Mind Zone psychiatry center - مركز مايند زون للطب النفسي أ.د هشام حجازى

  • Home
  • Egypt
  • Giza
  • Mind Zone psychiatry center - مركز مايند زون للطب النفسي أ.د هشام حجازى

Mind Zone psychiatry center - مركز مايند زون للطب النفسي أ.د هشام حجازى Contact information, map and directions, contact form, opening hours, services, ratings, photos, videos and announcements from Mind Zone psychiatry center - مركز مايند زون للطب النفسي أ.د هشام حجازى, Mental Health Service, 96 El Tahrir Street , El Dokki, Giza.

نؤمن أن العلاج النفسي قادر على تغيير الواقع وتحسين جودة الحياة. رؤيتنا أن نكون شركاء في رحلة التعافي والرفاه، ندعم كل فرد لتخطي عقباته وتحقيق أقصى إمكاناته. نساهم في تحقيق العافية النفسية، ومجتمع متكامل من الإيجابيين والمنتجين. خدمات مركز مايند زون للطب النفسي
يقوم المركز بتقديم رعاية الطب نفسي المتخصصه للمرضي النفسيين ومرضي الادمان ومرضي الأمراض المزمنة والحاده المصاحبين بأعراض نفسيه من خلال نخبه مختاره من الاطباء والمعالجين النفسيين.

يوفر المركز الخدمات الاتية:
- العلاج الدوائي
- العلاج النفسي الجمعي
- العلاج النفسي الفردي
- العلاج النفسي الاسري والزوجي
- العلاج بالتامل والاسترخاء
- العلاج بالموسيقي والعلاج الحركي
- الارشاد الاسري والتربوي والزواجي والاجتماعي
- تقييم الذكاء وفرط الحركه والتوحد للاطفال
- تقييم الشخصيه للراشدين .

- علاج مشكلات التركيز والتأخر الدراسي واضطرابات فرط النشاط والتوحد واضطرابات الكلام والاكل والاخراج والمسلك لدي الاطفال.؟

- علاج مشكلات الذاكره والخرف والشيخوخه لدي كبار السن .

- علاج الاضطرابات الوجدانيه والذهانيه واضطرابات النوم والقلق والوسواس والاضطرابات الجسديه والتحوليه واضطرابات التوجه الجنسي والشخصيه وغيرها لدي جميع الاعمار .

- علاج الاضطرابات النفسيه الناشئه عن او التاليه للصدمات او سوء المعامله واضطرابات التأقلم لدي الكبار والصغار والرجال والنساء .

- الحالات التي يغطيها تخصص اعصاب الاطفال مع مراعاة الفترة العمرية من الولادة وحتي سن السادسة عشرة.
الصرع بأنواعه، امراض العضلات، امراض الحبل الشوكي، الصداع بأنواعه، ارتخاء الجسم وارتخاء العضلاتبانواعها، امراض التاخر الذهني والعقلي، امراض التصلب العصبي والتشدد العضلي، امراض التشوهات الخلقية المعوقة، علاج الصرع بالحمية الكيتونية وجهاز العصب الحاءر، علاج التشدد العضلي وعرق اليد الشديد بحقن البوتوكس.

- يقدم المركز خدمات الدعم والارشاد والعلاج النفسي الاسري والزوجي لعلاج المشكلات الزوجيه والتربويه والمشكلات الخاصه بعلاقات العمل .

- تقييم وعلاج ادمان المواد المخدره بأنواعها المختلفه وادمان المواقع الاباحيه والعاب الانترنت ومختلف أنواع الادمان.

