صيدلية دكتور سعيد عبد العزيز

01/08/2026

باركولنا علي تجديد اليافطة بفضل الله ومجهود الاسطى كمال الكهربائي
اى حد يحتاج حاجة في شغل كهرباء ويفط يبعتلي اديله رقمه ويقوله من طرف دكتور سعيد وهو يعمل معاه الواجب
ربنا يجعلنا اسباب لبعض

30/06/2026

عرض خاص لفترة محدودة
جل بوباى واقي الشمس بدرجة حماية ٥٠
للبشرة الدهنية والمختلطة

28/06/2026

مين الغلطان في موضوع دكتورة الأسنان الي حصلت في شبرا

11/06/2026

فضح شركات الأدوية والسجاير والعصاير
ايه الفرق بين العصير والفاكهة الطبيعية

10/06/2026

متوافر الان في صيدليتكم مجموعة بلانكى للأطفال
للطلبات والاستفسارات
01099165650
012 81010742

26/05/2026

19/05/2026

...
البوست ده موجه لأنصاف المتعلمين .. اللي هم الأغلبية الكاسحة من الشعب (الحقيقة هو أقل من نصف تعليم بشويتين حلوين .. بس مشيها أنصاف) ..

اللي مكتوب هنا ده مش رأي ولا نظرية .. دي حقائق رؤيت رأي العين وثبتت يقيناً وفيه أدلة لا تقبل الشك ولو واحد في الألف فيها ..

يعني لما تنكرها كأنك كده بتنكر ان الشمس بتطلع من الشرق .. أو إن الدنيا بتليل بعد المغرب .. أو كأنك بتنكر ان الإنسان بيشوف بعينيه مش بمناخيره ..
1- فيما يخص المرض .. فيه حاجة اسمها " شفاء " cure وفيه حاجة اسمها " علاج " .. treatment
الشفاء انك تاخد كورس دوا معين .. أو تعمل جراحة معينة .. المرض يختفى وماتحتاجش تاخد دوا تاني ..
أما العلاج بدون شفاء ده .. يعني مش قادرين نتخلص من المرض .. فبنخليك تتعايش معاه وانت مستريح بدل ما تموت منه .. أو نحسن أعراضه بدل ما تبقى تعبان منه طول الوقت ..

والطب له انجازات عظيمة في الحالتين ..
المضادات الحيوية والعمليات الجراحية أنقذت مليارات البشر في ال100 سنة الأخيرة..وأعمار البشر طالت بسبب الانجازات دي .. وزيها انجاز الوقاية عن طريق التطعيمات ..
لأ ... وجدك وجد جدك ماكانوش عايشين أحسن منك .. كانت أعمارهم أقصر .. وكان بيموت لهم عيال أكتر وزوجات أثناء الحمل والولادة .. وكانوا تعبانين من أعراض مالهاش علاج .. بقى لها علاج دلوقتي ..
والإشعاع والكيماوي تحديداً أطالوا أعمار معظم مرضى السرطان .. وحققوا "شفاء تام" في البعض ..
والإحصائيات العالمية والمحلية موجودة ..
ولو شاكك ان شركات الأدوية مزوراها .. روح اسأل قريبك الدكتور أو الممرض في معهد الأورام ..
وتطعيم الكوفيد أنقذ الآلاف من البشر من الموت .. اللي مات منه بالفعل آلاف في بضعة شهور قبل اختراع التطعيم .........

الأمراض اللي نتيجة تلف عضو معين في الجسم .. انت منتظر من الطب يعمل له ايه ؟
باظ خلاص ..
البنكرياس باظ ..
لسه ماخترعناش بنكرياس .. لكن قدرنا نخترع الهورمون اللي بيفرزه وبنديهولك بدل الهورمون الأصلي .. بس لازم تفضل تاخده ..
لأن بنكرياسك باااااااااظ ... ومش الطب هو اللي بوظه ...
الطب أنقذك بحل ينجيك من الموت .. وتقدر تعيش طبيعي بيه ..

