06/11/2025
مس أنا مبسوط أوي من الكلام اللي قولتيه انا كنت قاعد زعلان علشان قالولي صوتك وحش
بس لما اتكلمتي و قولتيلهم ان ده تنمر حسيت انك ساعدتيني شكرا بجد ♥️
الولد الجميل ده في نشاط النهاردة جه قالي بصوت واطي انهم ضحكوا عليه و هو بيغني و قالوله صوتك وحش و كان زعلان اوي 💔
بس انا ما سيبتوش زعلان 😉
-يا ولاد لو احنا حد قالنا ان شكلنا وحش أو رسوماتنا وحشة أو صوتنا وحش و قال انه بيهزر هيبقى ده هزار فعلا؟
=لأ يا مس ده تنمر
-طبعا ده تنمر و التنمر ده حاجة حلوة َ لا حاجة وحشة؟
=حاجة وحشة
-طيب نقول ايه لنفسنا لو قولنا لحد من زمايلنا ان صوته وحش؟
=احنا أسفين
- يبقى ما نقولش لحد ان شكله وحش أو صوته وحش أو لبسه وحش أو نعيب عليه
لازم نشجعه و نقوله برافو رسمتك حلوة صوتك جميل برافو عليك علشان نساعده ينجح و ما نضايقهوش و نزعله
صح يا ولاد؟
=صح يا مس
-طيب المهم عرفتوا مين هو الملك توت عنخ امون و قصة المتحف المصري الكبير؟
= عرفنا يا مس انه كان ملك صغير و عمل حاجات حلوة و عنده قناع ذهبي و المتحف كبير اوي و ماليان آثار
-يعني هتروحوا المتحف مع بابا و ماما؟
=أيوااااااااااااااا
- طيب عرفتوا ايه هي المومياوات؟
-
= اه هي ناس ملفوفين بمناديل بيضا
-😭😭😭😭😭😭 يا خسارة تعبي و مجهودي 🤣🤣🤣
من المتع اللي بعيشها بجد مع الأطفال في زياراتي للمدارس ♥️♥️♥️♥️
بحب طفولتهم أوي و نقاءهم و العالم البرئ اللي هم عايشينه 🤍
اللي محتاج حب يروح يقعد مع الأطفال هياخد منهم سعادة ماحسهاش بالشكل الجميل ده ❤️🤍
