د.- سلوي عبدالعزيز Dr Salwa Abd elaziz

24/08/2026

بتحسي بانقباضات ومش عارفة… ده الطبيعي⁉️
ولا دي لحظة الولادة …
الفرق بين الطلق الحقيقي والكاذب بسيط… لكن مهم جدًا. 👈 الانقباضات ساعات بتبقى لغز… نفس الإحساس بس مش نفس المعنى.
علشان مايبقاش في قلق، دي العلامات اللي فعلاً بتوضح الفرق:

✅ الطلق الكاذب (الإنذار الكاذب):

الانقباضات مش ثابتة… وتختفي لو غيرتي وضعك وبتستجيب للمسكنات

الوجع بييجي في البطن بس ومش بينتقل للظهر.

مفيش انتظام ولا نمط واضح.

✅ الطلق الحقيقي:

الانقباضات منتظمة ومع كل مرة بتقرب أكتر.

الوجع مش بيهدا حتى لو ارتحتي أو غيرتي وضعك او خدتي مسكنات

غالبًا بيبدأ في الظهر وينزل للبطن.

ممكن تلاقي كمان علامات زي
1️⃣ نزول مية.
2️⃣ إفرازات مختلفة.
3️⃣ إحساس ضغط قوي تحت.

🎯 الخلاصة:

لو الانقباضات بتزيد وبتتقارب → غالبًا طلق حقيقي.
لو بتروح مع الحركة أو الراحة → كاذب.

متقلقيش… فهم الفرق بيريّحك وبيخلي القرار أسهل.

04/08/2026

🚫 لا… الاتنين مش واحد ⁉️
تكيس المبايض مش هي نفسها (كيس على المبيض)، ورغم تشابه الأسماء، إلا إنهم حالتين مختلفتين
✅ أول حاجة 👈 تكيس المبايض
هو اضطراب هرموني بيأثر على طريقة عمل المبيض. بيخلي المبيض يطلع بويضات وتقف عند حد معين ومتكملش نموها للحجم المطلوب.
وبالتالي المبيض بيكون فيه عدد كبير من حويصلات صغيرة من البويضات اللي ما كملتش نموها وعشان كده بنشوفه في السونا زي دوائر كتير جنب بعضها داخل المبيض.

✅تكيس المبايض ممكن يسبب:
🟡 اضطراب الدورة الشهرية
🟡 ضعف أو عدم حدوث التبويض
🟡 تأخر الحمل
🟡 زيادة هرمون الذكورة، وظهور أعراض زي زيادة الشعر أو الحبوب عند بعض السيدات.

↙️ ثاني حاجة 👈 أكياس المبيض أو كيس على المبيض
عبارة عن كيس واحد أو أكثر مليان بسائل بيتكون على المبيض.
↙️ وفي معظم الحالات بيكون بسيط ويختفي من تلقاء نفسه، و أحيانًا يحتاج متابعة أو علاج، حسب: حجمه، نوعه والأعراض اللي بيسببها
هل كيس المبيض يسبب تأخر حمل؟
مش كل كيس على المبيض يؤثر على الخصوبة.
لكن بعض الأنواع، مثل أكياس بطانة الرحم المهاجرة أو الأكياس الكبيرة، قد تؤثر على التبويض أو تحتاج إلى علاج قبل الحمل.
إذن
تكيس المبايض 👈 اضطراب هرموني يؤثر على التبويض.
كيس على المبيض 👈 تجمع سوائل داخل كيس على المبيض، وله أنواع وأسباب مختلفة.

↙️ لذلك لما نشخص صح ساعتها نقدر نحدد مشكلتك بالظبط ونمشي في طريق العلاج الصحيح بإذن الله

للحجز والاستفسار
من خلال لينك الواتساب 🔗⬇️
https://wa.me/201283996141

23/07/2026

📌ايه التحاليل اللي الدكتور هيطلبها منك قبل عملية الحقن المجهري⁉️
وايه فايدتها⁉️
الحالة الصحية قبل عملية الحقن المجهري بتفرق جدا في نسبة النجاح، عشان كده بنطلب مجموعة تحاليل توضح لنا هنمشي الخطوات ازاي ونختار أفضل بروتوكول لكل زوجين
‏1️⃣ AMH (مخزون المبيض)
دا تحليل يقيس عدد البويضات الموجودة في المبيض واللي لسة هتنضج وتخرج في أيام الدورات الجاية كل شهر. ودا بيساعد في تحديد مدى استجابة المبيض لأدوية التنشيط وجرعات التنشيط المناسبة.
‏2️⃣ TSH (هرمون الغدة الدرقية)
تحليل مهم جدا لإن مشاكل الغدة قد تؤثر على التبويض، الحمل، وحتى نسب نجاح الحقن المجهري.
‏3️⃣ Prolactin (هرمون الحليب)
ارتفاعه قد يسبب اضطراب الدورة أو ضعف التبويض وتأخر الحمل.
‏4️⃣ Vit D3
الفيتامين دا بيدينا اشارات عن جودة البويضات و بطانة الرحم واستعدادها لاستقبال الجنين وتقليل بعض مشاكل الانغراس

