Heba Elaskalany, coach.

22/07/2026

في علاقات كتير بتبدأ بالحب والاحترام، وفجأة بتتحول لشيء مرهق جداً.. من غير ما ناخد بالنا إن فيه تصرفات صغيرة بتدمر الاحترام ده بالتدريج! 📉
في سلسلة فيديوهات "10 خطوات لفقدان احترامك"، بنسلط الضوء على التصرفات دي علشان نتجنبها.
الخطوة الأولى: الكذب.
لما الكذب يدخل العلاقة، حتى الصدق بيتفهم غلط، والتبريرات بتبقى بلا قيمة.
شاركني رأيك في التعليقات: شايف إيه أكتر تصرف ممكن يخلي شخص يفقد احترامه للتاني؟ 💬👇
#علاقات #احترام #زواج

16/05/2026

29/04/2026

لو حاسة إنك مش قادرة تعملي أبسط حاجة…
ده مش كسل.

ده جهازك العصبي وصل لمرحلة overload.

لما النوم قليل + المسئولية عالية + مفيش وقت لنفسك
المخ بيبدأ يقفل على وضع “النجاة” مش “الإنتاج”.

ساعتها:
- بتأجلي
- بتتهربي
- بتتضايقي من أقل حاجة

الحل مش ضغط أكتر…
الحل إننا نهدي الجهاز العصبي الأول.

وأول خطوة بسيطة جدًا:
اعملي حاجة واحدة بس النهارده… صغيرة جدًا… وخلصيها.

ده بيبعت إشارة للمخ: “أنا مسيطرة”

ومن هنا بنبدأ نرجع













❤️

22/03/2026

ليه في أيام بنبقى نسخة أحسن من نفسنا؟

نفس الحياة…
بس إحنا مش قادرين نستخدم نفسنا صح

يمكن الموضوع مش ظروف
يمكن الموضوع جهازك العصبي

قوليلي:
إمتى بتحسي إنك نسخة أحسن من نفسك؟

08/03/2026

Big thanks to

Mai Hosney

for all your support! Congrats for being top fans on a streak 🔥!

07/03/2026

عارف لما تعمل ذنب في حياتك ولا كان شبهك ولا كنت تتخيل تعمله!

عارف الإحساس المصاحب للذكرى المُخجلة دي!

عارف لما تحس إنك عايز تمحي من الوجود كل شخص وكل حاجة ممكن تكون سبب أو حتى تفكرك بالواقعة المخزية دي، حتى الطريق المؤدي إليه مش عايز تمشي فيه..!

عارف لما تحس إنك عايز تضرب نفسك مية قلم وتقول كان فين دماغي لما عملت كده!

عارف لما تكون نِفسك ترجع بالزمن علشان تمحي الموقف ده وترفضه!

طب عارف لما تشعر بالأسف والحياء من ربنا لما تقف بين إيديه وانت اللي لسه عامل كارثة من شوية!

عارف لما تسجد وقتها على الأرض وتحس إن لسانك واقف، وعيونك هي اللي بتتكلم بكا وقهر ومكسوف حتى تقوله سامحني!
حاسس إن ذنبك أكبر من إنك تطلب حاجة ولا حتى تستاهل تقف بين يديه سبحانه!

ربنا الكريم سبحانه وتعالى يرد على هذا الشعور برحمته ويبشرك بالعفو والغفران، ويريد لك إنك تبدأ بصفحة جديدة، ويرحمك من اليأس والإحباط اللي ممكن يقتلك حرفيا، يرحمك من خجلك من نفسك اللي ما كانت تتخيل منك هذا الذنب ، يرحمك من إحساسك بضعفك اللي لو تمكن منك مش هتقدر تعيش لحظة بعد الذنب..

"قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ"

غفر الله لنا ولكم..

22/02/2026

✍️ زمان كان فيه مثل شعبي بيقول: "خراب يا دنيا.. عمار يا دماغي"..
بصراحة، عمري ما فهمت ولا استوعبت الفكرة دي 🤔…

كنت دايماً شيفاها قمة الأنانية! يعني إيه الدنيا حواليا تبقى "خراب" ودماغي أنا اللي تبقى "عمار"؟ 🤔 مش منطقي..

📌 ما هي عشان الدنيا الخربانة اللي بره دي تتصلح، لازم أشغل بالي بيها وأهتم بإصلاحها.

👈والنتيجة؟ 👈عشت سنين طويلة بحاول أصلح اللي بره، لحد ما اكتشفت إن دماغي أنا اللي خربت! والدنيا؟ فضلت علي حالها … شوية خربانة وشوية عمرانه …. مفرقتش كتير بمحاولاتي.

👌لحد لما قررت أخيراً "أستثمر" في تصليح الخراب اللي حصل في دماغي من مشاكلها ،،، ساعتها بس اكتشفت المفاجأة:

👩‍💻 أول قانون لازم تفعّله عشان تصلح دنيتك وراحتك النفسية، هو إنك تتبنى
المبدأ اللي كنت رفضاه:
بتاع 👇
"خراب يا دنيا.. عمار يا دماغي"

🔑ده كان "مفتاح اللغز" اللي غير حياتي حرفياً.. وبدأت فعلاً أعمر دنيتي ودماغي مع بعض في نفس الوقت.

📌 استنوني في البوست الجاي، هحكي لكم أكتر عن كواليس رحلتي في "إعمار"
الدنيا والدماغ. 🥰





❤️

ملحوظه الصوره بال AI يا أكش بتوع كورسات ال ai يبطلوا يبعتولى اعلانات 😀😀😀