- يقوم المركز بتقديم دعم مهني متخصص وعلاج نفسي - ودوائي اذا استدعي الأمر- لحالات السرطان والعلاج منه والامراض المزمنة والحاده والاعراض النفسيه لدي مرضي القلب والامراض العصبيه ومرضي الامراض المناعيه والجلدية ومضاعفات مرض السكري وغيرها

- يقدم المركز خدمات الدعم والتأهيل النفسي السابقه واللاحقة لمرضي الجراحات الكبري وتحويل مسار المثانه والقولون والبتر والاعاقات والتشوهات الناتجه عن الحوادث والحروق وغيرها

افتكر إن السعة التخزينية لدماغك متغيرتش .. بس كمية البيانات والمسؤوليات هي اللي تضاعفت آلاف المرات!🪫الفرق بين زمان ودلوق...
08/09/2026

افتكر إن السعة التخزينية لدماغك متغيرتش .. بس كمية البيانات والمسؤوليات هي اللي تضاعفت آلاف المرات!

🪫الفرق بين زمان ودلوقتي مش إنك بقيت أضعف .. لكن إن راسك بقت شايلة فوق طاقتها

من الحاجات اللي تساعدك:

🖊️اكتب أفكارك (Brain Dump): نزل اللي في دماغك على ورقة عشان تفضي مساحة

❌قلل قراراتك الصغيرة: بطل تستهلك طاقتك في تفاصيل مش مهمة

🔕افصل تماماً كل فترة: خد استراحة محارب من غير شاشات أو تشتيت مرة على الاقل في الاسبوع

🚨لما تحس إنك مضغوط ومحتاج مساعدة عشان تنظم أفكارك وتنزل الحمل الزائد من عليك .. فريقنا موجود عشان يساعدك تحقق الهدف دا

📞تواصل معانا على رسايل الصفحة

العالم بيجري بسرعة فائقة طبيعي تلاقي "رصيد صبرك" بيخلص وفجأة تلاقي نفسك على وشك النفاد الاحتراق النفسي والتوتر مش معناه...
07/09/2026

العالم بيجري بسرعة فائقة

طبيعي تلاقي "رصيد صبرك" بيخلص وفجأة تلاقي نفسك على وشك النفاد

الاحتراق النفسي والتوتر مش معناه إنك فاشل

لكن معناه إنك محتاج تغير طريقة شحنك وترجع لـ ريتمك الطبيعي

مش كل مرة هتقدر تشحن لوحدك .. وإحنا هنا عشان نساعدك تشحن صح وتكمل طريقك

لما تكتشف إن حل مشاكلك مش في الـ Update .. الحل إنك محتاج Reboot من الأول
03/09/2026

لما تكتشف إن حل مشاكلك مش في الـ Update .. الحل إنك محتاج Reboot من الأول

لما كانت الأغنية بتقف أو الشريط يكلكع، كنا بنجيب قلم ورصاص وبنلفه واحدة واحدة بالراحة عشان يرجع يشتغل من غير ما يتلف.مشا...
01/09/2026

لما كانت الأغنية بتقف أو الشريط يكلكع، كنا بنجيب قلم ورصاص وبنلفه واحدة واحدة بالراحة عشان يرجع يشتغل من غير ما يتلف.

مشاعرك وأفكارك المتشابكة نفس الفكرة .. مش محتاج ترميها ولا تقسي على نفسك، محتاج بس مساحة أمان وقلم يرجع يرتّب اللي اتلخبط...

شاركونا .. إيه أكتر ألبوم أو شريط كاسيت مرتبط معاك بذكرى قديمة؟ 🎧📻

زمان كانت أكبر دوشة في دماغنا هي إن اللعبة تهنج، أو السلك يتكعبل، أو الموعد يفوتنا مع كرتون الساعة 5🥲كبرنا واكتشفنا إن ا...
30/08/2026

زمان كانت أكبر دوشة في دماغنا هي إن اللعبة تهنج، أو السلك يتكعبل، أو الموعد يفوتنا مع كرتون الساعة 5🥲

كبرنا واكتشفنا إن الحياة الحقيقية مالهاش زار Restart، وأن الضغوط والتعب مش بيروحوا مجرد ما نغمض عيننا ونصحى لليوم اللي بعده

