دكتورة نيفين حمدى أخصائيه أمراض النساء و التوليد و تأخر الأنجاب

  • Home
  • Egypt
  • Giza
  • دكتورة نيفين حمدى أخصائيه أمراض النساء و التوليد و تأخر الأنجاب

دكتورة نيفين حمدى أخصائيه أمراض النساء و التوليد و تأخر الأنجاب دكتورة نيفين حمدى أخصائيه أمراض النساء و التوليد و تأخ?

27/12/2025

باعتذر لكل السيدات الافاضل اللي لهم مواعيد النهاردة لاني مريضة جدا و حرارتي مرتفعة و ان شاء الله نستأنف العمل بالعيادة يوم الاثنين القادم

03/11/2025

✍️معلومة علي الماشي✍️
من الاخطاء الشائعة جدا ان السيدة اللي بتولد قيصري مش بيجيلها طلق .. لو جاتلي مريضة تشكو من الآم شكيت انها طلق و قولتلها كده بتعترض و تقولي طلق ازاي و انا باولد قيصري .. السيدة التي تلد قيصري بيجيلها طلق عادي زي اي امرأة ..و لذلك بنحدد موعد للقيصرية بدري شوية قبل بداية الطلق الطبيعي حتي لا نضطر لإجراء القيصرية في وجود طلق و ده خطر علي الرحم و الطفل
✍️دمتم سالمين✍️

01/08/2025

منقول للإفادة..
أنا هتكلم عن حاجة بعيدة كل البعد عن تخصصى و هو ادمان “الشابو" أو "الميث" أو "الأيس" ، كل دى مسميات لمادة واحدة و هى مادة مخدرة مصنعة من ال methamphetamin drug ، و طبعا فى مصر مش بتبقى مصنعة من الmethamphetamin فقط لأن سعره مش قليل فبتتخلط بمواد كيميائية اخرى.خلال شغلى قابلت حالتين من مدمني المادة دى بيبحثوا عن تشخيص طبى للاعراض الى بيعانوا منها و عدم ادراكهم لارتباطها بادمان الشابو و طبعا زملائى من المختصين بعلاج الامراض النفسية و العصبية و الادمان شافوا عدد اكبر بكتير من الحالتين الى هتكلم عنهم لان ده فى صميم تخصصهم و هما طبعا يقدروا يفيدونا اكتر فى عواقب و خواطر ادمان
الشابو.

أول حالة شوفتها كان راجل كبير فى السن بيشتكى من خروج ديدان من اصبعه و تم تحويله لعيادة طب المناطق الحارة، الراجل بدأ كلامه ان هو بيشوف ديدان بتخرج من اصبعه و بيفضل يشد فيها ، طلبنا منه انه يكشف اصبعه، و تفاجئنا ان الراجل مقشر اصبعه كله بايده لحد ما وصل للأوتار و الأوتار كانت مكشوفة معتقدا ان كده هو بيشد الديدان مش بيشد جلده و مش مدرك ان هو كده بيعور و يأذى اصبعه ، بعدها بدأ يشاور على الديدان و ينفعل اننا مش شايفنها و فعلا مكنش فى اى حاجة، ثم اتدعى ان هو لو اكل بسكوت او حاجة مسكرة الديدان بتبدأ تخرج اكتر من اصبعه، و فعلا خرج جاب بسكوت و طلع و بدأ ياكله علشان يورينا الديدان و هى طالعة، و لما سألته اذا كان بيتعاطى اى ادوية مخدرة، قال انه بيتعاطى الشابو و لكنه مبطله من فترة، تم تحويل الحالة للمتابعة فى عيادة الادمان و لكن التفسير يفهمه الكثير من الاطباء بأن ده يسمى بالهلاوس البصرية و دى من علامات الذهان (psychosis) و انه ممكن ينتج عن مخدر مثل الشابو و بيكون تأثيره مزمن على المخ حتى بعد ايقاف تناول المادة المخدرة.