5️⃣ تحليل السائل المنوي
طبعا مينفعش نبدأ حقن مجهري بدون تقييم عدد الحيوانات المنوية وحركتها وشكلها الطبيعي.

🔴 خليكي دايما فاكرة إن في الحقن المجهري مفيش مقياس واحد لكل الحالات … كل حالة تختلف عن الأخرى، لذلك ممكن الطبيب يطلب تحاليل إضافية أو يستغني عن بعض التحاليل حسب ظروف كل حالة
وساعتها نقدر نحط ليكي انتي خطة مريحة تناسبك وتخليكي دايما مطمنة 🌹🌹



للحجز والاستفسار
من خلال لينك الواتساب 🔗⬇️
https://wa.me/201283996141

30/06/2026

✅✅ كل مشكله وليها حل ✅
📌بس مش كل مشكلة تأخر حمل حلها بالتنشيط
في أسباب لازم تتعالج الأول

فيه فكرة منتشرة إن أي تأخر حمل أو ضعف تبويض حلّه “التنشيط” 💉…
لكن الحقيقة إن ده مش دايمًا صح ❌

🔴التنشيط مش علاج…
ده مجرد محاولة لتحفيز المبيض،

🔴إنما لو السبب الأساسي لسه موجود،
النتيجة غالبًا هتفضل ضعيفة
أو تتكرر نفس المشكلة.

🔴ممكن نلاقي سيدة عندها تبويض لكن الجودة ضعيفة 🥚
أو عندها مقاومة إنسولين مأثرة على البويضات
أو خلل هرموني مخلي الاستجابة مش طبيعية
أو حتى مشكلة في بطانة الرحم تمنع اكتمال الحمل.

📌في الحالات دي، التنشيط لوحده مش كفاية،
لأنه بيشتغل على العرض مش السبب.

الصح إننا الأول نفهم ليه المشكلة حصلت من الأساس 🔍
ونبدأ نعالج السبب:

1️⃣تحسين جودة البويضات
2️⃣ضبط الهرمونات
3️⃣علاج مقاومة الإنسولين
4️⃣تجهيز الجسم للحمل بشكل أفضل

سواء حمل طبيعي أو قبل خطوات زي الحقن المجهري.




للحجز والاستفسار
من خلال لينك الواتساب 🔗⬇️
https://wa.me/201283996141

29/06/2026

24/06/2026

📌 من الحالات النادره الي قبلتنا اول زياره لينا حامل في الشهر السابع كل الامور تمام مش بتشتكي من أي اعراض أشعه ال4D معاها معموله في الاسبوع ال16 في الشهر الرابع و موضحه ان الحمل ماشي سليم ✅

📌لكن لما جينا نعمل سونار اكتشفنا غير كدا تمامآ اكتر من عشر دقايق بنفحص الجنين خدنا القياسات اكتر من مره
اتضح وجود تشوهات في الهيكل العظمي للجنين قياسات عظمه الفخد والذراع اقصر من الطبيعي .. و حجم الجمجمه اكبر الي حد ما
وكان التشخيص المبدأي للحاله
هو خلل في كروموسومات الجنين تأخر في النمو أي ان الجنين يعاني من التقزم
أو الأكوندروبلازيا هو اضطراب وراثي يؤثر على نمو العظام، حيث يمنع تحول الغضاريف بشكل طبيعي إلى عظام (خاصة في الأطراف الطويلة)، مما يؤدي إلى قصر القامة بشكل غير متناسب مع حجم الرأس والجذع
مكنش ينفع نقول التشخيص للحاله علي طول طبعا طلبنا اعاده ال4D في مركز اخر
واخذ عينه من السائل الامينوسي وتم فحصها جينيآ
والي أكدو صحه التشخيص بفضل الله☝️🌹

