مش مفروض يكون فيها حمض المعدة، لأنه lining (الجدار) بتاعها مش متجهز علشان يتحمل حمض زي المعدة. يعني لما الـ H. pylori بتبقى موجوده في المعدة، ده ممكن يسبب زيادة في إنتاج acid أو يعمل ضغط على المعدة. الضغط ده هو اللي بيخلي الحمض ده يروح لفوق، فيبتدي الشخص يحس بحموضة وصعوبة في البلع وكأنه فيه حرقان في الصدر أو الحلق. أو حتى صعوبة في التنفس ودقات قلب سريعه. خلي بالك إنه الـ GERD ممكن يعمل تهيج في الجدار بتاع المريء، ويعمل تغيرات في الخلايا هناك لو الحالة مكملة فترة طويلة بدون علاج، زي مابيحصل في حالة Barrett's Esophagus

6. Iron Deficiency Anemia
البكتيريا دي بتلعب في الـ iron absorption، فتحس إنك ضعيف وتعبان لأنه الـ hemoglobin قل في الدم

7. Vitamin B12 Deficiency
بيبقى فيه نقص في الـ vitamin B12 لأنه الـ intrinsic factor اللي لازم لامتصاصه مش قادر يشتغل كويس بسبب البكتيريا

8. Chronic Gastric Inflammation
المعدة هنا بتبتدي تفقد وظيفتها الطبيعية، لأنها علطول عاملة زي الـ irritated tissue

9. Non-ulcer Dyspepsia
زي الـ functional dyspepsia، بس مافيش تقرحات، يعني بتحس بالتعب بدون وجود أي دليل على وجود مشاكل في الهضم

10. MALT Lymphoma
سرطان بيضرب جدار المعدة الـ mucosal layer، بتعمله الـ H. pylori عن طريق الالتهابات المتكررة وباستمرار

11. Zollinger-Ellison Syndrome
ده بيعملك أورام جوا المعدة بسبب high acid levels، الموضوع ده بيكون زيه زي زيادة الحموضة بس بشكل مش طبيعي

12. Gastric Outlet Obstruction
المعدة ليها مدخل اللي هو بيدخل منه الأكل من المريء، ومخرج اللي هو بيروح منه الأكل بعد ما يتحلل للأمعاء الدقيقة (الـ duodenum). الـ Gastric Outlet هو الجزء اللي بينتهي فيه الهضم في المعدة ويبتدي فيه الأكل يروح للمرحلة اللي بعدها في الجهاز الهضمي. لما بيحصل انسداد في الـ Gastric Outlet، الأكل مش هايتحرك براحته زي ما المفروض، وده ممكن يكون بسبب قرح كبيرة، أو حتى أورام بسبب الالتهابات الشديدة. الانسداد ده ممكن يعمل ألم جامد مع nausea، وفقدان الشهية loss of appetite. لأنه المعدة مش بتقدر تخلي الأكل يعدي بشكل طبيعي للأمعاء

13. Hiatal Hernia
ده بتبقى حتة من المعدة بتتحرك غلط ناحية الحجاب الحاجز، وده اللي بيأثر على عملية الهضم

14. Gastric Atrophy
اللي هو ضمور المعدة، ده بيبقى ببساطة إنه عندك خلايا المعدة اللي أصلا بتنتج الحمض والإنزيمات الهاضمة. بتبتدي تقل وتضعف في شغلها. ليه ده بيحصل؟ الـ H. pylori بتعمل damage في الـ gastric lining، اللي هو النسيج اللي بيبطن المعدة من جوا. مع الوقت وفي حالة chronic inflammation من البكتيريا دي، الخلايا دي ممكن تتعب بشكل يخلليها مش قادرة تشتغل زي الأول، فتبتدي تقل كمية الحمض والإنزيمات اللي بتفرزها. وده اللي بيخلي وظيفة المعدة في digestion تبقى أضعف من الطبيعي. وده اللي ممكن يعمل أعراض زي عسر الهضم، نقص في الفيتامينات. Weight loss، لأنه زي ماقلنا عملية الهضم والامتصاص مش شغالة كويس

15. Achlorhydria
الجسم بيبتدي يفقد القدرة على إنتاج الحمض والإنزيمات الهاضمة، وده اللي بيأثر على nutrition بشكل كبير

16. Gastroenteritis
ده بيعمل إلتهاب شديد في المعده بسبب الـ infections التانية، يعني هنا تأثير الـ H. pylori بيزيد ويضاعفها

