Dr.Aman Saif Elnasr

03/08/2026

فيديو مبشر لكل الأقوياء المضغوطين..اللي لسة ليقدموا الدعم و العطاء رغم آلامهم ..لوجه الله .. بدون لعب دور المنقذ أو دور الضحية و بدون محاولة استجداء القيمة من عيون الآخرين
صباح الفل للجميع

03/08/2026

من الاخر يا بنات ... و الكلام للمتزوجات .. و المتزوجين و الله .. و احنا رايحين نطلب لازم نعرف الوجه الاخر و التبعات للطلب .. زي فيلم طير انت كده .. منفضلش نفرهض في بعض عايزين الكامل المكمل و الكاملة المكملة ..الكامل هو الله فقط ..غير كده نعالج عدم الرضا اللي جوانا و اللي غالبا بيبقى اضطراب هرموني اصلا محتاج شوية شغل

31/07/2026

المشهد ده من اقوى مشاهد العلاقات الزوجية و الأسرية .. و مفيد جدااا خاصة للمقبلين على الزواج
لفتني و انا بتفرج عليه تعليقات كتير بنتهم رياض بالتطلع أو الطمع و ده محصلش ابدااا في سياق المسلسل
فحبيت اشارككم بتحليل للموقف علشان نفهم احنا ليه كلنا أثناء الخطوبة بنقع في فخاخ مزعجة أما بتدمير الزيجة أو بتسيب أثر واضح أو حتى بنشوف مردود و تبعات سكوتنا عن مؤشراتها المبدئية فيما بعد أثناء الزواج
لو بقينا كويس على المشهد هتلاقي نفسنا بتسال
هي غلطت ؟
هي اوفر ؟
طيب بتعمل كده ليه ؟

طيب هو غلط ؟
هو اوفر ؟
هو التعصب اوي كده ليه ؟
هل عنده حق ؟ و الا هو اصلا طمعان فيها ؟ و الا ميستاهلهاش و لا يستاهل تضحيتها ؟ و الا هو غير مقدر ؟ و الا هو مبالغ فيه ؟ و الا ايه ؟
الحقيقة نقدر نقول إن هي مغلطتش في الهدف ..طبعا كانت محتاجة تعرض الفكرة بشكل ميكونش مهين لرجولته .. بس فكرة الأمر الواقع نفسها هي اللي كانت مهينة و حسسته أن ده هيبقى شكل حياته .. الست هي اللي بتصرف و بالتالي بتفرض الصرف و بتفرض مستواها فهتكون هي قيم الأسرة و تبقى هي الراجل و هو الست و بالمناسبة ده حصل بالفعل لما تزوجوا و كاد يدمر حياتهم
..معايرة و تسلط و تحكم🫣🫣🤯🤯 ..

طيب كانت تعمل ايه مثلا ؟ 🤔🤔
اتصور إن طريقة العرض الافضل أنها كانت تبتدي معاه بالتدريج👍👍 ..مشروع عيادة🧑‍⚕️🩺🩻💉🌡️💊🩹 احنا الاتنين شركاء فيه انا براس المال و انت بعلمك هو طبيب يعني عنده ما يقدمه في مشوار النجاح و الاستثمار الأسري👌👌 و نتقاسم الأرباح 💵💵و منها نحقق شقة و عربية بالتقسيط و هكذا 🚗🏘️..كان وقتها هيستشعر رجولته و في نفس الوقت يمتن لدعمها الأنثوي ..هو اعتراضه كان على أن دعمها ذكوري جدااا ..

