Dr Hanaa , Nutrition care clinic

20/12/2025

السلام عليكم

سؤال متكرر؟؟؟!

أنا نفسي أخس وقللت أكلي جدا وعلى الرغم من كده وزني ثابت مش بنزل ولا جرام ؟

يا ترى إيه السبب ؟🤔

عايزة أقولكم إن التغذية وطبيعة الاكل مهمة جدا لكن لوحدها مش هيحصل التغيير اللي بنتمناه

فيه عوامل كتير بتأثر على وزننا بتحديدها الأسئلة دي ⬇️

يا ترى إيه طبيعة المجهود المبذول خلال اليوم ؟

يا ترى بتنام إزاي ؟

يا ترى حالتك النفسية أخبارها إيه ؟

يا ترى بتشوف الشمس ؟

كل الحاجات دي بتأثر على الوزن بشكل مباشر وغير مباشر

ولو بدأنا خطوة بخطوة في كل عامل من العوامل دي هيحصل تغيير كبير جدا في خلال فترة قصيرة

دمتم بصحة 🌹

30/08/2025

السلام عليكم 🌹

برامج كتير جدا
بوستات اكتر بتتكلم عن life style

احنا عرفنا ايه هي الحاجات اللي بتحقق نمط حياة صحي

بس يا ترى الموضوع مهم للدرجة دي ؟

خليني أقولك أنه أهم بكتير من مجرد الشكل والمظهر والفورمة 😅

نمط الحياة الصحي مهم

لانه حماية من أمراض مزمنة كتير ✅
وأكثرها انتشارا زي أمراض الضغط المرتفع والسكر

ولو الشخص مصاب فعلا بالأمراض دي ف ✅ اتباع نمط حياة صحي بيقلل حدوث مضاعفات وبيحسن جودة الحياة

✅ أو حتى مجرد تحسين الحالة النفسية

مهما كانت حالتك الصحية
مهما كان انشغالك
مهما كانت طبيعة شغلك

تخصيص جزء من وقتك لتمارين
أو اهتمامك بأنواع الاكل اللي بتاكلها بشكل يومي

هيفرق معاك جدا على المدى القريب والبعيد

دمتم بصحة 🌹

23/08/2025

دي أركان نمط الحياة الصحي

يا ترى بنحقق كام حاجة من دول ؟

23/08/2025

يا ترى ايه هو نمط الحياة الصحي ؟

وايه أهميته ؟

إزاي نحققه ؟

تابعوا البوستات الجاية إن شاء الله عشان تعرفوا اجابات الاسئلة دي وأكتر 😊

دمتم بخير 🌹

18/08/2025

🌹

السلام عليكم 🌹
لو بتعاني من ارتفاع نسبة الدهون بالدم
لو بتعاني من ارتفاع ضغط الدم
لو بتعاني من مشاكل القلب
لو بتعاني من دهون البطن

البوست ده مهم جدا ليك 👍

اهم 4 حاجات تعملهم عشان تحافظ على قلبك وتقلل الدهون المتراكمة عندك

١ تقلل الدهون المشبعة في أكلك
ودي موجودة في الجبن نباتية الدهن والموتزريللا والصوصات وتقريبا كل السناكس المعلبة والسمن النباتي

٢ تزود من الألياف في أكلك وده مهم جدا جدا
ودي موجودة في البقوليات والخضروات والفواكه بكل ألوانها

٣ لو وزنك زايد تقلل وزنك بشكل صحي ومنظم تحت إشراف طبي 👍

٤ لازم لازم تمارس رياضة وده طبعا بيحدده الطبيب ويعرفك ايه درجة المجهود المناسبة ليك ولحالتك الصحية 👍

أتمنى الشفاء لكل مريض

دمتم بصحة

د هناء محمد عبد الحافظ
طبيب بشري
أخصائي التغذية العلاجية

يا ترى إيه

02/03/2025

سؤال متكرر 🥰

ايه الاحتياطات اللي آخدها عشان أقلل تأثير الحلويات على الجسم ؟

،، خلينا نتفق إن التقليل من نوعية الأطعمة دي هو الأفضل
،، لكن أنا بحبها ومش هقدر امتنع 😭