شباب المستقبل كبروا.. ومن حقهم يلاقوا مساحة يتفهموا فيها ويفهموا اللي جواهم من غير حكم ولا توتر ولا ضغط

تفتكر إيه أكتر حاجة كانت بتنسيك أي مشكلة وأنت عندك 12 سنة؟ 💭👇

📢 ضمن المؤتمر الدولي الخامس للعلاج الطبيعي للأورام "BOPC 2026"الأستاذ الدكتور هشام حجازي، رئيس قسم الطب النفسي بالمستشفى...
25/08/2026

📢 ضمن المؤتمر الدولي الخامس للعلاج الطبيعي للأورام "BOPC 2026"

الأستاذ الدكتور هشام حجازي، رئيس قسم الطب النفسي بالمستشفى، يتحدث في محاضرة بعنوان:
"الصحة النفسية ورعاية مرضى السرطان: دمج الرفاهية النفسية في منظومة علاج الأورام"
(Mental Health and Cancer Care: Integrating Psychological Well-Being into Oncology)

🗓️ الخميس 27 أغسطس 2026
🕚 من 11:50 صباحًا حتى 12:10 ظهرًا

تتناول المحاضرة أهمية دمج الرعاية النفسية ضمن منظومة علاج مرضى الأورام، باعتبارها جزءًا لا يتجزأ من الرعاية المتكاملة للمريض.

ضمن فعاليات مؤتمر BOPC – Patient Centered Care: "One Goal"، الذي تنظمه مؤسسة بهية بمشاركة نخبة من الأساتذة والخبراء المصريين والدوليين.

إحنا مش عايزين منك تبقى الأول .. عايزينك بس متضيّعش نفسكجملة سهلة قوي .. لكن صعب تتعاشمن صغرنا وإحنا بنسمعها بأشكال مختل...
24/08/2026

إحنا مش عايزين منك تبقى الأول .. عايزينك بس متضيّعش نفسك

جملة سهلة قوي .. لكن صعب تتعاش

من صغرنا وإحنا بنسمعها بأشكال مختلفة:

"إحنا فخورين بيك" .. بس بعد النتيجة الكويسة

"مفيش داعي تقلق" .. بس لو الشغل مستقر

"انت حر تختار" .. بس الاختيار ده يبقى "مناسب"

مش كل التوقعات بتتقال بالكلام

فيه توقعات بتتحس من نظرة .. من سكوت .. من مقارنة صغيرة عابرة

ابن عمك اتجوز وانت لسه؟
فلان شغال ومستقر .. هو انت هتفضل كدا لحد إمتى؟

أحيانا الكلام بيتقال جوة الهزار .. لكن بتفضل قاعدة جوه ومابتتخدش هزار!

وبعد الوقت ما يعدي بتلاقي نفسك بتاخد قرارات مش عشانك
بتختار الكلية عشان ترضي حد!

مش كل توقعات الأهل غلط😕
لكن اللي يلغي إحساسك بنفسك .. هي دي المشكلة

انت قررت حاجة في حياتك يوم عشان ترضي حد تاني، مش عشانك انت؟

صباح الخير 🌞مش كل حاجة بتبسطنا لازم تكون كبيرة…أحيانًا أبسط النعم حوالينا هي أكتر حاجة تستاهل نقدرها🤍خد النهارده لحظة، و...
21/08/2026

صباح الخير 🌞

مش كل حاجة بتبسطنا لازم تكون كبيرة…
أحيانًا أبسط النعم حوالينا هي أكتر حاجة تستاهل نقدرها🤍

خد النهارده لحظة، وشوف إيه الحاجة البسيطة اللي بتبسطك. 🙏🏼💝

في أهل بيتعاملوا مع ابنهم بعد نتيجة الثانوية.. وكأنه ماتمش تشبيه، ولا مبالغة أدبيةفيه بيوت فعلاً بتتقطع فيها العلاقة .. ...
18/08/2026

في أهل بيتعاملوا مع ابنهم بعد نتيجة الثانوية.. وكأنه مات

مش تشبيه، ولا مبالغة أدبية

فيه بيوت فعلاً بتتقطع فيها العلاقة .. بيتحول فيها الابن أو البنت لـ"غريب" في بيته .. لمجرد إن رقم في ورقة مجاش زي ما كانوا حاطينه في دماغهم!