السؤال المهم هي تقصد ؟ لا و لكن الذكورة تحكمت فيما بعد فيها غصب عنها لأن السلوكيات الذكورية من الانثي بيبقى لها تبعات على الشخصية

طيب نيجي لغضبه المبالغ فيه ده 🤯🤯🤯😡😡..ممكن اعتراضه الحازم القوي يفسره احترامه لنفسه و كرامته و رجولته👌👌 ..بس كان ممكن يبقى أهدى كتير و يثبت على موقفه بحزم مش بغضب ..
طيب ده محصلش ليه ؟
اقولك يا سيدي .. شعوره بالضعف هو اللي حرك الغضب ..هو حس أنه ضعيف و ده ولد عنده شعور بالإهانة فكان محتاج يحمي نفسه بالغضب و في نفس الوقت يرد الإهانة بشكل درامي شويتين

و في النهاية و زي اي اتنين لطاف ظراف بتحكمهم شوية ترومات قديمة مش اكتر.. و ده طبيعي كلنا عندنا تروماتنا 🫣🫣..
و مع الوقت قدروا يسيطروا عليها و يحتووها لأن مفيش وراها اضطرابات أو برمجات سلبية مؤذية أو أفكار سامة مشوهة و الفرق كبير
قدروا يتعافوا بالتدريج بس مع مشوار مؤلم من التعافي .. و التعافي هنا وصلوله باصعب الطرق للأسف مش بالطريق الاسهل ..المهم في النهاية أنهم وصلوا ..
و ده من خلال المواجهات الصعبة و مراجعة الذات و الاعتراف بالاخطاء و النواقص و التصالح معاها و في النهاية بالتطوير المستمر للنفس و العلاقة بوجه عام

محدش كان طمعان في حد ..محدش كان نواياه سلبية .. عقد و كراكيب مع شوية اندفاعات.. عملت دوشة و قدروا يفكوها و يتعايشوا بحب و مودة و رحمة ..قدروا يتعلموا دروس الابتلاءات بوعي و إدراك

و احنا رايحين نرتبط بشريك حياة لازم زي ما بنقول لحضراتكم فكروا في التناسب الثقافي و الاجتماعي و الاقتصادي و العقلي ..نقول لحضراتكم اتعرفوا بتصالح على تروماتكم و ترومات بعض ..اتعرفوا على مخزون الماضي بحكمة ..اسألوا نفسكم هل مناسباكم خلفية الآخر التاريخية و هل تناسبه خلفيتكم ؟
هل الشيلة هتبقى محتملة و الا تقيلة و فوق الطاقة ؟ .اللي ميناسبكش ممكن يناسب غيرك عادي بس يعرف شايل ايه علشان اللي بيوافق بيبقى مطلوب منه تقبل و تعايش و تأقلم متبادل و احيانا احترام رحلة تعافي للطرفين 👌👌..الخلاصة مع وجود النوايا و المفاهيم الإيجابية الشغوفة شيل صح ..و شيل الآخر بالعقل

28/07/2026

ما حدث في الماضي قد يشكل أو يسبب ما نعيشه الآن ..و لكن لا يجب أن يحدد لنا المستقبل
و بمعنى أدق لا يجب أن نتركه يحدد لنا المستقبل

27/07/2026

26/07/2026

جميل تعبير ..بيت صالح للحياة

25/07/2026

صح جدااا ..لكل أزمة اضطراب مؤذي لنفسه أو الآخرين

الإدمان علاجه لازم الدافع للتعافي يكون داخلي

24/07/2026

كلنا فاكرين ادم و حورية في مسرحية الهمجي لما كانوا بيحسدوا أصحابهم 🤣🤣 .. المشاهد الكوميدية رغم مبالغتها مصورتش اهم حاجة و هي حجم المعاناة اللي بيلاقيها الحاسد لما بيمارس هذا الشعور و بيستسلم للفكرة جواه .. و في حالات كتير بيكون التمن اللي بيدفعه الحاسد من ورا شعوره ده اكبر من اللي حصل للمحسود نفسه 😲😲 الحسد ده احنا بنسميه غيرة زي الغيرة بين السيدات أو بين زملاء العمل أو أو .. بس في الحقيقة هي بتبقى مشاعر حسد

