Coach Walaa Zarzour

Directions Website Contact the practice

Coach Walaa Zarzour كوتش علم النفس الإيجابي بمنهج معتمد من الاتحاد الدولي للكوتشينج ICF
صاحبة ورشة " إحكي " للنساء

ولاء زرزور
مدربة تطوير ذاتي
كاتبة أطفال
إذاعية
مستشار أسري و تربوي

أخطر حاجة ممكن تعمليها في حق قلبكإنك تتعلقي بحد قبل ما تشوفيه على حقيقته.فتفضلي تفسري  الإهمال إنه ضغط،وقلة الاهتمام إنه...
17/05/2026

أخطر حاجة ممكن تعمليها في حق قلبك
إنك تتعلقي بحد قبل ما تشوفيه على حقيقته.
فتفضلي تفسري الإهمال إنه ضغط،
وقلة الاهتمام إنه مشغول،
وعدم الوضوح إنه محتاج وقت اكتر
لحد ما تلاقي نفسك مستنزفة نفسيا
في علاقة بتسميها حب
و تتجاهلي احساسك بعدم الأمان و مابتعرفيش انك متعلقة بأوهام
علشان كده عملتلك ورشة
✨ قبل ما تتعلقي ✨
علشان تعرفي:
• ليه بتتعلقي بالشخص الغلط؟
• الفرق بين الحب والاحتياج
• العلامات الحمراء اللي لازم تنتبهي ليها
• إزاي تختاري شريك حياة بوعي مش بفراغ عاطفي
لو قلبك تعب من الحيرة والشد والجذب
فالورشة دي ليكي ❤️
معادنا الجمعة الجاية 22 مايو في اسكندرية على ترام الهدايا الساعه 5
لو مهتمة تحضري اكتبي “مهتمة” ✨ و هبعتلك لينك التسجل
او ادخلي على اللينك ده
https://ehki-workshop.netlify.app/
#احكي

01/05/2026

انتي تستاهلي يتسقفلك و يتقالك برافو عاش يا بطلة
كل عيد عمال و كل ست بتشتغل تاج على راس المجتمع اللي بتنميه و بتسنده و تقويه 💪
عاش يا ستات 👏👏👏👏👏👏

#احكي مع

للمش متزوجين فقط 😉بكرة على قناة نايل لايف في برنامج آدم و حوا   الساعه ٦ المغرب هكون ضيفة في البرنامج علشان نفهم نختار ا...
07/10/2025

للمش متزوجين فقط 😉
بكرة على قناة نايل لايف في برنامج آدم و حوا الساعه ٦ المغرب هكون ضيفة في البرنامج علشان نفهم نختار ازاي بعض و نتصرف ازاي قبل الزواج و هل لسه فيه خاطبة و لا مفهوم الخاطبة اختلف و بقى إلكتروني 😜
هو إحنا ازاي نفهم أن اختيارنا صح و إزاي نعرف ان إشارات قلبنا بتقول الحقيقة و نمشي ورا احساسنا بس و لا نحكم عقلنا كمان و نعمل توازن بين القلب و العقل علشان ما نرجعش نندم؟
و هل العلاقات الحقيقية بتتبني خلف الشاشات و لا على أرض الواقع؟
إزاي أعرف أن الشخص ده حقيقي مش مزيف ورا بوستات و صور؟
و كلام كتير جميل هنقوله بكره مع آدم و حوا و انتو 😍
استنوني و انا كمان هستناكم 😍

بفضل الله مدرب معتمد في برنامج Women in Digital Business Training of Trainersالتابع لمنظمة العمل الدولية و مايكروسوفت  ف...
20/09/2025

بفضل الله مدرب معتمد في برنامج
Women in Digital Business
Training of Trainers
التابع لمنظمة العمل الدولية و مايكروسوفت في مبادرة المرأة في الأعمال الرقمية
كمدرب لمدربات في ريادة الأعمال الرقمية للنساء 🙏

إزاي تكتشفي إنه مناسب و مش مخادع ؟لما بندخل في علاقة جديدة، كلنا بنتمنى إن اللي قدامنا يكون صادق وواضح. بس أحيانًا الكلا...
19/07/2025