تانى حالة هى بنت صغيرة ٢٦ سنة، تبحث عن تشخيص لمدة شهرين بسبب فقدان مفاجئ فى الوزن ١٠ كيلو فى شهر و قئ مستمر و تم تشخيصها من اطباء أخرى بقرحة فى المعدة، وقت ما جاتلى كانت عايزة اى حاجة توقف الترجيع، لكن لما ناظرتها وجدت انه مش قئ و لكن Drooling of saliva و عند فحص فمها كان يوجد عدوى فطرية شديدة oral candidiasis و اعتقدت ان ممكن يكون وصل للمرئ و ده الى مسببلها صعوبة فى البلع esophageal candidiasis ، و بدأت افكر فى الامراض المعدية و الامراض غير المعدية الى بتؤدى الى ضغف المناعة و الاصابة بالعدوى الفطرية الشديدة. الحالة كانت محتاجة حجز لانها كانت بتعانى من نقص شديد فى البوتاسيوم و عدم التحكم فى البول urinary incontinence فكانت محتاجة MDT لمناظرتها من قبل اكثر من تخصص لتشخيص الحالة و بالفعل تم حجز الحالة و ابلاغ تخصص المخ و الاعصاب و طلب رنين مغناطيسى على المخ لوجود quadriparesis و الرنين اوضح وجود multiple hyperintense lesions and one of them affecting brainstem و ده يفسر صعوبة البلع الى معاها بانها central dysphagia ، يعنى صعوبة فى البلع بسبب مركزى فى المخ و ليس بسبب الفطريات، طبعا الحالة كده بقت out of our scope بعد استبعاد اى مرض معدى و استبعاد اسباب الجهاز الهضمى الاولية، امراض المخ و الاعصاب كانوا بيفكروا فى امراض زى multiple sclerosis و neuromyelitis optica و اسباب مناعية اخرى، لكن حد من نوابنا سأل الحالة اذا كانت بتتعاطى اى مخدر و جاوبت ان جوزها كان يجعلها تتناول مخدر الشابو بكميات كبيرة جدااا بشكل يومى. طبعا ده غير مسار الحالة تمام و خلاها تقع فى دايرة ال Drug induced.

طيب انا عايزة ايه من القصة الطويلة العريضة دى؟! ان مخدر الشابو مش مجرد مخدر بيخلي مودك High شوية و خلاص، لا ده مخدر مؤذى و بيأثر على خلايا المخ بشكل مزمن ، و تانى حاجة عايزة اقولها ان من يتعاطى الحشيش بشكل occasional كما يعتقد ممكن ان يؤدى به لنفس الشئ لان الحشيش فى مصر مش مجرد نبات الweed و لكن بيتم خلطه بمواد كيميائية اخرى و ممكن يتم خلطه بمواد تشبه المواد المصنعة المستخدمة فى تصنيع الشابو و ممكن و الله اعلم يؤدى لنفس التأثير على خلايا المخ ،،،متضمنوش اى مادة مخدرة حتى لو كان يقال انها مادة طبيعية و لا تسبب الادمان،،،ولو حسيتوا انكم عايزين تهربوا من نفسكم او من اى حاجة مضايقكم ارجوكم توجهوا لطبيب نفسى بدل من ان تتوجهوا لمواد مخدرة،،،

Dr Nesrin M.Ismail

19/11/2024

السلام عليكم ورحمة الله و بركاته
اولا: شكرا جزيلا لكل السيدات الفضليات اللي سالوا عليه في فترة مرضي السابقة اللي انقطعت فيها عن العيادة
ثانيا : باذن الله سيتم استئناف العمل بالعيادة يمشيئة الله من يوم الخميس القادم 21/11
و اعتذ لكل مريضة تاخرت في مراجعتها و كل من لها استشارة مؤجلة ستحصل عليها باذن الله

رحيم حبيبي اللي اتولد علي ايدي ♥️♥️
10/08/2024

رحيم حبيبي اللي اتولد علي ايدي ♥️♥️

Address

46 شارع عبد العال 2 متفرع من شارع 20 – فيصل
Giza

Opening Hours

Tuesday 6pm - 10pm
Thursday 6pm - 10pm
Saturday 6pm - 10pm

Website

Alerts

Be the first to know and let us send you an email when دكتورة نيفين حمدى أخصائيه أمراض النساء و التوليد و تأخر الأنجاب posts news and promotions. Your email address will not be used for any other purpose, and you can unsubscribe at any time.

Shortcuts

Share

Category