الحسد كشعور من اقوى المشاعر السلبية و اللي بدورها بتفتح بوابات من نار بأفكار سلبية لا تنتهي ..الموضوع بيبتدي بفكرة سلبية بنسلملها دماغنا و نصدقها و نتبعها بمشاعر في نفس الاتجاه ..بعد كده بتبتدي سلسلة من الأفكار السلبية الأعمق تسيطر ..من هنا بيتحول الأمر لممارسة مستسلمة و مستجيبة لكل فكرة حسد يتبعها شعور ثم افكار و هكذا 🤯🤯

الحسد مش بس إننا نفكر في نعمة عند الآخر مش عندنا فيتبعها رغبة في زوالها ..اوقات الموضوع بيبقى أقل ضخامة من كده لأنه بيبقى شعور بالألم الذاتي لما نشوف نعمة عند غيرنا مش عندنا ..تنور فكرة سلبية أو تساؤل سلبي بيبتدي بكلمة اشمعنى ؟🫨🫨
بعدها مشاعر الالم و الاستسلام له هي اللي بتسيطر
تبتدي تكره النعمة مش علشان عند غيرك و لكن علشان ارتبط وجودها أو رؤيتك لها بالضغط على الم افتقادك لها اللي انت سايبه يسيطر على اللحظة و مستسلم له تماما .. و للأسف مستمتع بدور الشفقة على الذات و الضحية ..و مفترض ثبات العوامل الأخرى تماما في المعادلة و متجاهل متاعب الآخر الأخرى و نعمك انت كمان 🥺🥺
مرهق مقدما من أي محاولة للتصالح مع الأمر أو التأقلم على الواقع ..حتى فكرة البحث عن حل في نطاق ما يمكن تغييره مرفوضة .. باختصار مستسلم لعنصرين وصولا للتالت الفكرة و المشاعر السلبية من جهة و التمحور حول ذاتك و منظورك الضيق من جهة ..وصولا للتالت و هو الشفقة على الذات و دور الضحية

علشان تتخلص من الحسد جواك و يبطل يؤلمك و يؤذي الآخرين محتاج تشتغل على ٤ محاور 👇👇👇

الاول الاتزان النفسي و اللي بيتكون من بناء الحكمة و بناء السلام النفسي جواك بعلاقة متزنة و مريحة و متصالحة بين الإنسان و نفسه أولا

الثاني مليء الفراغ العقلي و النفسي علشان ميتمليش بأنماط من التفكير السلبي اللي بيفضل يلف في دائرته المفرغة من المشاعر السلبية و الأفكار السلبية

الثالث السيطرة على التمحور حول الذات و توسيع زاوية النظر للأمور للوصول للتفكير المنطقي

رابعا بناء علاقة محترمة و مريحة و متزنة برب العالمين و دي نقطة في غاية الأهمية ..مابين علاقة عبادة بتتطور و تتجدد و بين علاقة تواصل نفسي و عقلي دائمين قدر الإمكان مع رب العالمين

لو اشتغلنا على النقط دي هنقدر تدريجيا نسيطر على العلاقة التبادلية ما بين الغضب و الحسد جوانا و اللي فيها الغضب بيتحول لطاقة حسد و الحسد بيتحول لطاقة غضب مؤذية

خلينا فاكرين محدش بيقصد يحسد و لا كلامنا هنا عن الحسد غير المقصود اللي بيكون بنسيان ذكر الله مرة او اتنين ..كلامنا عن درجة من الحسد بتتحول لنار جوا صاحبها تخليه يغضب أو يحقد أو يغل ببعض أو كل الوعي عنده و ده الإيذاء الحقيقي للذات قبل ما يكون للآخر ..لأنه بيحطم جوا صاحبه أي معنى للسعادة أو السلام النفسي

23/07/2026

ركزوا يا ستات .. اوقات بنبقى احنا السبب يا حبايبي ..طبيعتنا الحل الفوري تختلف عن طبيعتهم الحل بعد تعمق في الأمر
احنا بنتعجل اتخاذ القرار و عمل اللازم .. و بنفضل نستشعر و نفكره أنه مقصر مقصر مقصر ..لحد ما يفرهض و يركن فعلا