17. Gastroparesis
المفروض إن المعدة بعد ماتهضم الأكل، بتنقله للأمعاء الدقيقة علشان تبتدي عملية الهضم والامتصاص، بس في حالة الـ Gastroparesis. الموضوع ده بيتأخر، لأنه الحركة البطيئة في المعدة ممكن تكون بسبب مشاكل في الأعصاب أو العضلات اللي بتبقى مسؤولة عن حركة المعدة. وده بيخلي الأكل يقعد لفترة طويله في المعدة. يعني بتشبع بسرعه بعد الأكل

18. Barrett's Esophagus
إتكلمنا عنها فوق وقولنا إنه دي بتحصل نتيجة للتعرض المستمر الـ acid exposure، اللي بيبتدي يضرب في الـ epithelial lining بتاع المريء

19. Duodenitis
ده بيبقى التهاب في الـ duodenum، اللي هو أول حتة (جزء) من الأمعاء، بسبب acid نفسه

20. H. pylori-related Dysbiosis
هنا الأمعاء بتفقد الـ gut flora، يعني البكتيريا النافعة بتبتدي تقل. وده اللي بيمهد لظهور أمراض تانيه كتير

21. Gastric Hyperplasia
دي ببساطة عبارة عن نمو زايد أو تضخم في الخلايا الموجودة في جدار المعدة. يعني عاوزك تتخيل إن جدار المعدة بيكون مكون من طبقات من الخلايا. ساعات، ممكن يحصل زيادة في عدد الخلايا دي، وده اللي بنسميه "Hyperplasia" أو تضخم. الزيادة دي مش إنه خلية واحدة بتكبر، لأ، ده ممكن تبقى خلايا زادت بشكل كبير، وده بيعمل نمو غير طبيعي في الأنسجة. الـ Gastric Hyperplasia غالبا مش خطر، لكنها ممكن تكون علامة مبكرة لمشاكل في المعدة، زي استجابة الجسم لمحفزات معينة اللي ممكن تتطور وتتحول لأورام

22. Erosive Gastritis
زي الـ erosions اللي بيحصل في الـ gastric mucosa نتيجة التهيج المستمر

23. Metaplasia
الضرب في خلايا الـ mucosa مع الوقت ممكن يعمل mutation غير طبيعية. الحاجه اللي بتزود من خطر الـ carcinogenic changes

24. Lactose Intolerance
بيحصل ضعف في هضم الـ lactose نتيجة التهاب المعدة، كمان الإنزيمات مش شغالة زي الأول

25. Elephantiasis Gastrica
تضخم في جدار المعدة وده بيكون directly linked ‏لـ inflammatory processes

26. Chronic Functional Abdominal Pain
دايما حاسس بوجع وكركبه في معدتك. ده نتيجة لتهيج المعده المستمر والخلايا اللي بيحصلها damage

27. Epigastric Pain Syndrome
واللي هو وجع في منطقة البطن من فوق، يعني. المنطقة اللي بيحصل فيها الألم بنسميها "epigastric region"، ودي بتكون تقريبا تحت الضلوع في الحتة اللي فوق من البطن. الألم هنا ممكن تحسه بحاجه ضاغطه أو نغزات. واللي بيختلف في قوته

28. Gastric Polyp
دي بتبقى زوايد لحمية في جدار المعدة. الـ gastric polyps دي عبارة عن تجمعات خلايا بتطلع فوق بعض وتgrow على الجدار الداخلي للمعدة. الشكل بتاعها ممكن يكون زي كتل صغيرة أو تبقى على شكل نتوءات على سطح المعدة. ودي ممكن تحصل بسبب التهاب المعدة على Long term بسبب التغير في الجينات (epigenetics) اللي بتلعب دور كبير في المشاكل اللي بتحصل للخلايا. في الغالب، البوليبات دي بتكون حميدة، يعني مش خطيرة. لكن فيه شوية منها، لو اتغيرت سماتها. ممكن تبتدي تتحول لأورام. علشان كده الدكاتره بيفضلوا مراقبينها

29. Autoimmune Gastritis
ببساطة، الـجهاز المناعي بيتلغبط ويبتدي يهاجم الـ body's own cells في جدار المعده بدل مايدافع عنها

الخلاصة، بكتيريا H. pylori حاجه زي جارك اللي مكتوب عليك. بس في المعدة، واللي ممكن تعملك مشاكل لو اتسابت من غير علاج. اهتم بمعدتك وماتهملش فيها، وحاول تتجنب أي أكل أو حاجه تدخل بوقك مش متأكد من مصدرها.