إزاي تكتشفي إنه مناسب و مش مخادع ؟
لما بندخل في علاقة جديدة، كلنا بنتمنى إن اللي قدامنا يكون صادق وواضح. بس أحيانًا الكلام الحلو ممكن يخدعنا و علشان تسلكي رحلة الوعي صح خدي بالك من اللي جاي:

1. شوفي أفعاله مش كلامه وبس
كتير بنسمع كلام جميل زي "أنا بحب النقاش والحوارلكن هل الأفعال بتطابق الكلام ده؟ هل بيقاطعك كتير وأول ما تختلفوا بيتعصب؟
ولو حد بيقول إنه بيحترم الخصوصية، هل بيلح عليكي يعرف حاجات إنتِ مش جاهزة تحكيها؟؟ الصدق الحقيقي بيبان لما تلاقي إن أفعاله بتعكس كلامه بالظبط.

2. اسألي أسئلة تكشف طريقة تفكيره
بدل ما تعتمدي على الإجابات المثالية، اسألي أسئلة عملية وبسيطة تبينلك طريقة تفكيره الحقيقية. ممكن تسألي: "لو اختلفنا في الرأي، بتتصرف إزاي؟" أو "إيه أكتر حاجة ممكن نتخانق عليها في المستقبل؟" الشخص الناضج والصادق هيرد بصراحة وهيبينلك إنه بيفكر بعمق في المشاكل وازاي يتعامل معاها. أما اللي بيحاول يرسم صورة مثالية لنفسه، غالبًا هيكون بيحاول يبان ملاك.

3. الوقت بيكشف المستور
العجلة ممكن تخلينا منشوفش الصورة الكاملة. أي حد بيحاول يلبس قناع مش هيقدر يحافظ عليه للأبد. مع الوقت، هتشوفي شخصيته الحقيقية تحت الضغط، وقت الزعل، وقت غيرته، وحتى لما تبدأي تعيشي حياتك بطريقتك وتحددي أولوياتك. هل هيدعمك ويشجعك ولا هيتضايق من استقلاليتك؟ الوقت كفيل إنه يكشف كل حاجة. بس المهم ركزي

4. خلي بالك من المبالغة في المشاعر
لما تلاقيه بيقولك كلام مبالغ فيه زي "عمري ما أزعلك أبدًا" أو "أنتِ كل حياتي"، ده ممكن يكون بيقولك اللي هو فاكر إنك عايزة تسمعيه. ده مش معناه إنه مش صادق، لكن ممكن يكون بيحاول يرضيكي بزيادة و ده مش منطقي، اسأليه أسئلة تخليه يفكر في جوانب أقل مثالية في العلاقة، زي "إيه أكتر حاجة تتوقع ممكن نختلف عليها؟" إجابته الصادقة هنا هتبينلك إنه شخص بيفكر بعمق وواقعية.

5. استشيري آراء محايدة وموثوقة
لو عندك الفرصة تسألي حد ناضج ومحايد يعرفه كويس، زي أخته أو صديق مقرب أو حتى زميل شغل، ده ممكن يديكي رؤية مختلفة. كمان، خدي رأي حد فاهمك كويس ومرّ بتجارب سابقة، بس اختاري شخص مش بيحكم على الناس بسرعة وبيقدر يشوف الأمور من زوايا مختلفة. الآراء دي ممكن تكون مفيدة جدًا عشان تاخدي قرار سليم.
قاعدة ذهبية:
الحب الحقيقي مش مجرد كلمات حلوة، الحب بيبان وقت الخلاف. هل فيه احترام متبادل وقت لما تختلفوا؟ هل فيه سعي للتفاهم والاحتواء؟ ولا أول ما تختلفوا، بتتحولي لشخص غريب عنه؟ فكري في النقطة دي كويس جدًا.
يا ترى إيه أكتر نقطة من دول حاسة إنها مهمة ليكي لما بتتعرفي على حد جديد؟

#احكي مع و #علاقات #حب #زواج #خطوبة

Address

Giza

Alerts

Be the first to know and let us send you an email when Coach Walaa Zarzour posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Coach Walaa Zarzour:

Shortcuts

Share