نفس الكلام بالنسبة للضغط والفشل الكلوي والحساسية وغيرها من الأمراض المزمنة ..
قبل الأدوية والغسيل الكلوي وغيره .. الناس كانت بتموت بدون حلول ..............
2- والله العظيم فيه مرض اسمه السرطان مش فطريات .. ومش أكذوبة .. والدكتور اللي بيشيلهولك بيوريك حاجة مجعلصة كده كانت في جسمك .. هو ده الورم واللي بينتشر في الجسم لو اتساب .. حتى لو مشيت على نظام غذائى جاي من أعالي البحار أو عاملهولك الجن .. ماكانش حد غلب ..
ولو فيه نظام غذائي كده أو أعشاب .. مافيا شركات الأدوية زي ما بتسميها كانت هاتبيعهولك .. طالما هو سحري وهي مافيا ..............
3- أيوه .. الأدوية والتطعيمات كلها لها آثار جانبية .. ولو كانت شركات الأدوية مافيا .. ماكانتش سلمتك مع الدوا لستة طويلة عريضة مكتوب فيها كل الآثار الجانبية والتحذيرات وموانع الاستخدام .. وماكانتش هاتقول لك تطلب نصيحة طبيبك المتخصص قبل ما تاخده أو لو حصلت الآثار الجانبية ..
طب ليه ناخدها مادام لها آثار جانبية ؟
أولاً : لأن الآثار الجانبية مابتحصلش لأغلب الناس ..
ثانياً : لأن معظم الآثار الجانبية بتقف لما تبطل تاخد الدوا .. فلو حصلت ممكن توقف الدوا وشيل ده من ده .. يرتاح ده عن ده ..
ثالثا : في أغلب الأحيان الآثار الجانبية بتبقى بسيطة وأرحم من المرض نفسه ..
فانت بتوازن أمورك .. وتستحمل حاجة بسيطة لعلاج بلوى عظيمة .................
4- شركات الأدوية مش مافيا .. شركات الأدوية مؤسسات هدفها الربح ..
كون الربح ده من علاج الناس لا يعيبها .. زي بالظبط ما شركات الأكل بتكسب منك ومابتقولش عليها مافيا ..
شركات الموبايل بتكسب منك ومابتقولش عليها مافيا ..
المدارس والجامعات بتكسب منك ومابتقولش عليها مافيا ..
شركات الملابس بتكسب منك ومابتقولش عليها مافيا ..

لكن هي علشان بتعالج الناس عليها رقابة هائلة من الحكومات والمنظمات غير الحكومية .. وأي دوا بيمر بمراحل عديدة للتأكد من فاعليته وان نفعه أكبر من ضرره قبل ما يترخص ..
بتحصل أخطاء .. وكمان انحرافات ساعات في المنظومة دي ؟
آه بتحصل طبعاً زي أي مجال .. بس دي حالات استثنائية .................
5- مافيش أي نظام غذائي مخترع يحل محل الأدوية
مافيش أي نظام غذائي مخترع يحل محل الأدوية ..
مافيش أي نظام غذائي مخترع يحل محل الأدوية ..

لكن فيه أمراض بيسببها الأكل غير الصحي ..
فممكن تعالجها بأنك ترجع للأكل الصحي والرياضة (حالات السكر البسيطة من النوع الثاني وبعض أمراض القولون مثلا أو الامتناع عن أكل مسبب للحساسية) ................
6- الطب بالفعل وصل لعلاجات متقدمة تحقق نتايج أحسن وآثار جانبية أقل ..
يعني مثلاً فيه علاجات جديدة للسرطان مافيهاش لا كيماوي ولا اشعاع وبتجيب نتايج أحسن .. وفيه علاجات بيولوجية تغني عن الكورتيزون ..
واللي عاملاها شركات أدوية برضه ..

مش كان أولى شركات الأدوية القديمة تحارب شركات الأدوية الجديدة بدل ما يحاربوا الدكتور زوربيح اللي انت معتقد انه جاب التايهة ؟؟...............
7- الطب الحديث قائم على منظومة حوكمة علمية ..
بمعنى انه علشان دوا ينزل السوق .. لازم يمر بتجارب في المعمل .. ثم على الحيوانات .. ثم على البشر لعدة سنوات .. وجهة مسؤولة محايدة تراجع النتايج وتتأكد ان نفعه أكتر من ضرره .. ثم أبحاث أخرى بعد ما ينزل لعدة سنوات للتأكد من الآثار الجانبية طويلة المدى ..
وساعات التجارب دى بتتوقف وتتمنع لو مرضى ماتوا او تضرروا مثلاً أثناء التجارب ..

