18/08/2026
1) طفلك بيتشنكل كتير وبيقع وهو ماشي، يبقى لازم نطمن على مهارات الإنتباه والتركيز.
2) طفلك بيتلعثم في الكلام، يبقى نطمن على حالته النفسية، ونعالجه.
3) طفلك انطوائي، نشوف الثقة بالنفس وندعمها.
4) طفلك بيكدب، ندعمه ونديله الأمان وبلاش عقاب.
5) طفلك سريع الغضب، بلاش انتي كمان تتعصبي عليه، تجاهليه واحتوي غضبه.
6) طفلك بيحط ايديه على اعضاءه التناسلية؛ نكشف جلدية، ونشوف الحساسية، غير كده نشغل ايده دايما بدون عقاب.
7) طفلك بينام على بطنه؛ نحط مخدة جنبه ويسند رجله عليها.
8) طفلك مش بيصلي؛ صلي أنتي الأول، واديله مكافآت كل مايصلي لغايه ما يتعود.
9) طفلك رغاي؛ وظفي الرغي ده في قصص مفيده، ووجهيه، بس بلاش نقوله اسكت.
10) طفلك خطه في الكتابة منعكش؛ اعمليله دواير وكلمات منقطة، ويمشي عليها، وندعمه على ده.
11) طفلك عدى 6 سنين وشافكم في العلاقة الخاصة؛ نحكي له بشكل مبسط علاقتكم ببعض بدون تفاصيل.
12) طفلك عدى ال٣ سنين ومش بيتكلم، فورا نكشف له تخاطب ويتابع جلسات.
13) طفلك بارد وبطئ وردود أفعاله زي السلحفاه.. نشترك له في نشاط رياضي ونزود ثقته بالنفس، وبلاش ضرب كتير.
14) طفلك وصل لتالته ابتدائي ومافيش فهم ولا قراءة ولا كتابة خالص.. غالبًا بيعاني من صعوبات تعلم.
المعلومات دي مختصرة وغير معممة، ومش شرط تعبر عن حالة كل طفل، في المجمل نتابع ونسأل أهل التخصص.
المشاكل اللي فاتت دي ليها علاج عندنا في أكاديمية مصطفى الديب للدعم النفسي والتعليمي
للحجز والاستفسار واتس اب
01119082578
