عيادة د/ مرثا عوني لأمراض المخ و الاعصاب و الطب النفسي

02/06/2026

17/11/2024

08/10/2024

ازاي نفرق بين الولد الشقي ال Active و بين الطفل اللي بيعاني من متلازمة فرط الحركة ‼️
‏Attention Deficit hyperactivity disorder (ADHD) ؟

🔴 في شرطين اساسيين لازم يكونو موجودين في الطفل قبل ما يتشخص كمريض فرط حركة .. 👇

١) ان يكون فرط الحركة ده ملازم للطفل في مكانين مختلفين من حيث البيئة .. يعني مثلا في البيت و المدرسة او الحضانة .. في البيت و النادي ..

⬅️ مينفعش يكون ابنك هادي و طبيعي في البيت و المدرسة بتشتكي من حركته في الفصل ونقول ان عنده فرط حركة .. غالبا هو زهقان منها بس .. و بالمثل مينفعش يبقى هادي في المدرسة وبيتنط زي القرد في البيت و نقول ان عنده فرط حركة ده غالبا بيدلع عليكي انتي بس ..

👈🏼 و من العلامات الطبية المميزة جدا للتفرقة برضو : ان يكون سلوكه بيتغير كمان مع تغير الأشخاص المحيطين بيه ،، يعني فرط الحركة (أو الشقاوة) تظهر في وجود الجد و الجدة او الأم مثلا و تختفي في وجود الأب ،، السلوك اللي بيظهر او يختفي بوجود اشخاص محددين مينفعش نرجعه ابدا لمتلازمة فرط الحركة

٢) الشرط التاني ان لازم الحركة الزائدة دي تكون مأثرة على تحصيله الدراسي او تطوره الطبيعي او قدرته على انجاز المهام المطلوبة منه .. مينفعش مثلا ان ابنك يكون بيطلع من الاوائل و تقولي ده عنده فرط حركة ! .. لا حضرتك ده معناه انه ذكي و يمكن اذكي كمان من اقرانه و مش محتاج التكرار اللي بتعمله المدرسة فبياخد المعلومة و بيشغل نفسه بأي حاجة تانية (زي مثلا اللعب في ودن زميله)

- ابنك مش متوفر فيه الشرطين دول ؟ ❗

⬅️ يبقى خلاص حضرتك مينفعش تفسري كل سلوك غير مرغوب منه انه بسبب (مرض) فرط الحركة و نريح دماغنا .. والعكس صحيح .. ما ينفعش يبقى ابنك عنده سلوكيات خارجة عن ارادته وتقولي دي شقاوة وتتعاملي معاه بعنف

الحمدلله ابنك مش بيعاني من متلازمة فرط الحركة ،، وجهيه باستمرار للصح و الغلط .. ،، خليه يلعب رياضة ،، اكليه اكل صحي .. قللي السكريات على قد ما تقدري (خصوصا بالليل) و امنعيه يتفرج على كارتونات الاكشن و العنف ،، ،، انتي نفسك غيري سلوكك العصبي و المتوتر في حياتك ،، طبقي معاه مبدأ الثواب و العقاب ،، هتتعبي شوية لكن هتشوفى نتيجة فى تعديل سلوكه ❤

08/10/2024

الصداع 🤯
و معناه الالم بالرأس و هو اكثر الاعراض و الاوجاع انتشارا ..🤕
و بالرغم من انتشاره الا انه فى الغالب تكون الام الرأس غير خطيرة و لكنها قد تكون دلالة على مشكلة ما ..😯

- و الصداع ينقسم الى قسمين 👇
🚩الصداع الاولى و هو الناتج عن النشاط الزائد للخلايا الحسية بالعصب الخامس المخى .
واشهر انواعه :
👈 الصداع التوترى(Tension Type Headache) و هو الاكثر انتشارا من انواع الصداع جميعا . و يشعر المريض وقتها بالم ضاغط بعضلات الرأس و الرقبه .
ومن اسبابه الاجهاد النفسى او الجسدى 😓

👈- الصداع النصفى (Migraine) و يتميز الصداع النصفى بنوبات متكررة بالم كالنبض او كالصليل فى ناحية واحدة من الجبهة او الناحيتين و غالبا ما يسبقه اضطرابات بالرؤية ما قبل نوبة الصداع و التى تسمى الانذار بالصداع او (Aura). و يصاحب الصداع النصفى القىء او الميل للقىء🤢

🚩الصداع الثانوى :
و الذى يظهر الصداع كعرض لمرض او مشكلة موجودة بالجسم او المخ .🧠

👈 وهناك علامات خطر للصداع : و التى تستدعى التوجه الى الطبيب او المستشفى و عمل فحوصات و الأشعات اللازمة .👨‍⚕️
- صداع مصحوب بعدم القدرة على تحريك احد الاطراف .🦵
- صداع يصاحبه الهذيان او اضطراب فى درجة الوعى . 🥴
- صداع يسبب الاستيقاظ من النوم . 😴
- صداع يزيد عند السعال او بذل مجهود خفيف او تغيير وضعية الجسم . 😪
- الصداع المصاحب للحمى . 🥵
- الصداع مصحوب بعدم الرؤية . 😑
- الصداع الجديد من حيث الشكل . 😵
تلك علامات الخطر التى تستدعى الاخذ بالاعتبار و الذهاب الى الطبيب .‎ ⚠️👨‍⚕️