الدكتور زوربيح بقى اللي بيديك علاج صيني ولا علاج بديل ولا علاج هو مخترعه .. مامرش بالخطوات دي .. فحتى لو انت اتحسنت ممكن 10 غيرك ماتوا من نفس العلاج..وانت ماتعرفش .. وممكن يكون بيبوظ لك الكلى مثلا .. وانت ماتعرفش غير بعد 10 سنين انها باظت وماتعرفش أصلا ان دوا زوربيح هو اللي بوظها لك ..
هاتقول لي : ما شركات الأدوية ساعات هى اللي بتمول التجارب دي ..
ده صحيح إلى حد كبير .. وده منطقي ..
ما هم اللي هايبيعوه ويستفيدوا منه .. لكن فيه جهات رقابية بتتأكد من الخطوات أعلاه ..
ما هو مافيش جهة ولا حتى الحكومات هاتقدر تتحمل مليارات لأبحاث الدواء بدون مقابل ..
زي بالظبط ما شركة كمبيوتر أو موبايل بتمول باحثين علشان يطوروا تطبيق معين أو تكنولوجيا معينة ..
او شركة سيارات بتمول مهندسين علشان يطوروا العربيات .. ليه مابتقولش عليهم مافيا ورشوة وبتروح تشتري وانت مبسوط ؟؟
______________________________________________
إذا كنت تعرف كل المعلومات أعلاه ومافيش في البوست جديد .. مبروك .. انت من الأقلية المتعلمة ..
وإذا كان المكتوب أعلاه جديد عليك .. أو مش مقتنع بيه .. فلو سمحت .. روح كمل علامك .. انت والدكتور زوربيح .. وكل اللي لعب لك في دماغك بسبب جهلك.

وربنا يرحمه ويرحم الجميع
منقول

06/04/2026

فاعل خير متبرع بالعلبة دى لغير القادرين
الي محتاجه او يعرف حد محتاجه يبعت لنا علي رسايل الصفحة أو علي الأرقام التالية
01099165650
012 81010742

17/02/2026

🛑أخطر وقت في رمضان مش وأنت صايم…
أخطر وقت هو أول 5 دقايق قبل الفطار.

​
⚠️ الـ 300 ثانية دول ممكن يكونوا الفرق بين إنك تفطر وسط عيلتك، أو تقضي العيد في المستشفى.
​جسمك في رمضان بيتكلم..
لو مفهمتش لغته،
الصيام يفقد توازنه بسبب تصرفات غلط.

⛔️ 10 أخطاء بتحصل قبل الفطار كل يوم…
وأغلب الناس مش واخدة بالها إنها خطيرة.
​
1️⃣ فخ "أول سيجارة" (صدمة الشرايين) 🚬
• ​الحكاية: الآذان أذن، وأول حاجة لمست ريقك هي السيجارة وفنجان القهوة.
• ​اللي بيحصل: النيكوتين بيعمل (Vasoconstriction) يعني بيخنق الشرايين فجأة والدم لزوجته عالية. لو في جلطة مستخبية، ممكن يزود خطر انسداد الشريان خاصة لو عندك ضيق سابق، وده ممكن يسبب ذبحة صدرية.
• ​الحل: ممنوع نكسر الصيام بنكوتين. ابدأ بـ 3 تمرات ومية، واستنى 10 دقائق وبعدين السيجارة تكون بعد وجبة كاملة.

​2️⃣ غيبوبة "البسبوسة" (المخ بيفصل شحن) 🍰
• ​الحكاية: مريض سكر فطر "ودبّها" وحلّى بسبوسة، وفجأة بدأ "يخرف" وكلامه يتقل.
• ​اللي بيحصل: لما السكر يعلى جدًا مع جفاف شديد ، الدم بيبقى تقيل (Hyperosmolar State). الدم ده بيسحب المية من جوه خلايا مخك لبره، فالمخ "ينكمش" والمريض يتوه.
• ​الحل: اشرب مية كتير جداً وقيس السكر فوراً، ولو في غياب عن الوعي لازم مستشفى حالاً.
​
3️⃣ "غمامة العين" (انفجار الضغط) 👁️
• ​الحكاية: مريض ضغط فطر على حوادق ومخللات، وبعد ساعة شاف "غمامة سودا" قدام عينه.
• ​اللي بيحصل: الأملاح سحبت مية كتير للعروق فجأة، ارتفاع مفاجئ في الضغط ممكن يؤثر على شرايين الشبكية ويسبب تشوش مفاجئ في الرؤية، وأحيانًا نزيف.
• ​الحل: وقف أكل، قيس ضغطك وخد علاجك. لو الرؤية فضلت مشوشة لازم دكتور رمد.