طيب دا سببه أيه ⁉️
1️⃣أسباب وراثيه جينبه
2️⃣او مشكلات صحيه لدي الام
3️⃣قصور المشيمه مما يؤدي الي ضعف تدفق الدم او الاكسجين و يمنع الجنين في الحصول علي الغذاء الكافي

اليوم تمت الولاده علي خير وتم تقييم كامل للطفله من طبيب أطفال متخصص في العظام والوراثة

الخلاصة:
✅أولآ::نهتم بعمل اشعه الفور دي في معادها المناسب مابين الاسبوع 24 والاسبوع 32 من الحمل وفي مراكز متخصصه في طب الجنين

✅ثانيآ::قصر العظام في السونار مش دايماً يعني مشكلة، لكن يحتاج تقييم دقيق قبل ما نقلق الأم.

✅وأخيرآ:: بشكر الأم والأب علي صبرهم والتزامهم بخطوات التشخيص الي حددنها
وتقبلهم للموقف ب رضا وهدوء 🌸

17/06/2026

📌حالات كتير بتضيع سنين
بين أدوية✅وتنشيط✅ومحاولات متكررة✅
وفي الآخر يكتشفوا إن سبب تأخر الحمل الحقيقي
❌ماكانش اتشخص من البداية أصلًا

عشان كده دايمًا بنقول:
“البداية الصح… بتفرق في كل خطوة بعد كده.”

::::: تشخيص سبب تأخر الحمل :::::::
مش تحليل واحد ولا سونار سريع
دي رحلة بحث دقيقة عن السبب الحقيقي وراء المشكلة.

1️⃣هل المشكلة في التبويض؟
2️⃣ولا جودة البويضات؟
3️⃣ولا بطانة الرحم؟
4️⃣ولا السائل المنوي؟
5️⃣ولا مقاومة إنسولين أو خلل هرموني؟
6️⃣ولا مشكلة مناعية أو جينية مخفية؟

كل حالة ليها سبب مختلف…
وعشان كده مفيش علاج واحد ينفع لكل الحالات.

في حالات كتير جدًا
كانت بتاخد علاج عشوائي لفترات طويلة،
لكن أول ما بدأنا بالتشخيص الصح والفحوصات الدقيقة
بدأ الطريق الحقيقي للعلاج وحدث الحمل بإذن الله. 🌹

إحنا مؤمنين إن:
نجاح العلاج مش بكثرة المحاولات…
نجاح العلاج بيبدأ من فهم السبب الحقيقي للمشكلة من أول يوم.


للحجز والاستفسار
من خلال لينك الواتساب 🔗⬇️
https://wa.me/201283996141

11/06/2026

اللهم بارك 💗 شكرآ علي كلامك الجميل
وربنا يرزق كل مشتاق 🌹🌹

26/05/2026

تهنئكم بحلول عيد الاضحي المبارك 🌹🐑

📌الحوامل طبعاً هناكل لحمة وفتة بس بكميات معقولة ..من الحاجات المهمة جداً إنك تتأكدي من تسوية اللحوم لأنها لو مش مطهية كويس هتسببلك أمراض ناتجة عن وجود البكتيريا، ومن الأفضل إنك متاكليش الدهون عشان متضعفش مناعتك، وممنوع شوي اللحوم على الفحم وممنوع اللحوم المصنعة زي السجق والسوسيس

✅ طيب والكبده ⁉️
الكبدة من المصادر الغنية جدا للحديد و بننصح بيها اللي عندهم انيميا 💪و لكن هى بردو مصدر قوى جدا لفيتامين A♻

لكن تراكم فيتامين A فى الجسم بكميات كبيره ممكن يسبب تشوهات للجنين

يعني هناكل كبده عاااادي بالمعقول 💓

15/05/2026

📌بعد تأخر حمل ثانوي لمدة 12 سنه وبعد محاولة حقن مجهري لم يُكتب لها النجاح مع مشاكل في الغدة الدرقية ، و انسداد قناه
فالوب
شاء الله أن يأتي الفرج…وحدث الحمل بفضل الله وتم سماع النبض 🤰🌹
✔️ باختيار بروتوكول العلاج المناسب
✔️ ومتابعة دقيقة لكل التفاصيل
ربنا يكملها علي خير ويرزق كل مشتاق بالذرية الصالحة

✨ الرسالة المهمة:
تأخر الحمل الثانوي محتاج نفس الاهتمام والفحص زي تأخر الحمل الأولي، لأن لكل حالة سبب مختلف وخطة علاج خاصة بيها.

متتأخريش في المتابعة… التدخل بدري بيفرق كتير في النتيجة بإذن الله 🌸