07/10/2026
🧠 لما الصوت الداخلي ينتقدك
ممكن تلاقي جسمك اتوتر قبل ما تلحق تفكر.
«أنا غلطت.»
«كان لازم أعمل أحسن.»
«أكيد الناس شايفاني فاشل.»
«ماينفعش أغلط.»
النقد الذاتي ممكن يبدأ كفكرة
لكن الفكرة أحيانًا تثير مشاعر قوية وتغيّر طريقة استجابتنا للموقف.
خصوصًا لو النقد لمس نقطة حساسة عندنا، زي الخوف من الفشل، الرفض، أو فقدان التقدير.
🧠 إيه اللي ممكن يحصل؟
مفيش استجابة واحدة عند كل الناس.
بعض الأشخاص ممكن يدخلوا في:
🔸 المواجهة أو الدفاع
يبدأ يجادل، يبرر، يثبت إنه مش غلطان، أو يغضب بسرعة.
وممكن يصاحب ده علامات جسدية للضغط مثل زيادة ضربات القلب، توتر العضلات، وتسارع التنفس.
🔸 الانسحاب
يبعد عن الموقف، يقفل على نفسه، يتجنب الكلام، أو يفضل يختفي شوية.
🔸 التوقف أو صعوبة الاستجابة
يبقى عارف إنه عايز يرد، لكن مش عارف يقول إيه.
ممكن يسكت، يحس إنه «فصل»، أو يحتاج وقت قبل ما يعرف يتصرف.
والأهم:
مش كل انسحاب يعني حالة فسيولوجية معينة، ومش كل صمت يعني Freeze.
الاستجابة بتتأثر بالسياق، والتاريخ الشخصي، وشدة الموقف، وطريقة الشخص في التعامل مع الضغط.
في RO-DBT، ممكن نهتم جدًا بما يحدث عندما يشعر الشخص بالنقد أو الرفض، خصوصًا لو عنده نمط من التحكم الزائد Overcontrol.
مثلًا:
هل بيحاول يخفي مشاعره؟
هل لازم يكون «صح» طول الوقت؟
هل صعب عليه الاعتراف بالخطأ؟
هل يفضل ينسحب بدل ما يطلب الدعم؟
هل بيحلل كل كلمة اتقالت؟
هل بيحاول يسيطر على صورته أمام الآخرين؟
هنا السؤال
«إيه النمط اللي بيظهر عندي لما أحس إني مرفوض أو مش كفاية؟»
ومن هنا نبدأ نشتغل على المرونة، الوعي بالإشارات الاجتماعية، التعبير، والانفتاح على التواصل بدل الاعتماد التلقائي على السيطرة أو الانسحاب.
🧠 في إطار Polyvagal Theory، يتم النظر إلى الإحساس بالأمان والتهديد الاجتماعي باعتباره مرتبطًا بتنظيم الجهاز العصبي والاستجابات الدفاعية.
🤍 الهدف مش إنك تمنع جسمك من الاستجابة.
الهدف إنك تتعلم تلاحظ الاستجابة بدري، وتفهمها، وتوسع المساحة بين «أنا حسيت» و**«أنا تصرفت».**
لأن:
النقد ممكن يوجع…
لكن مش لازم كل وجع يتحول لهجوم، انسحاب، أو جلد للذات.
نورهان هشام
معالجة نفسية إكلينيكية 🌿