يبقى خد بالك من الآتى 😊
. الكمية ،، يعني ما اكلش نص صينية كنافة 😅 قطعة صغيرة تكفي
. ابعد عن الميكسات قدر الامكان اللي هي نوتيلا مع كنافة مع كريم شانتيه مع أنواع واشكال من الصوصات المرعبة
،، كل ما تكون الحلويات بسيطة وتقليدية هيكون أفضل
. الافضل تناولها بعد وجبة كاملة
ولو بين الوجبات يبقى قبلها او بعدها اي نوع خضار فريش عشان أقلل المؤشر الجليسيمي بتاعها
.. ابعد عن الحلويات على السحور عشان ما تحسش بالهبوط خلال اليوم

وما تنساش تشرب مياه كتير من الافطار للسحور

أتمنى تكونوا استفدتوا 🌹

دمتم بصحة ❤️

28/02/2025

السلام عليكم 🌹

رمضان كريم 🥰

بكرة إن شاء الله أول سحور
هقولكم على شوية نصائح كده وانتم بتتسحروا هتفرق معاكم جدا خلال فترة الصيام 😊

1.. وجبة السحور وجبة أساسية مش رفاهية لأنها بتحضر جسمك لتحمل الصيام وتحميك من الأعراض الجانبية للصيام زي الدوخة والصداع والهبوط خاصة في آخر اليوم

2.. لازم وجبة السحور يكون فيها بروتين كويس وخضار وفواكه مش كلها نشويات
يعني الاكلات التقليدية بتاعتنا الفول والجبنة والبيض والزبادي اختيار أمثل وفيه كميات بروتين كويسة جدا بتشبع أطول فترة ممكنة

3.. نبعد عن الحلويات والعصائر لأنها بترفع سكر الدم بسرعة وبيقل تاني بسرعة فتحس بالجوع بسرعة اول ما تصحى من النوم 😀

4.. نقلل الشاي والقهوة والنسكافيه قدر الإمكان لأنهم مدرات بول وتحس بالعطش بسرعة ويدخل الجسم في جفاف وده سبب أساسي للدوخة والصداع

5.. اوعوا تنسوا شرب المياه بكميات مناسبة 2 كوب على السحور وابتعدوا عن المخللات والأكل الحامي

دمتم بصحة 🌹

رمضان مبارك 🌹

20/02/2025

نبدأ بسم الله 🌹

09/02/2025

السلام عليكم 🌹

كل سنة وانتم طيبين وبخير

رمضان على الأبواب

انتظروا بوستات عن التغذية السليمة في رمضان

تابعوني 🌹

15/11/2024

30/06/2024

السلام عليكم 🌹

كلنا عارفين إن معدلات السمنة في الأطفال والمراهقين زادت بشكل كبير في الفترة الأخيرة

بسبب زيادة الأكل غير الصحي والوجبات السريعة

الخمول وعدم الحركة لفترات طويلة قدام الشاشات

وطبعا محاولة تقليد ترندات الأكل والبلوجرز

السهر لوقت متأخر خاصة مع الإجازة

لازم ناخد بالنا كويس اوي
إن حل مشكلة زيادة الوزن لازم تكون بمنع أسبابها اللي قلتها فوق ☝️☝️

وان حضرتك كأب أو كأم لازم نحل الموضوع بشكل صحيح

لازم نزول الوزن في السن ده يكون بحكمة وتحت إشراف طبي لأنهم في مرحلة نمو

وعشان نتجنب حدوث آثار جانبية ممكن يمتد تأثيرها لباقي العمر

أتمنى تكونوا استفدتوا 🌹
دمتم بصحة 🌹

د هناء محمد
طبيب بشري وأخصائي التغذية العلاجية