09/08/2022
⭕ مدة العلاج مع تقويم الأسنان بتختلف من حالة للتانية بتتراوح من ٤ ل ٦ شهور في الحالات البسيطة وممكن توصل لسنتين او أكتر حسب الحالة وصعوبتها. ومتوسط مدة معظم الحالات في حدود سنة ونص.
⭕ هل في وسائل لتسريع مدة العلاج ؟
في المقام الأول خطة العلاج السليمة مع دكتور تقويم متخصص هتخلي مدة العلاج تنتهي في اسرع وقت ممكن حسب حالتك و صعوبتها. وفيه بعض الوسائل اللي بتسرع مدة العلاج بشكل نسبي زي الليزر وتقنية الـ Biostimulation وبعض أنواع تقويم الأسنان زي الـ Damon System.
⭕ ايه هي الإرشادات بعد وضع تقويم الأسنان ؟
بنطلب من المريض الإبتعاد عن الأكلات الناشفة زي المكسرات والفشار مثلاً، وتقطيع الأكل بشكل عام لقطع صغيرة ويتم مضغها على الضروس الخلفية. وبننصح بتقليل المشروبات أو المأكولات اللي بتحتوي على سكريات.
وبنهتم جداً بغسيل الأسنان بشكل دوري بعد كل وجبة أساسية ده غير الغسيل بعد الوجبات الخفيفة اللي بين الوجبات .. يعني ببساطة غسيل الأسنان بعد الأكل واستخدام مضمضة تحتوى على مادة الفلورايد بشكل يومي لمقاومة التسوس خلال فترة العلاج.
⭕ هل في إجراءت معينة قبل البدء في تقويم الأسنان ؟
طبعاً بعد الفحوصات والتشخيص السليم بنطلب أشعات معينة لتحديد مسار خطة العلاج. وبعد كده لو في أي تسوس أو مشاكل في اللثة بيتم علاجها قبل تقويم الأسنان علشان مايكونش في اي مشاكل في الأسنان أو اللثة طوال فترة العلاج.
⭕ هل تركيب تقويم الأسنان مؤلم ؟
لا خالص.. جلسة تركيب أجهزة تقويم الأسنان غير مؤلمة تماماً ومابتحتاجش أي بنج أو حقن تخدير. وبتظهر الام بسيطة جداً أو متوسطة بعد تركيب سلك التقويم بـ ٢٤ ساعة بسبب بدء تحريك الأسنان لوضعها السليم. والألموبيكون بسيط جداً أو ممكن يوصل لدرجة متوسطة وبنقدر نتغلب عليه ببساطة بالمسكنات العادية وبيقل تدريجياً ويختفي في حدود اسبوع من بدء العلاج.
⭕ هل لازم أخلع ضروس علشان أعمل تقويم أسنان ؟
لأ لإن خطة العلاج بتختلف من حالة للتانية، بعض الحالات بتحتاج خلع وبعض الحالات مابتحتاجش خلع. الخلع او عدمه متوقف على حالة ووضع الأسنان والفكين وهل في بروز واضح للأسنان ولا لأ .. ومتوقف على معدل ازدحام الاسنان واللخبطة اللي موجودة في وضع الأسنان.
⭕ تكلفة حالتي هتكون كام ؟
تكلفة تقويم الأسنان بتختلف من حالة للتانية حسب وضع الحالة ووضع الأسنان والفكين. وبتختلف من طبيب للتاني على حسب هل هو متخصص في تقويم الأسنان ولا لأ. وبتختلف كمان حسب جودة الخامات المستخدمة وحسب التكنولوجيا اللي بيستخدمها الدكتور المتخصص لضمان أفضل نتيجة, فطبيعي يكون فيه تفاوت في تكلفة العلاج من حالة للتانية بسبب عوامل كتير جداً وبيتم تحديد التكلفة الخاصة بكل حالة بعد الكشف والتشخيص السليم واستيفاء الاشعات اللازمة للحالة.
⭕ ازاي آخد خطوة لعلاج أسناني وتجميلها والبدء مع تقويم الأسنان ؟
أول خطوة هي اختيار الدكتور المناسب ليك .. وده بيتم إما عن طريق البحث أو من خلال أحد الأصدقاء أو الأشخاص اللي بدأوا فعلياً مع تقويم الأسنان.
ومهم جداً إنك تاخد وقتك في اختيار الدكتور المناسب لضمان اعلى فرصة نجاح لحالتك ووضع أسنانك .. وتقدر تقوم بزيارة أكثر من طبيب لو هتعتمد على طريقة البحث .. وتسمع من كل دكتور تشخيص حالتك علشان تقدر تكون فكرة عن وضع اسنانك وخطة العلاج السليمة اللي هتتعالج بيها.
وبعد كده بتستقر على أكتر دكتور مرتاح معاه وتكلفة العلاج معاه مناسب ليك ووقتها ضروري تدي للدكتور الثقة علشان يقدر يساعدك وياخد خطوات العلاج المناسبة ليك .. ونجاح العلاج بيكون ملحوظ تدريجياً خلال مدة العلاج من خلال التحسن الملحوظ اللي بتوصله من خلال فترة علاجك.
⭕ ايه أكتر حاجة تضمنلي إن حالتي تتحسن مع تقويم الأسنان ؟!
أهم حاجة فعلياً في تقويم الأسنان هي خبرة الدكتور وإنه يكون متخصص في تقويم الأسنان علشان يقدر يشخص حالتك بشكل سليم ويحدد خطة علاج صحيحة لعلاج المشاكل اللي بتعاني منها ..
تاني حاجة مهمة هي التزامك بتعليمات الدكتور والتزامك بجلسات المتابعة والحفاظ على نظافة أسنانك خلال فترة التقويم ..
⬅️ أي إستفسارات تانية بخصوص تقويم الأسنان تقدروا تبعتولنا وهيتم الرد عليها كلها إن شاء الله فى أسرع وقت ❤️
نتشرف بزيارتكم في عيادتنا...
١١٥ شارع فيصل بجوار مركز الطاهرة للاشعة.. برج الزهور الدور الارضي )محطه الكوم الأخضر(...
T: 02-37725844
T+Whatsapp: 01277703156