22/04/2025

درجه حراره الجو ٤٠ ي دكتور نعمل اى 🤒
بالنسبه للاطفال اللى اكبر من ٤ شهور وبدأت الام تدخلهم اكل لازم نزود شرب السوائل سواء ماء او عصائر بيتى بدون سكر 🤗
بالنسبه للاطفال الرضع اللى اقل من ٤ شهور الام لازم تشرب سوائل كتير لانها بتنزل فى اللبن ..
والاستحمام مهم جدا للاطفال فى الجو دا مرتين او تلاته فى اليوم 🙏
وخففوا لبس العيال 🚨 بس كدا

13/01/2025

لتجنب الامراض والأوبئة تعلم الطريقة الصحيحه لغسيل اليدين حتى تتمتع بالصحه والعافيه

23/12/2024

اوعي تفتكر
الزقلوطه و الشحطوطه دي فيها صحه أو حاجه حلوه أصلا

يعني طول عمرنا نعرف ان الكنافه هي كنافه..
جواها حبه فول سوداني ع شويه زبيب ع شويه جوز هند. وشكرا
انما تعمل كنافه... فوقها بسبوسه... فوقها كيكه.. فوقها كراميل.. فوقها مانجه... فوقها بسكوت..
انته بتدخل سعرات بطريقه بشعه للجسم البشري...
بتطحن البنكرياس طحن...
بتستدعي مرض السكر... ومعاه بتشد أمراض بالهبل..
مش عاوز أكمل واقولك ان الزيوت كلها مهدرجه غير صحيه..
مش عاوز اقولك ان مفيش لبن يغطي يعمل القشطه دي كلها...
كلها حاجات صناعيه... واللي اكل القشطه الطبيعيه هيعرف الفرق...
انته بتشتري المرض... بتستدعيه..
ونفس اللي صورلك فيديو وقالك... واو طعمها مفيش زيه..
هو نفسه اللي قبض فلوسه.. وراح ياكل اكل صحي ويلعب رياضه..

14/12/2024

🔷🔹نزلات البرد والدور المنتشر حاليا🔹🔷
☢️البوست دا مخصووووص علشانك ☢️
⭕في الايام الحاليه حضرتك شخص من اتنين
👈الاول : جالك دور برد وتكسير في الجسم ودايخ ومتبهدل
👈التاني : هيجيلك دور برد لو محافظتش علي نفسك كويس

🔷منتشر جدا الفتره دي فيروس مجهول الهويه ( مش هنقول
كورونا 🙊 ) والحقيقه انه بيسبب اعراض شديده جدا تتلخص في
الآتي :

👈اول وتاني يوم رشح واحتقان في الحلق
هتقول دا برد عادي
👈بعد كدا تالت يوم هيبدأ يظهر كحه وبلغم وسخونيه وصداع
وتكسير في الجسم
✨هنا حضرتك هتفكر تكشف 😊

👈بعد ٣ ايام كمان كل الاعراض دي هتختفي وهيظهر دوخه
شدييييده جدا
👈حرفيا هتلاقي الدنيا بتلف بيك ومش شايف قدامك وحاسس
بهبووووط شديد جدا وتايه

👈هتقعد يومين تلاته وبعد كدا كل دا هيختفي تدريجيا ويفضل
شوية رشح وكحه وبلغم

♦️🔹طبعا مع الكشف المبكر والعلاج الاعراض دي بتختفي سريعا
والحمد لله نسب التحسن كبيره جدا

🔷طيب حضرتك محتاج ايه حاليا ؟
👈رقم واحد حافظ علي نفسك وبلاش تقرب من حد عنده برد
وبلاش تقعد في مكان مقفول
👈اهتم جدا بالاكل والتغذيه والأكل الصحي مش اي اكل الدور دا
بيحتاج مناعه كويسه وجسم قوي
👈تجنب المروحه والتكييف وتخفيف الملابس هيحميك اكيد
👈تعامل انه دور برد عادي اتطمن مفيش خوف منه خاااالص
وهياخد وقت ويعدي

👈اخيرا لو بدأت تظهر الاعراض اتحرك بسرعه وخد علاج قوي
وحاول تسبق الفيروس

____________________________
دكتور
محــــمـــــــــود غــــــانـــــــــم
أخصائي الباطنة العامة والكلي ____________________________
تقدروا تنورونا فى العيادة
العنوان :- الهيصمية -بجوار صيدلية دكتور عمرو الشرقاوي