​4️⃣ "وقعة الحمام" (جلطة الفجر) 🚿
• ​الحكاية: الوالد قام يتوضأ للسحور وفجأة وقع في الأرض ووجهه اتغير.
• ​اللي بيحصل: دي (Early Morning Stroke). لزوجة الدم في قمة نشاطها وقت الفجر بسبب قلة المية طول الليل. الجلطات أكثر حدوثًا في الساعات الأولى من الصبح، خصوصًا مع الجفاف وقلة السوائل.
• ​الحل: نيمه على جنبه واطلب الإسعاف فوراً. الثواني بتفرق في نجاة خلايا المخ.

​5️⃣ "نهجان الأم" (الذبحة الصامتة) 👩‍🍳
• ​الحكاية: الأم بتهلك نفسها في المطبخ قبل المغرب، وفجأة تنهج وتقول "نفسي مقطوع يا ولاد".
• ​اللي بيحصل: عند الستات، القلب لما "بيتعب" مبيوجعش الإيد، بيعمل "نهجان مفاجئ" لأن القلب مش قادر يضخ دم كفاية مع المجهود والحر.
• ​الحل: تخرج من المطبخ فوراً لمكان هاوي وترتاح. لو النهجان استمر لازم رسم قلب.

​6️⃣ "خدعة إبريق المية" (سراب العطش) 💧
• ​الحكاية: تشرب كمية مية ضخمة قبل الفجر بدقيقة "عشان تخزن".
• ​اللي بيحصل: الكلى بتعتبر المية الكتير دي حمل زايد (Diuresis) وبتطردها كلها في أول ساعتين صيام، وتاخد معاها أملاح مهمة، وهتكمل يومك عطشان أكتر.
• ​الحل: كوباية مية كل ساعة من الفطار للسحور. والسحور لازم فيه بوتاسيوم (موز/زبادي) عشان يحافظ على السوائل.

​7️⃣ "دواء الغدة" (كأنك مأخدتوش) 💊
• ​الحكاية: واحدة بتاخد دواء الغدة مع آذان المغرب وسط الأكل.
• ​اللي بيحصل: دواء الغدة حساس جداً، الأكل والدهون بيمنعوا امتصاصه تماماً. هتخلصي رمضان بجسم منفوخ وخمول لأن الغدة "واقعة".
• ​الحل: الحباية يا قبل السحور بساعة (على معدة فاضية)، يا قبل الفجر مباشرة.

​8️⃣ "انتحار السيولة" 🩸
• ​الحكاية: مريض قلب بيوقف دواء السيولة (بلافيكس) عشان "بيتعب معدته" في الصيام.
• ​اللي بيحصل: الصيام بيزود تجلط الدم طبيعي، وتوقيف الدواء بيخلي الدم "يجبّن" في العروق و"يرفع خطر حدوث جلطة بشكل كبير."
• ​الحل: خد الدواء في نص الأكل، واطلب من دكتورك دواء لحماية المعدة.
​
9️⃣ "مسكنات السحور" (خرم المعدة) 💊
• ​الحكاية: ياخد مسكن قوي على السحور عشان ما يصدعش الصبح.
• ​اللي بيحصل: المسكنات بتهري جدار المعدة، ومع معدة فاضية طول النهار، حمض المعدة بياكل في الجدار ويعمل قرحة نازفة.
• ​الحل: استبدله بـ "باراسيتامول"، واشرب مية كتير طول الليل.

​🔟 "توهان السواقة" (الإنذار الأخير) 🚗
• ​الحكاية: وأنت سايق قبل المغرب، حسيت إنك مش عارف أنت فين، وعرق بارد نزل عليك.
• ​اللي بيحصل: سكرك وصل لمرحلة حرجة (Critical Level). مخك بدأ يفصل شحن وأي قرار غلط ممكن ينهي حياتك.
• ​الحل: اركن فورًا وافطر…
أي تأخير في الحالة دي ممكن يعرّضك ويعرّض غيرك لخطر.

"قولولي في التعليقات…
مين فيكم بيعمل حركة السيجارة أو يشرب إبريق مية قبل السحور وهو فاكر إنها آمنة؟"
​
💡 آخر 5 دقايق قبل الفطار…
يا إما تعدّي عادي،
يا إما تفتح باب طوارئ.
لو شايف إن المعلومة مهمة، خلّيها توصل لغيرك.

07/12/2025

حقنة فوستيمون لتأخر الإنجاب الي ناقصة جدا في كل مكان
الان متوافرة في صيدلية سعيد
الحق بسرعة الكمية محدودة