مفيش حضن أو دعم
مفيش سؤال انت عامل إيه؟

فيه بس صمت، أو أسوأ.. لوم مستمر، مقارنة بكل حد نجح، وإحساس إن الابن بقى "عبء"

الطالب ده مش محتاج حد يفهّمه إن حياته انتهت
هو عارف الرقم. هو حاسس بالخيبة قبل حتى ما حد يفتح بقه

اللي محتاجه هو حد يفضل واقف جنبه
مش عشان "يواسيه"، لكن عشان يفهم إن قيمته كإنسان، وحبه لأهله، مش مرتبطين بمجموع

لو انت أب أو أم، واللحظة دي جت في بيتك..

اسأل نفسك سؤال واحد بس:
هل الرقم ده أهم من ابنك نفسه؟

مجموع الثانوية العامة قصير الصلاحيةموسم اللطم والنكد بدأنتيجة.. نتيجة.. نتيجة...كنترول، وسؤال واحد بيتكرر على كل لسان: ج...
17/08/2026

مجموع الثانوية العامة قصير الصلاحية

موسم اللطم والنكد بدأ

نتيجة.. نتيجة.. نتيجة...
كنترول، وسؤال واحد بيتكرر على كل لسان: جبت كام؟

وبعدين؟
ماذا بعد؟

الكلام في نتيجة الثانوية صعب وحساس أوي، والمجموع خذل طلبة كتير جداً السنة دي بالذات

فيه تصوّر شايع إن الحياة بتتوقف عند الثانوية العامة، وإن اللي مجابش المجموع اللي كان حاطط في دماغه، خلاص انتهى كل حاجة

التصوّر ده ساذج وسطحي
لكن انت.. لأ. انت مش ساذج ولا سطحي

دي مرحلة
محطة هتعدي عليها وانت ماشي في رحلة حياتك الأطول بكتير

اللي جاب مجموع كبير؟ رحلته طويلة ومرهقة
واللي مجابش المجموع اللي كان نفسه فيه؟ رحلته برضو طويلة ومرهقة.. بس من باب تاني

المشكلة الحقيقية مش في المجموع
المشكلة في حاجة بيغلطها معظم الأهل من غير ما يحسوا:
إنهم رابطين نجاح الابن أو البنت في الحياة، بالنجاح في امتحان

وانت متخيل الموضوع بيوصل لفين أحياناً؟
لدرجة القبول والانتماء نفسه

يعني إيه؟
يعني لو الولد أو البنت مجابوش المجموع اللي الأهل حاطينه في دماغهم.. يعملوا إيه؟
مش ابننا؟ مش عاوزين نعرفك؟

رد فعل الأسرة على النتيجة، مش النتيجة نفسها، هو اللي بيبني عليه الابن مشاعره

يا إما مشاعر دعم وسند تفضل معاه طول عمره

يا إما مشاعر رفض وغضب ويأس ممكن تتبعه سنين

انت لسه فاكر رد فعل أهلك بعد نتيجتك إنت؟

Address

96 El Tahrir Street , El Dokki
Giza
12615

Opening Hours

Monday 4pm - 10pm
Tuesday 4pm - 10pm
Wednesday 1pm - 5pm
Sunday 4pm - 10pm

Telephone

+201141518957

Website

Alerts

Be the first to know and let us send you an email when Mind Zone psychiatry center - مركز مايند زون للطب النفسي أ.د هشام حجازى posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Mind Zone psychiatry center - مركز مايند زون للطب النفسي أ.د هشام حجازى:

Shortcuts

Share

Category